Lokið er álagningu fasteignagjalda í Borgarbyggð árið 2024.
Álagningarseðlar eru á „Mínar síður – Pósthólf“ á www.island.is
Álagningarseðlar hafa verið sendir í pósti til fasteignaeigenda sem eru 76 ára og eldri.
Nánari upplýsingar um gjaldskrár eru á heimasíðu Borgarbyggðar, borgarbyggd.is, þeir sem þess óska geta haft samband við skrifstofu Borgarbyggðar og fengið senda álagningarseðla á pappír.
Gjalddagar eru tíu, sá fyrsti 25. janúar og síðan 15. hvers mánaðar fram í október.
Eindagi er fimmtánda dags næsta mánaðar eftir gjalddaga nema hvað fyrsti eindaginn er 26. febrúar.
Greiðsluseðlar verða sendir til þeirra sem eru 76 ára eða eldri. Vinsamlega hafið samband við skrifstofu Borgarbyggðar ef óskað er breytinga á þessu fyrirkomulagi. Sími á skrifstofu Borgarbyggðar er 433-7100 og netfangið thjonustuver@borgarbyggd.is
Ef gjaldendur telja álagninguna ekki rétta er hægt að fara fram á endurálagningu með rökstuddum hætti. Skrifleg beiðni þar um skal berast skrifstofu Borgarbyggðar eigi síðar en mánuði eftir álagningu gjaldanna.
Borgarnesi 23. janúar 2024
Skrifstofa Borgarbyggðar
Tengdar fréttir
Kristján Gíslason lætur af störfum hjá Borgarbyggð
Kristján Þormar Gíslason lætur af störfum hjá sveitarfélaginu, en hann hefur starfað hjá Borgarbyggð í 27 ár, eða frá árinu 1998. Kristján hefur gegnt margvíslegum störfum, meðal annars sem skólastjóri við Grunnskólann í Borgarnesi, skjalavörður í Ráðhúsi Borgarbyggðar og nú síðast sem þjónustufulltrúi. Við viljum þakka Kristjáni fyrir ánægjulegt samstarf og óska honum velfarnaðar í framtíðinni. Sömuleiðis láta eftirfarandi starfsmenn …
Breytingar á skipuriti skipulags- og umhverfissviðs
Sveitarstjórn Borgarbyggðar samþykkti í gær breytingu á skipuriti skipulags- og umhverfissviðs Borgarbyggðar. Stofnað hefur verið nýtt embætti umhverfisfulltrúa sem heyra mun beint undir sviðsstjóra, til hliðar við byggingarfulltrúa og skipulagsfulltrúa. Þá mun starfsemi áhaldahúss færast beint undir sviðsstjóra líkt og umsjón eigna. Starf deildarstjóra umhverfis- og landbúnaðarmála hefur verið lagt niður og verkefni færð undir embætti umhverfisfulltrúa, til áhaldahúss og …