Listamanneskjan sem sveitarstjórn tilnefndi að þessu sinni er Sigríður Ásta Olgeirsdóttir, ung Borgfirsk sviðlistakona er fædd þann 15. apríl árið 1994 og steig sín fyrstu skref í inn á listabrautina 4ra ára gömul þegar hún hóf nám í Tónlistarkóla Borgarfjarðar þar sem hún lærði á píanó, fiðlu og söng. Eftir það tók við framhaldsnám við Söngskólann í Reykjavíkur, en þaðan lauk hún 8. stigi í söng og 7. stigi á píanó. Þá lá leiðin til Vínarborgar í tónlistarháskóla og eftir það í Copenhagen Internation School of Performing Art, þaðan sem hún lauk BA- prófi árið 2020 en samhliða því námi lagði hún áfram stund á einkanám í söng.
Sigríður hefur verið sjálfstætt starfandi í sviðlistum óslitið frá 2020 og fjölda verkefni sem hún hefur komið að með einum eða öðrum hætti. Síðastliðið leikhár hefur hún meðal annars nefna Konukroppar, en frumsýnt var í Sundlauginni í Brautartungu, þar var Sigríður danshöfundur og flytjandi í verkefninu. Hún lék í verkinu Með vindinum liggur leiðin heim í
uppsetningu Handbendis, leikstýrði óperunum Gleðilegi geðrofsleikurinn og Varstu búinn að vera að reyna að ná í mig? eftir Guðmund Stein Gunnarsson, lék í söngleiknum Við erum hér í leikstjórn Agnesar Wild í Tjarnarbíói, stóð fyrir tónleikunum Melankólía milli jóla og nýárs ásamt systur sinni, Hönnu Ágústu, í Borgarkirkju á Mýrum, tók við hlutverki Karíusar í sýningunni Karíus og Baktus í Hörpu, lék aðalhlutverk í stuttmyndinni Óáran eftir Álfheiði Richter, söng tónleika á tónlistarhátíðinni Bjartir mússíkdagar í Borgarnesi ásamt Pétri Erni Svavarssyni að ógleymdu því að vera framleiðandi, höfundur og leika titilhlutverkið í sýningunni DIETRICH í Sjálfstæðissalnum við Austurvöll.
Fyrir störf sín á þessu á leikárinu 2024-2025 var Sigríður tilnefnd til Hvatningarverðlauna Grímunnar 2025.
Auk þessa kennir Sigríður við Söngskólann í Reykjavík og situr í stjórn bæði í Sviðlistasambandi Íslands og Sjálfstæðu Leikhópana.
Sigríður Ásta Olgeirsdóttir og Guðveig Lind Eyglóardóttir, Forseti sveitarstjórnar
Tengdar fréttir
Sindri þrefaldur Íslandsmeistari og Kristín setti tvö heimsmet
Íþróttafólkið Sindri Karl og Kristín Þórhallsdóttir náðu framúrskarandi árangri í sínum greinum um síðastliðna helgi. Sindri Karl varð þrefaldur Íslandsmeistari á Meistaramóti Íslands í frjálsum íþróttum fyrir 15–22 ára, sem fram fór á Akureyri. Sindri keppti í flokki 16–17 ára og sigraði örugglega í 800, 1.500 og 3.000 metra hlaupum. Kristín Þórhallsdóttir, kraftlyftingakona frá Laugalandi í Borgarfirði, setti tvö heimsmet …
Hugrún Harpa Ólafsdóttir er Fjallkona Borgarbyggðar 2026
Hugrún Harpa Ólafsdóttir gegndi hlutverki Fjallkonunnar við hátíðarhöld Borgarbyggðar á 17. júní í ár. Hugrún er nýstúdent frá Menntaskóla Borgarfjarðar og hefur verið virk í leiklist, félagslífi og margvíslegu starfi í skólanum. Við hátíðarhöld dagsins flutti Hugrún Harpa ljóðið Talað við ungt fólk eftir Guðmund Böðvarsson. Hugrún Harpa heimsótti einnig heimilisfólk á Brákarhlíð þar sem hún flutti ljóðið við mikla …