Sveitarstjórn Borgarbyggðar

1. Skýrsla sveitarstjóra

Sveitarstjóri flytur skýrslu sveitarstjóra

Sveitarstjóri flytur skýrslu sveitarstjóra

2. Ársreikningur Borgarbyggðar 2025

Afgreiðsla fundar byggðarráðs nr. 739:"Framlögð drög að ársreikningi 2025. Til fundarins koma undir þessum dagskrárlið Halldóra Ágústa Pálsdóttir frá KPMG, Sigurður Kristjánsson fjármálastjóri og Kristín Lilja Lárusdóttir yfirbókari.



Samstæða Borgarbyggðar var rekin með 31 m.kr. halla á árinu 2025 og rekstur A-hluta var gerður upp með 92 m.kr. halla. Rekstrarhagnaður samstæðu fyrir afskriftir og fjármagnsliði var 334 m.kr. en 67 m.kr. af rekstri A-hluta.



Rekstrarniðurstaða A-hluta fyrir afskriftir og fjármagnsliði er 233 m.kr. undir áætlun sveitarfélagsins og skýrist frávik aðallega af 90 m.kr. meiri hækkun lífeyrisskuldbindingar en áætlað var ásamt því sem um 120 m.kr. kostnaður við fjárhagsaðstoð við langtímaflóttafólk hefur ekki fengist endugreiddur.



Rekstrartekjur A-hluta Borgarbyggðar voru tæplega 6,7 ma.kr. á árinu 2025 og jukust um 1,4% á milli ára. Útsvarstekjur jukust um 9,1% og voru 3,3 ma.kr. og skatttekjur samtals jukust um 6,8%.



Veltufé frá rekstri samstæðu Borgarbyggðar var 542 m.kr. sem samsvarar 7,0% framlegð en 372 m.kr. af starfsemi A-hluta sem samsvarar 5,6% framlegð. Hreinar fjárfestingar í A-hluta Borgarbyggðar námu 2,7 ma.kr. Þar standa tvær fjárfestingar upp úr, bygging nýs fjölnota íþróttahúss - knatthúss í Borgarnesi og endurbygging Grunnskóla Borgarfjarðar á Kleppjárnsreykjum. Þá var fjárfest í gatnagerð, endurbótum á íþróttahúsinu í Borgarnesi og niðurrif hafið í Brákarey svo eitthvað sé nefnt. Á árinu 2025 nam hrein ný lántaka A-hluta Borgarbyggðar 2,3 ma.kr. og voru heildarskuldir- og skuldbindingar samtals 6,5 ma.kr. í árslok. Heildareignir voru bókfærðar á 13,2 ma.kr. í lok árs 2025 og eigið fé samtals um 6,7 ma.kr. sem samsvarar um 51% eiginfjárhlutfalli. Skuldaviðmið samstæðu var í lok árs 71,4% og 70,1% fyrir A-hluta.



Á fyrri hluta þessa árs verður lokið við framkvæmdir við fjölnota íþróttahús - knatthús, og gatnagerð við Vallarás og Kveldúlfshöfða í Borgarnesi. Nýr markaðsvefur fyrir lóðir í sveitarfélaginu er kominn í loftið og ný hverfi tilbúin til uppbyggingar.



Skuldsetning sveitarfélagsins hefur aukist samhliða uppbyggingu. Rekstur ársins 2025 var þyngri en áætlun gerði ráð fyrir og skuldir því ívið hærri undir lok árs 2025 en áætlað hafði verið. Á þessum tímapunkti metur byggðarráð það sem svo að hætt sé við að tekjur á árinu 2026 verði lægri en áætlun gerði ráð fyrir og er þar helst horft til framlaga frá Jöfnunarsjóði sveitarfélaga og endurgreiðslna vegna fjárhagsaðstoðar. Því er tilefni til að rýna reksturinn, fjárfestingar og lántökur ársins með það fyrir augum.



Samþykkt samhljóða og vísað til seinni umræðu í sveitarstjórn."

Samstæða Borgarbyggðar var rekin með 31 m.kr. halla á árinu 2025 og rekstur A-hluta var gerður upp með 92 m.kr. halla. Rekstrarhagnaður samstæðu fyrir afskriftir og fjármagnsliði var 334 m.kr. en 67 m.kr. af rekstri A-hluta.



