Grunnskóli Borgarfjarðar er þriggja deilda grunnskóli sem staðsettur er á Hvanneyri, Kleppjárnsreykjum og Varmalandi.

Í Hvanneyrardeild eru nemendur í 1.-5. bekk og koma flestir af Hvanneyrarsvæðinu og Skorradal.

Á Kleppjárnsreykjum er 1.-10. bekkur og koma nemendur frá Hvanneyri, Skorradal, Bæjarsveit, Lundarreykjadal, Flókadal, Reykholtsdal, Hálsasveit og efri hluta Hvítársíðu.

Á Varmalandi er 1.- 4. bekkur og koma nemendur úr Hvítársíðu, Stafholtstungum, Þverárhlíð, Borgarhreppi og Norðurárdal.