Byggðarráð Borgarbyggðar

6. fundur

27. ágúst 2026 kl. 08:15 - 09:23

í fundarsal að Digranesgötu 2

Nefndarmenn

Davíð Sigurðsson - aðalmaður
Sigurður Guðmundsson - formaður
Ragnhildur Eva Jónsdóttir - varaformaður
Jovana Pavlovic - áheyrnarfulltrúi
Haukur Þór Hauksson - áheyrnarfulltrúi

Starfsmenn

Unnur Brá Konráðsdóttir - sveitarstjóri
Þórunn Unnur Birgisdóttir - Lögfræðingur
Fundargerð ritaði: Þórunn Unnur Birgisdóttir - Lögfræðingur

Í upphafi fundar var samþykkt samhljóða að mál nr. 2510326 - Framlög frá Jöfnunarsjóði sveitarfélaga. nr. 2603179 yrði tekið inn með afbigðum og máli nr. 2603179- Deiliskipulag - Flugvöllurinn í Borgarnesi (L122785), yrði frestað til næsta fundar

Dagskrá

1. Barnaverndarþjónusta Vesturlands
2608172

Lagður er fram viðauki við samning Borgarbyggðar og Hvalfjarðarsveitar um barnaverndarþjónustu. Samningur hefur verið birtur í Stjórnartíðindum með nr.121/2024. Með viðauka þessum verða Eyja- og Miklaholtshreppur, Grundafjarðarbær, Snæfellsbær og Sveitarfélagið Stykkishólmur aðili að samningnum. Skal samstarf aðilanna nefnt Barnaverndarþjónusta Vesturlands.

Samningurinn hefur farið í gegnum tvær umræður í sveitarstjórn og hafa nú sveitarfélögin á Snæfellsnesi gert hið sama. Þá er sú vegferð loks í höfn sem lagt var upp með. Borgarbyggð verður nú leiðandi sveitarfélag fyrir sveitarfélögin öll á Snæfellsnesi en Borgarbyggð hefur verið í því hlutverki gagnvart Hvalfjarðarsveit í nokkur ár. Hér eftir verður því talað um Barnaverndarþjónustu Vesturlands.

Byggðarráð fagnar þeim áfanga að samstarfið getur formlega hafist og hefur miklar væntingar til þess að samstarfið efli barnavendarþjónustu fyrir öll sveitarfélögin sem tilheyra samstarfinu.



Samþykkt samhljóða


2. Húsaleigusamningur Melabraut 4a
2602011

Ósk um leiðréttingu á leigusamningi þar sem hið leigða er stærra en gert var ráð fyrir í upphafi og er leigufjárhæð uppfærð miðað við rétta stærð. Þá er lagt til að uppsagnarfrestur verði lengdur og verði 24 mánuðir í stað 18.

Byggðarráð felur sveitarstjóra að útbúa viðauka við gildandi leigusamning vegna leiguhúsnæðisins að Melabraut 4a, þar sem leigufjárhæð verði endurreiknuð miðað við réttan fermetrafjölda húsnæðisins. Einnig verði uppsagnarfrestur lengdur úr 18 mánuðum í 24 mánuði. Viðaukinn verði lagður fyrir sveitarstjórn til samþykktar.



Samþykkt samhljóða.


3. Staða mála - Byggingarmál í fyrrum Skorradalshreppi
2608177

Byggingarfulltrúi fer yfir stöðu mála varðandi yfirfærslu mála úr Skorradalshreppi vegna sameiningar sveitarfélaganna.

Byggðarráð þakkar Sæmundi Óskarssyni byggingarfulltrúa fyrir góða yfirferð. Ljóst er að mikil vinna er í gangi og framundan við að vinna úr byggingarmálum í Skorradal.




4. Styrktarbeiðni vegna framkvæmda.
2607083

Sóknarnefnd Reykholtssóknar óskar eftir styrk til að lagfæra veg sem liggur á milli

kirkju og kirkjugarðs í Reykholti.

Framlögð beiðni sóknarnefndar Reykholtsóknar um styrk til lagfæringar á vegi ásamt kosnaðaráætlun vegna verksins. Sveitarstjóra falið að kanna hvort og þá með hvaða hætti sveitarfélagið kemur að lagfæringu á aðkomu að kirkjugörðum.



Samþykkt samhljóða.

Fylgiskjöl

5. Ristahlið Norðurtungukirkjugarður
2608183

Sóknarnefnd Norðtungukirkju sækir um styrk til að fjármagna kaup á tveimur pípuhliðum og niðursetningu á þeim vegna kirkjugarðsins.

Framlögð beiðni sóknarnefndar Norðtungukirkju um styrk til að fjármagna kaup og niðursetningu á tveimur pípuhliðum. Sveitarstjóra falið að kanna hvort og þá með hvaða hætti sveitarfélagið getur orðið við beiðni sóknarnefndar Norðtungukirkju.



Samþykkt samhljóða.

Fylgiskjöl

6. Fundagerðir Heilbrigðisnefndar Vesturlands 2026.
2602143

Framlögð fundargerð 203.fundar Heilbrigðisnefndar Vesturlands sem haldinn var 19.ágúst sl.

Fundargerð framlög

Fylgiskjöl

7. Framlög frá Jöfnunarsjóði sveitarfélaga
2510326

Nýtt erindi Borgarbyggðar til jöfnunarsjóðs í kjölfar svars sjóðsins við fyrra erindi lagt fram.

Framlagt svarbréf sveitarstjóra vegna svarbréfs frá innviðaráðuneytinu og Jöfnunarsjóði sveitarfélaga dags. 14. ágúst 2026.

Fylgiskjöl

Fundi slitið - kl. 09:23