Þann 1. janúar 2025 tók ný gjaldskrá gildi fyrir íþróttamannvirki í Borgarbyggð.
Breytingar frá fyrri gjaldskrá eru þær að:
- Verð á stökum miða er nú 1290 kr. og hækkar um 3,9%
- 25% afsláttur er veittur af kaupum á 10 miða kortum
- Börn 13-18 ára, eldri borgarar og öryrkjar fá 70% afslátt við kaup á árskorti
- Framhaldsskólanemar fá 50% afslátt við kaup á árskorti
- Börn og ungmenni til 18 ára aldurs með lögheimili í sveitarfélaginu fá heilsukort án endurgjalds í boði Heilsueflandi samfélags í Borgarbyggð sem gildir í eitt ár. Kortið veitir aðgang í sund og líkamsrækt (13-18 ára)
- Afslættir af stökum miðum falla niður
Borgarbyggð hefur stigið öflug skref í því að efla heilsueflingu eldri borgara í gegnum Janusarverkefnið. Þeir sem greiða mánaðargjald fá áfram aðgang að sundi og tækjasalnum án endurgjalds. Gjaldskrá fyrir Janusarverkefnið tekur ekki breytingum .
Í íþróttahúsinu í Borgarnesi er starfandi íþróttafræðingur sem leiðbeinir einstaklingum í tækjasalnum. Einnig er boðið upp á vatnsleikfimi, hádegistíma, spinning og önnur námskeið, til dæmis í samstarfi við sjúkraþjálfara sem heitir “Vinnum með verkina”. Öll þessi námskeið eru í boði fyrir þá sem versla sér árskort í þrek og sund.
Heilsueflandi samfélag mun áfram styrkja börn búsett í sveitarfélaginu og fá þau frítt í sund til 18 ára aldurs og börn 13-18 ára fá frítt í þrek. Á næstu dögum fá þau afhent heilsukort sem þau framvísa í íþróttamannvirkjum, en nánari upplýsingar um fyrirkomulag verður sent forsjáraðilum.
Ef þið hafið nánari spurningar er hægt að hafa samband við þjónustuver Borgarbyggðar á borgarbyggð@borgarbyggd.is
Tengdar fréttir
Seinkun á söfnun rúlluplasts
Vegna bilana á bílum hjá Íslenska gámafélaginu verður seinkun á hirðingu á rúlluplasti. Vonast er til að komist verði í söfnun um helgina.
Brúin farin yfir Ferjukotssíki á vegi nr. 510
Vakin er athygli íbúa á því að brúin yfir Ferjukotssíki er farin og verður því lokað um þá leið í óákveðinn tíma. Bent er á að hafa beint samband við Vegagerðina vegna fyrirspurna.