Fundargerð
Afgreiðslufundur skipulagsfulltrúa
74. fundur
30. apríl 2026 kl. 10:00 - 00:00
í fundarsal að Digranesgötu 2
Nefndarmenn
Starfsmenn
Dagskrá
1. Umsókn um deiliskipulag - Kiðárbotnar 62
Breytingin tekur til stækkunar á lóð þar sem hún stækkar úr 1.250 m2 í 1.405 m2 þar sem hún lengist til norðurs um allt að 10 m og austurs um 2m. Til vesturs styttist lóðin um allt að 10 m. Auk þess er byggingarreitur stækkaður um 10 m til norðurs og 2 m til austurs. Aðrir skilmálar gildandi deiliskipulags haldast óbreyttir.
Kynnt var frá 24.03.26 - 24.04.26 fyrir nágrönnum í skipulagsgátt Skipulagsstofnunar. Engar athugasemdir bárust á kynningartíma.
Málsmeðferð verður skv. 2. mgr. 43. gr. skipulagslaga 123/2010.
2. selás 11 - umsókn um deiliskipulag - L177900
Uppdráttur dags. 23.03.2026.
3. Brekka - umsókn um framkvæmdarleyfi - 134758
Hvassafells (L134815) vegna neysluvatnsrannsókna. Lagt er upp með að könnunargryfjurnar verði um 3 m á lengd og 1-2 m breiðar og eins djúpar og unnt er að komast með gröfu (~3-4 m). Efnisgerð verður skoðuð og skráð og þess freistað að meta
innrennsli vatns með brunndælu ef nægt vatn kemur inn í gryfjurnar. Áður en lokað verður aftur fyrir gryfjurnar verður komið fyrir götuðu röri úr plasti þar sem komið verður fyrir vatnsborðssíritum sem munu fylgjast með breytingum á vatnshæð í áreyrunum í sumar. Er um að ræða rannsóknir til þess að meta fýsileika vatnsbólsgerðar á svæðunum.
Aðkoma að svæðinu í landi Hvassafells yrði um námuslóða við Bjarnardalsá. Aðkoma að svæðinu við Brekku yrði um slóða sem til staðar er neðan við Grábrók, á milli Grábrókar og Grábrókarfells/Rauðbrókar og ofan Grábrókarfells/Rauðbrókar. Mögulega þyrfti að bera í slóðann en það verður metið með jarðverktaka. Tímasetning framkvæmdar fer eftir hvenær frost verður komið úr jörðu en viðmiðunartími er júní. Samþykki landeigenda beggja jarða liggur fyrir. Bæði svæðin eru skilgreind sem landbúnaðarland í aðalskipulagi. Ekkert deiliskipulag er á svæðunum.
4. Umsögn Strengvæðing Vatnshamrar-Ferjubakki
Framkvæmdin felur í sér að leggja núverandi 19 kV loftlínu í jörð á milli tengivirkisins á Vatnshömrum og Ferjubakka og undir Hvítá. Strengleiðin er í heildina um 6,8 km löng.
Sex 33 kV strengir verða plægðir niður, í tveimur plógförum. Við plægingu er notast við plógvél og aðrar vinnuvélar sem hefur nægilegt flot, spyrnu og togkraft til þess að komist sé hjá því að spilla að óþörfu yfirborði landsins. Strengirnir fara niður á um 90 cm dýpi og er landið skorið með skurðarhjóli áður en plógurinn fer í gegn en þannig er komið í veg fyrir að yfirborð dragist við plægingu. Jarðvegur leggst að strengnum um leið og hann kemur út úr strengrennu sem er aftan við plóginn. Eiginlegt rask vegna framkvæmdarinnar á aðallega við um plógförin tvö sem hvort um sig verða um 30-40 cm á breidd. Heildarumfang svæðis sem kann að raskast takmarkast þó við breidd gröfunnar sem sér um plæginguna en gera má ráð fyrir að það sé um 2-3 m breitt svæði. Með góðum undirbúningu og vali réttum vinnutækjum má halda því í lágmarki. Strax að plægingu lokinni er keyrt yfir farið með belti til að loka því. Strengirnir fara svo undir Hvítá í einu fari. Sú þverun er um 510 m löng, þar af verða 270 m í virkum árfarvegi. Jarðstrengirnir verða dregnir í gegnum ídráttarrör sem verða grafin í árbotninn. Niðurstöður dýptarmælinga benda til þess að vatnsdýpi sé að hámarki 2 m í álum í ánni. Botninn er mjög sendinn og má gera ráð fyrir því að álar séu síbreytilegir. Því þarf að koma jarðstrengnum niður fyrir a.m.k. 2 m dýpi undir virkum farvegi árinnar. Til að halda ídráttarrörunum niðri þarf að setja steinsteypt farg utan um ídráttarrörin með reglulegu millibili. Síðan er fyllt yfir rörin, fyrst með sandi eða möl og síðan með grófara efni til að rofverja botn árinnar yfir ídráttarrörunum. Ákjósanlegast er að það sé gert með efni úr vinnufyllingunni. Á meðan á framkvæmdunum stendur verður vinnufylling fyrir vegslóða lögð út í ána. Á leirunum á norðurbakkanum er mögulegt að koma ídráttarrörum fyrir á þurru en þar flæðir yfir á háflóði. Þar er þó þörf á slóðagerð og yrði efnið úr slóðanum notað sem rofvörn þegar fyllt er yfir ídráttarrörin. Strengurinn er víkjandi fyrir framtíðarskipulagi og ekkert eiginlegt helgunarsvæði.