Rekstrarniðurstaða A-hluta fyrir afskriftir og fjármagnsliði er 233 m.kr. undir áætlun sveitarfélagsins og skýrist frávik aðallega af 90 m.kr. meiri hækkun lífeyrisskuldbindingar en áætlað var ásamt því sem um 120 m.kr. kostnaður við fjárhagsaðstoð við langtímaflóttafólk hefur ekki fengist endugreiddur.



Rekstrartekjur A-hluta Borgarbyggðar voru tæplega 6,7 ma.kr. á árinu 2025 og jukust um 1,4% á milli ára. Útsvarstekjur jukust um 9,1% og voru 3,3 ma.kr. og skatttekjur samtals jukust um 6,8%.



Veltufé frá rekstri samstæðu Borgarbyggðar var 542 m.kr. sem samsvarar 7,0% framlegð en 372 m.kr. af starfsemi A-hluta sem samsvarar 5,6% framlegð. Hreinar fjárfestingar í A-hluta Borgarbyggðar námu 2,7 ma.kr. Þar standa tvær fjárfestingar upp úr, bygging nýs fjölnota íþróttahúss - knatthúss í Borgarnesi og endurbygging Grunnskóla Borgarfjarðar á Kleppjárnsreykjum. Þá var fjárfest í gatnagerð, endurbótum á íþróttahúsinu í Borgarnesi og niðurrif hafið í Brákarey svo eitthvað sé nefnt. Á árinu 2025 nam hrein ný lántaka A-hluta Borgarbyggðar 2,3 ma.kr. og voru heildarskuldir- og skuldbindingar samtals 6,5 ma.kr. í árslok. Heildareignir voru bókfærðar á 13,2 ma.kr. í lok árs 2025 og eigið fé samtals um 6,7 ma.kr. sem samsvarar um 51% eiginfjárhlutfalli. Skuldaviðmið samstæðu var í lok árs 71,4% og 70,1% fyrir A-hluta.



Á fyrri hluta þessa árs verður lokið við framkvæmdir við fjölnota íþróttahús - knatthús, og gatnagerð við Vallarás og Kveldúlfshöfða í Borgarnesi. Nýr markaðsvefur fyrir lóðir í sveitarfélaginu er kominn í loftið og ný hverfi tilbúin til uppbyggingar.



Skuldsetning sveitarfélagsins hefur aukist samhliða uppbyggingu. Rekstur ársins 2025 var þyngri en áætlun gerði ráð fyrir og skuldir því ívið hærri undir lok árs 2025 en áætlað hafði verið. Á þessum tímapunkti metur byggðarráð það sem svo að hætt sé við að tekjur á árinu 2026 verði lægri en áætlun gerði ráð fyrir og er þar helst horft til framlaga frá Jöfnunarsjóði sveitarfélaga og endurgreiðslna vegna fjárhagsaðstoðar. Því er tilefni til að rýna reksturinn, fjárfestingar og lántökur ársins með það fyrir augum.



Samþykkt samhljóða



Sigurður Guðmundsson lagði fram eftirfarandi bókun fyrir hönd Sjálfstæðisflokks D-lista:" Niðurstða ársins 2025 eru ákveðin vonbrigði. Niðurstaðan afhjúpar það sem við Sjálfstæðismenn höfum varað við á kjörtímabilinu þ.e. nauðsyn þess að forgangsraða fjárfestingum í samræmi við fjárhagslega getu sveitarfélgsins. Þróunin á rekstri sveitarfelagsins á kjörtímabilinu hefur verið á þann veg að á sama tíma og rekstrarniðurstaða hefur versnað þá er veruleg aukning á skuldum sveitarfélagsins. Þetta er mjög vond þróun sem verður að bregðast við. Þessi staða er alfarið á ábyrgð meirihluta Framsóknarflokksins sem er að skila sveitarfélaginu, nú í loka kjörtímabils, á mun verri stað fjárhagslega heldur en Framsókn tók við fyrir fjórum árum."





