![](/_next/image?url=https%3A%2F%2Fdev.borgarbyggd.is%2Fgbf%2Fwp-content%2Fuploads%2Fsites%2F6%2F2024%2F06%2FMessenger_creation_32c3dc54-3261-406e-a3c9-77abe6ee1058.jpeg&w=1280&q=75)
Skólaslit eru alltaf hátíðlegur viðburður. Nemendur mæta með foreldrum sínum og hlusta á vel valin orð Helgu Jensínu skólastjóra.
Nemendur fengu vitnisburðarmöppurnar sínar afhendar af umsjónarkennurum og viðurkenningar voru veittar fyrir framfarir í lestri. Nemendur sem eru að ljúka grunnskólagöngu sinni og hafa sýnt framúrskarandi árangur fá viðurkenningar. Einnig færir skólinn öllum nemendum sem eru að útskrifast birkitré að gjöf.
Á Hvanneyri kvöddu nemendur 5. bekkjar en þeir færa sig yfir á Kleppjárnsreyki næsta haust. Á Kleppjárnsreykjum kvöddu nemendur 10. bekkjar en þeir fluttu ræðu, sungu frumsamið lag og færðu kennurum sínum gjafir við þessi tímamót.
Á Varmalandi kvöddu nemendur úr 4. til 10. bekk en breyting er á skólahaldi þar næsta vetur. Þeir nemendur sem ekki voru að ljúka grunnskólagöngu sinni munu halda á vit ævintýranna á Kleppjárnsreykjum og í Borgarnesi. Hjónin á Glitstöðum gáfu skólanum hátalara með þakklæti fyrir skólagöngu barna sinna sem var að ljúka eftir 25 ár. Kærar þakkir til þeirra hjóna á Glitstöðum.
Við þökkum fyrir gott samstarf í vetur og óskum öllum gleðilegs sumars.