16. apríl, 2024
Allar fréttir
![](/_next/image?url=https%3A%2F%2Fdev.borgarbyggd.is%2Fgrunnborg%2Fwp-content%2Fuploads%2Fsites%2F2%2F2024%2F04%2Fs28.jpg&w=1280&q=75)
Dagana 12. – 13. apríl fór fram smiðjuhelgi hjá unglingastigi. Með smiðjuhelginni er verið að brjóta upp hefðbundið skólastarf en á móti eru krakkarnir einum tíma skemur á viku í skólanum. Boðið var upp á sjö mismunandi námskeið fyrir krakkana og var úrvalið fjölbreytt að velja úr. Smiðjurnar sem voru í boði þessa helgina voru skartgripagerð, austurlensk matargerð, klifur, mosaik og annað föndur, ljósmyndasmiðja, rafíþróttir og hnefaleikar.
Af myndunum að dæma leiddist krökkunum ekki þetta uppbrot.