Til máls tók: SG

3. Viðauki við fjárhagsáætlun Borgarbyggðar 2026

Lagður fram viðauki III við fjárhagsáætlun árisins 2026. Er um að ræða viðauka vegna afgreiðslu fundar byggðarráð nr. 740 í eftirfarandi málum:



Nr. 2603133:" Lagt fram samkomulag vegna rekstrarstyrks um rekstur GB á golfvellinum Hamri.



Byggðarráð leggur til við sveitarstjórn að samþykkja framlagðan samning við Golfklúbb Borgarness og að gerður verði viðauki til að mæta kostnaðarauka sem honum fylgir. Málinu vísað til sveitarstjórnar.



Samþykkt samhljóða"



Einnig afgreiðslu í máli nr. 2602071: Lögð fram drög að samkomulagi við Kaupfélag Borgfirðinga vegna skerðingar á lóð við Egilsholt 1.



Byggðarráð leggur til við sveitarstjórn að samþykkja samkomulag um lúkningu máls milli Borgarbyggðar og Kaupfélags Borgfirðinga vegna skerðingar á lóð kaupfélagsins við Egilsholt 1. Sveitarstjóra falið að senda samning á fyrirsvarsmenn KB og leggja í framhaldinu fyrir sveitarstjórn til samþykktar. Byggðarráð leggur til að gerður verði viðauki vegna kostnaðar í tengslum við uppgjörið.



Samþykkt samhljóða

Viðauki III snýr að því að fjármagna langtímarekstrarstyrk við Golfklúbb Borgarness vegna reksturs á Hamarsvelli að fjárhæð 12 m.kr. á yfirstandandi ári og samkomulag við Kaupfélag Borgfirðinga vegna skerðingar á lóð í kjölfar framkvæmda sveitarfélagsins á svæðinu að fjárhæð 22,5 m.kr.



Verður kostnaði mætt með lækkun á handbæru fé að fjárhæð samtals 34,5 m.kr. og hækka liðurinn skrifstofa framkvæmdarsvið - verktakar samningsverk um 22,5 m.kr. og liðurinn íþróttafélög styrkir um 12 m.kr.



Sveitarstjórn samþykkir viðauka III við fjárhagsáætlun 2026 með fyrirvara um samþykki Skorradalshrepps. Sveitarstjóra falið að senda viðaukann til Skorradalshrepps til samþykktar.

4. Stjórnsýsluskoðun Borgarbyggðar 2025

Afgreiðsla fundar byggðarráðs nr. 738:"Kynnt skýrsla um stjórnsýsluskoðun Borgarbyggðar 2025.



Framlagt."

Framlögð skýrsla KPMG um árlega stjórnsýsluskoðun Borgarbyggðar 2025. Engar nýjar athugasemdir komu fram við skoðun en fáeinar eldri athugasemdir komu fram sem unnið er að úrbótum að.



Samþykkt samhljóða

5. Samræmdar greiðslur til stuðningsfjölskyldna

Afgreiðsla byggðarráðs Borgarbyggðar frá fundi nr. 737: "Verkefnahópi er samanstendur af fagaðilum hjá hverju sveitarfélagi á Vesturlandi var falið það verkefni að skoða gjaldskrár fyrir greiðslur stuðningsfjölskyldna, forsendur þeirra og samræma gjaldskrár á Vesturlandi. Skoðað var hvernig greiðslum til stuðningsfjölskyldna var háttað hjá nokkrum misfjölmennum sveitarfélögum á landinu og var lagt fyrir á 168. fundi Velferðarnefndar. Meðfylgjandi eru framlögð gögn frá verkefnahópnum sem voru lögð fyrir fundinn.



Bókun velferðarnefnd var eftirfarandi: "Velferðarnefnd þakkar verkefnahópnum fyrir sitt framlag í því að móta grunn að sameiginlegri gjaldskrá hér á Vesturlandi. Velferðarnefnd samþykkir fyrir sitt leiti að gjaldskrá þessi verði uppfærð í samræmi við það sem fram kemur. Málið lagt til frekari umræðu inn í Byggðarráð. Samþykkt samhljóða."



Byggðarráð tekur undir afgreiðslu velferðarnefndar og leggur til við sveitarstjórn að gjaldskráin verði uppfærð til samræmis við tillögu.



Samþykkt samhljóða."

Sveitarstjórn samþykkir framlagða gjaldskrá með áorðnum breytingum og felur sveitarstjóra að birta hana.



