Endurskoðun aðalskipulags
Í aðalskipulagi er sett fram stefna um ýmsa þætti eins og landnotkun, hver byggðaþróun og -mynstur sé og stefna um samgöngu- og þjónustukerfi. Stefnumörkun aðalskipulags á að miða við minnst 12 ára tímabil en samkvæmt 35. gr. skipulagslaga nr. 123/2010 skal sveitarstjórn meta hvort eigi að endurskoða aðalskipulag sveitarfélagsins í upphafi hvers kjörtímabils fyrir sig.
Slíkt mat er m.a. byggt á þeim breytingum á lögum sem gerðar eru á kjörtímabili og á landsskipulagsstefnu stjórnvalda sem aðalskipulög sveitarfélaga byggja á.
Skipulags- og matslýsing fyrir endurskoðun Aðalskipulags Borgarbyggðar 2025-2037 var samþykkt til kynningar af hendi sveitarfélagsins 8. júní 2023 og var aðgengileg í skipulagsgátt frá 15. júní til og með 18. september 2023.
Vinnslutillaga aðalskipulagsins var í kynningu í skipulagsgátt frá 26. september til og með 14. nóvember 2024.
Tillaga aðalskipulagsins var samþykkt til auglýsingar á fundi sveitarstjórnar Borgarbyggðar þann
10. apríl 2025 og er aðgengileg í skipulagsgátt frá 24. júní til og með 28. ágúst 2025.
Málið er nr. 242/2023 og má nálgast öll gögn hér
Verkfræðistofan Efla sér um endurskoðunina og halda úti verkefnavef aðalskipulagsins þar sem hægt er skoða núgildandi aðalskipulag (2010-2022), kortlagningu vega í náttúru Íslands og flokkun landbúnaðarlands. Hér er tengill á verkefnavef aðalskipulagsins.
Í samræmi við 31. gr. skipulagslaga nr. 123/2010 er hér með auglýst tillaga á endurskoðun aðalskipulags Borgarbyggðar 2025-2037.
Sveitarstjórn Borgarbyggðar samþykkti þann 10. apríl 2025 að auglýsa tillögu á endurskoðun aðalskipulags Borgarbyggðar 2025-2037.
Aðalskipulag er stefna sveitarfélags um landnotkun, náttúruvernd og þróun byggðar í öllu sveitarfélaginu. Það nær til alls lands innan marka sveitarfélagsins. Skipulagsmörk miða við sveitarfélagsmörk á landi og 115 metra utan við stórstraumsfjöruborð á sjó í samræmi við skilgreiningu staðarmarka sveitarfélaga í sveitarstjórnarlögum og jarðlögum. Samkvæmt skipulagsreglugerð er aðalskipulagi ætlað að stuðla að markvissri þróun þar sem tekið er tillit til heildarhagsmuna, miðla málum milli ólíkra hagsmuna íbúa og stuðla að öryggi almennings og lífsgæðum.
Borgarbyggð setur hér farm tillögu að endurskoðun aðalskipulags sem nær yfir allt land innan sveitarfélagsins Borgarbyggð. Nýtt aðalskipulag er til 12 ára og nefnist það Aðalskipulag Borgarbyggðar 2025-2037. Tillagan er aðgengileg í skipulagsgátt Skipulagsstofnunar, mál nr. 242/2023 og á heimasíðu sveitarfélagsins, smellt er á hnappinn Endurskoðun aðalskipulags á forsíðu.
Hverjum þeim aðila sem telur sig eiga hagsmuna að gæta er gefinn kostur á að koma með ábendingar við auglýsta tillögu og er frestur til að skila inn ábendingum til og 28. ágúst 2025. Ábendingum skal skila inn í rafræna skipulagsgátt Skipulagsstofnunar www. skipulagsgatt.is.
Í samræmi við 2. mgr. 30. gr. skipulagslaga nr. 123/2010 er Vinnslutillaga á endurskoðun aðalskipulags Borgarbyggðar 2025-2037 auglýst frá 26. september til og með 14. nóvember 2024.
Sveitarstjórn Borgarbyggðar samþykkti þann 12. september 2024 að auglýsa vinnslutillögu á endurskoðun aðalskipulags Borgarbyggðar 2025-2037.
Borgarbyggð setur hér farm drög að endurskoðun aðalskipulags sem nær yfir allt land innan sveitarfélagsins Borgarbyggð. Nýtt aðalskipulag er til 12 ára og nefnist það Aðalskipulag Borgarbyggðar 2025-2037.
Vinnslutillagan er aðgengileg í skipulagsgátt Skipulagsstofnunar, mál nr. 242/2023 .
Hverjum þeim aðila sem telur sig eiga hagsmuna að gæta er gefinn kostur á að koma með ábendingar við auglýsta vinnslutillögu og er frestur til að skila inn ábendingum til og með 14. nóvember 2024. Ábendingum skal skila inn í rafræna skipulagsgátt Skipulagsstofnunar www. skipulagsgatt.is.
Athugið að opin hús verða haldin varðandi vinnslutillöguna á auglýsingartíma og verða þau auglýst síðar.
Borgarbyggð hefur hafið endurskoðun aðalskipulags og birtir skipulags- og matslýsingu þar sem farið er yfir hvaða viðfangsefni í umhverfis- og skipulagsmálum verða til umfjöllunar í endurskoðuninni. Einnig er vinnuferlinu lýst og hvernig kynningu og samráði verður háttað.
Nú hefur verið leitað til íbúa og annarra hagsmunaaðila um efni lýsingarinnar og þær áherslur um endurskoðunina sem þar birtast.
Íbúar og aðrir hagsmunaaðilar eru hvattir til að kynna sér lýsinguna og senda ábendingar og sjónarmið sem varða efni hennar.
Kynningafundur um skipulagslýsinguna var haldinn 12. september 2023 og auglýstur sérstaklega á heimasíðu sveitarfélagsins.
Hér er upptaka af fundinum sem var streymt í beinni af Kvikmyndafjelagi Borgarfjarðar.
Kynning lýsingarinnar var skv. 1. mgr. 30. gr. skipulagslaga og 14. gr. laga um umhverfismat framkvæmda og áætlana.