Samþykkt samhljóða

6. Ugluklettur - Stækkun

Afgreiðsla frá fundi byggðarráðs nr. 737:"Framlögð opnunarskýrsla útboðs vegna stækkunar á leikskólanum Uglukletti.



Framlagt en sjö tilboð bárust í verkið og stendur nú yfir rýni á tilboðunum.



Afgreiðsla fundar byggðarráðs nr. 739:"Á fundi byggðarráðs nr. 738 dags. 26. mars var ákveðið að fresta ákvörðun um töku tilboðs fram að fundi byggðarráðs nr. 739 í ljósi þess að nú stendur yfir rýni á áætlun um tekjur ársins 2026, og áhætta er metin til lækkunar, og öll tilboð eru umfram kostnaðaráætlun. Hlöðver Ingi Gunnarsson sviðsstjóri fjölskyldusviðs og Krístín Gísladóttir skólastjóri á Uglukletti komu til fundarins og sátu framan af umræðu um þennan dagskrárlið.



Byggðarráð leggur til við sveitarstjórn að hafna öllum framkomnum boðum í verkið „Leikskólinn Ugluklettur - stækkun“ sem bárust á útboðstíma í samræmi við kafla 0.4.6 í útboðsgögnum og 2. mgr. 83. laga 120/2016, um opinber innkaup. Ljóst er að öll boð voru yfir kostnaðaráætlun eða frá 11% - 50%. Í ljósi upplýsinga frá Jöfnunasjóði sveitarfélaga sem komu fram nú á lokastigum útboðsferilsins gætu áætlaðar tekjur frá Jöfnunarsjóði orðið allt að 280 milljónum króna lægri en miðað er við í fjárhagsáætlun. Myndi það hafa veruleg áhrif á rekstur sveitarfélagsins en það í bland við hærri tilboð miðað við kostnaðaráætlun gerir það að verkum að tilefni er til að endurskoða rekstrar- og fjárfestingaráætlun sveitarfélagsins.



Samþykkt samhljóða."

Sveitarstjórn staðfesti afgreiðslu byggðarráðs og hafnar öllum framkomnum boðum í verkið „Leikskólinn Ugluklettur - stækkun“ sem bárust á útboðstíma í samræmi við kafla 0.4.6 í útboðsgögnum og 2. mgr. 83. laga 120/2016, um opinber innkaup. Ljóst er að öll boð voru yfir kostnaðaráætlun eða frá 11% - 50%. Í ljósi upplýsinga frá Jöfnunasjóði sveitarfélaga sem komu fram nú á lokastigum útboðsferilsins gætu áætlaðar tekjur frá Jöfnunarsjóði orðið allt að 280 milljónum króna lægri en miðað er við í fjárhagsáætlun. Myndi það hafa veruleg áhrif á rekstur sveitarfélagsins en það í bland við hærri tilboð miðað við kostnaðaráætlun gerir það að verkum að tilefni er til að endurskoða rekstrar- og fjárfestingaráætlun sveitarfélagsins.



Samþykkt samhljóða

7. Kosningar í ráð og nefndir 2022-2026

Skipa þarf nýjan fulltrúa í undirkjörstjórnir vegna tengsla kjörstjórnarmanna við frambjóðendur framkominna framboða fyrir sveitarstjórnarkosningar 2026.

Sigríður Jóna Sigurðardóttir aðalmaður hefur sagt sig úr undirkjörstjórn Lindartungukjördeildar. Guðmundur Sigurðsson aðalmaður og Sólrún Halla Bjarnadóttir aðalmaður hafa sagt sig úr undirkjörstjórn Kleppjárnsreykjakjördeildar.



Er þeim þakkað fyrir vel unnin störf síðustu ár.



Lagt er til að Kolbrún Sveinsdóttir og Fjölnir Jónsson verði skipuð sem aðalmenn í undirkjörstjórn Kleppjárnsreykjakjördeildar.



Lagt er til að Stefanía Hulda Þórðardóttir verði skipuð í undirkjörstjórn Lindartungukjördeildar.



Samþykkt samhljóða

8. Breytingar á barnaverndarlögum og uppbyggingu barnaverndarþjónustu sveitafélaga

Viðauki 1 um Barnaverndarþjónustu Vesturlands, við samning milli Hvalfjarðarsveitar og Borgarbyggðar um rekstrur sameiginlegrar barnaverndarþjónstu lagður fram. Viðaukinn var samþykktur í sveitarstjórn 12. desember 2024 en er lagður fram til endanlegrar staðfestingar eftir nánari yfirferð hjá ráðuneytum.

Sveitarstjórn fangar þeim áfanga að búið sé að samþykkja viðauka 1 og að unnt sé að halda áfram að byggja upp gott samstarf á Vesturlandi um rekstur barnaverndarþjónustu. Sveitarstjórn staðfestir viðaukann fyrir sitt leyti með áorðnum breytingum sem voru litlar efnislega.



Samþykkt samhljóða

9. Gjaldskrár 2026

Lögð fram uppfærð gjaldskrá fyrir framkvæmdarleyfi, þjónustugjöld skipulagsfulltrúa og stofnanir lóða með áorðnum breytingum.

Sveitarstjórn samþykkir gjaldskrá fyrir framkvæmdarleyfi, þjónustugjöld skipulagsfulltrúa og stofnanir lóða með áorðnum breytingum.





Samþykkt samhljóða

10. Aðkomuvegur að fjölnotahús

Afgreiðsla byggðarráðs frá fundi nr. 737:"Yfirferð á fyrirhugaðri gatnagerð við aðkomuveg að fjölnota húsi við Þorsteinsgötu. Til fundarins koma Hlynur Ólafsson og Ottó Ólafsson verkefnastjórar framkvæmda hjá Borgarbyggð.



Byggðarráð samþykkir að fela sveitarstjóra að láta fara fram verðfyrirspurn á gatnagerð við aðkomuveg að fjölnota íþróttahúsi í Borgarnesi.



Samþykkt samhljóða."

Sveitarstjórn staðfestir að fara skuli fram verðfyrirspurn á gatnagerð við aðkomuveg við fjölnota íþróttahús í Borgarnesi.



Samþykkt samhljóða

11. Úrskurðir örnefnanefndar vegna bæjarnafna í Borgarbyggð

Afgreiðsla fundar byggðarráðs nr. 738:"Framlagðir úrskurðir örnefnanefndar um bæjarheitið Heima (L238596) og um bæjarheitin Vanaheim (L237771) og Jötunheim (L237773).



Framlagt."

Úrskurðir örnefnanefndar framlagðir

12. Háskólinn á Bifröst Fulltrúaráð og stjórn endurnýjun 2026

Afgreiðsla fundar byggðarráðs nr. 739:"2603309

Tilnefningar á fulltrúum Borgarbyggðar í fulltrúaráð og stjórn Háskólans á Bifröst.



Byggðarráð Borgarbyggðar leggur til við sveitarstjórn að tilnefna Guðveigu Lind Eyglóardóttur sem aðalmann í stjórn Háskólans á Bifröst og Bjarneyju L. Bjarnadóttur sem varamann hennar. Þá leggur byggðarráð til að Brynja Þorsteinsdóttir verði fulltrúi Borgarbyggðar í fulltrúaráði og Sigrún Ólafsdóttir verði varamaður.



Samþykkt samhljóða og vísað til afgreiðslu í sveitarstjórn."

Sveitarstjórn staðfestir að tilefna Guðveigu Lind Eyglóardóttur sem aðalmann í stjórn Háskólans á Bifröst og Bjarneyju L. Bjarnadóttur sem varamann hennar.



Sveitarstjórn tilnefnir Brynju Þorsteinsdóttur sem fulltrúa Borgarbyggðar og Sigrúnu Ólafsdóttur sem varamann hennar í fulltrúaráð Háskólans á Bifröst.



Samþykkt samhljóða

13. Beiðni frá Golfklúbbi Borgarness um langtímarekstrarstyrk

Afgreiðsla frá fundi byggðarráðs nr. 740:"Lagt fram samkomulag vegna rekstrarstyrks um rekstur GB á golfvellinum Hamri.



Byggðarráð leggur til við sveitarstjórn að samþykkja framlagðan samning við Golfklúbb Borgarness og að gerður verði viðauki til að mæta kostnaðarauka sem honum fylgir. Málinu vísað til sveitarstjórnar.



Samþykkt samhljóða"

Sveitarstjórn samþykkir samning um rekstur golfvallarins að Hamri (Hamarsvöll) við Golfklúbb Borgarness og felur sveitarstjóra að undirrita samninginn.



Samþykkt samhljóða

14. Fyrirhuguð hækkun VSK á baðlón

Afgreiðsla fundar byggðarráðs nr. 740:"Fjallað um áform ríkisvaldsins að hækka virðisaukaskatt á baðlón en ljóst er að slík hækkun hefur bein áhrif á baðlónastarfssemi, ferðaþjónustu og mögulega aðra atvinnustarfsemi í sveitarfélaginu.



Fyrir helgina birti ríkisstjórnin áform um að hækka virðisaukaskatt á baðlón. Þessi hækkun snertir a.m.k. Kraumu og Giljaböðin í Húsafelli beint, en ljóst er að neikvæð áhrif gætu hæglega smitast yfir á aðra atvinnustarfsemi í Borgarbyggð. Mikil fjárfesting hefur átt sér stað í ferðaþjónustu í Borgarbyggð síðustu ár sem hefur haft jákvæð áhrif á atvinnulíf í sveitarfélaginu.



Þetta er því mál sem snertir ekki aðeins rekstur fárra fyrirtækja heldur alla virðiskeðju ferðaþjónustunnar. Baðlónin í Borgarbyggð eru mikilvægir seglar í ferðaþjónustu á svæðinu sem draga að ferðamenn og styðja við fjölbreyttari atvinnutækifæri, meiri dreifingu ferðamanna og þjónustu svo að aukin verðmæti verði eftir á svæðunum sjálfum.



Baðlón eru skv. könnun Ferðamálastofu vinsælasta afþreying bæði erlendra og innlendra ferðamanna. Þá hefur íslensk baðmenning nýlega verið viðurkennd á heimsminjaskrá UNESCO og er því nú enn sterkari sem helsta sérstaða landsins hvað varðar markaðssetningu til verðmætari ferðamanna til framtíðar.



Byggðarráð Borgarbyggðar lýsir áhyggjum af því að þessi áform eigi eftir að hafa neikvæð og kólnandi áhrif á ferðaþjónustuna og skorar á stjórnvöld að falla frá þessum áformum um skattahækkun.



Samþykkt samhljóða"

Sveitarstjórn tekur undir bókun byggðarráðs og áskorun á stjórnvöld um að falla frá áformum um skattahækkunina.



Samþykkt samhljóða

15. Egilsholt 1 - lóðarfrágangur

Afgreiðsla fundar byggðarráðs nr. 740:"Lögð fram drög að samkomulagi við Kaupfélag Borgfirðinga vegna skerðingar á lóð við Egilsholt 1.



Byggðarráð leggur til við sveitarstjórn að samþykkja samkomulag um lúkningu máls milli Borgarbyggðar og Kaupfélags Borgfirðinga vegna skerðingar á lóð kaupfélagsins við Egilsholt 1. Sveitarstjóra falið að senda samning á fyrirsvarsmenn KB og leggja í framhaldinu fyrir sveitarstjórn til samþykktar. Byggðarráð leggur til að gerður verði viðauki vegna kostnaðar í tengslum við uppgjörið.



Samþykkt samhljóða"

Sveitarstjórn samþykkir samning um lúkningu máls á millli Borgarbyggðar og Kaupfélags Borgfirðinga og felur sveitarstjóra að undirrita samninginn.



Samþykkt samhljóða

16. Útboð á hýsingu, kerfisrekstri og notendaþjónustu tæknilegra innviða

Afgreiðsla fundar byggðaráðs nr. 740:"Lögð fram opnunarskýrsla vegna útboðs á hýsingu, kerfisrekstri og notendaþjónustu tæknilegra innviða.



Byggðarráð leggur til að valið verði tilboð Advania ehf., kt. 590269-7199, í útboði nr. 2510364: ,, Hýsing og rekstur upplýsingatækniumhverfis Borgarbyggðar, auk notendaþjónustu“ og vísar málinu til sveitarstjórnar.



Samþykkt samhljóða"

Sveitarstjórn staðfestir afgreiðslu byggðarráðs og velur tilboð Advania ehf., kt. 590269-7199, í útboði nr. 2510364: ,, Hýsing og rekstur upplýsingatækniumhverfis Borgarbyggðar, auk notendaþjónustu“ Sveitarstjóra falið að vinna málið áfram.



Samþykkt samhljóða

17. Fyrirhugaðar lokanir í Hvalfjarðargöngum

Afgreiðsla fundar byggðarráðs nr. 740:"Hvalfjarðargöng verða lokuð aðfaranætur mánudags til föstudags frá klukkan 21:30 til 06:00 að morgni frá 7. apríl til 29. maí. Opið verður fyrir umferð aðfaranætur laugardags og sunnudags.



Vegna endurnýjunar á lýsingu í Hvalfjarðargöngum er hafið tímabil þar sem göngin verða lokuð fyrir umferð á virkum dögum frá kl. 21.30 til 6.00 til 29. maí. Á þeim tíma verður umferð vísað um Hvalfjörð. Hvalfjarðargöng eru mikilvæg lífæð fyrir Vesturland og sífellt fleiri treysta á göngin svo sem vegna atvinnu eða skóla.



Endurbætur á lýsingu í göngunum er fagnaðarefni en afleitt að þær leiði til tímabundinnar lokunar. Byggðarráð leggur áherslu á að tryggt verði að bráðaþjónusta geti eftir sem áður átt greiða leið um göngin. Þá hvetur byggðarráð Vegagerðina og verktaka til að sýna sveigjanleika ef brýnir hagsmunir eru í húfi og sýna ákveðið meðalhóf með því að bjóða upp á fylgdarakstur þegar það er mögulegt.



Tímabundin lokun Hvalfjarðarganga sýnir enn og aftur mikilvægi þess fyrir Vesturland að fjölga heilsárssamgönguleiðum milli landshlutans, höfuðborgarsvæðisins og Suðurlands svo sem með uppbyggingu heilsársvegar um Uxahryggi.



Samþykkt samhljóða"

Sveitarstjórn tekur undir bókun byggðarráðs og ítrekar að mikilvægt sé að tryggja nauðsynlega umferð um gögnin á meðan á framkvæmdum stendur að því marki sem mögulegt er.



Samþykkt samhljóða

18. Útboð á skóla- og tómstundaakstri fyrir skólaárið 2026-2027

Afgreiðsla fundar byggðarráðs nr. 740:"Kynnt drög að útboði á skólaakstri.



Byggðarráð leggur til að skólakstur verði boðinn út til fjögurra ára og sveitarstjóra falið að vinna áfram að útboðsgögnum í samræmi við umræður á fundi og leggja fyrir sveitarstjórn.



Samþykkt samhljóða"

Sveitarstjórn samþykkir að gerð verði sú breyting á framlögðum útboðsgögnum að sett verði skilyrði um að allir bílar sem aka malarvegi sveitarfélagsins séu með fjórhjóladrif og gerður 24 mánaða aðlögunartími að því skilyrði frá gildistöku. Að öðru leyti samþykkir sveitarstjórn að láta fara fram útboð á skólaakstri á grundvelli framlagðra útboðsgagna.



Samþykkt samhljóða



Til máls tók REJ, SÓ og EÓT

19. Sveitarstjórnarkosningar 2026

Afgreiðsla fundar byggðarráðs nr.740:"Lagt fram minnisblað um staðsetningu og opunartíma kjörstaða í Borgarbyggð og Skorradalshreppi.



Byggðarráð leggur til við sveitarstjórn að staðfesta staðsetningar og opnunartíma kjörstaða vegna sveitarstjórnarkosninga 2026. Að fyrirkomulagið verði eftirfarandi:



Kjörstaðir verða óbreyttir frá því sem áður hefur verið í Borgarbyggð eða samkvæmt gildandi samþykktum sveitarfélagsins. Samþykkt hefur verið að Skorradalur verði ein sérstök kjördeild sbr. mál nr. 2602076 sem tekið var fyrir þann 12. febrúar sl. í sveitarstjórn Borgarbyggðar og mál nr. 2602001 sem var tekið fyrir í Hreppsnefnd Skorradals þann 3. febrúar sl.



Borgarneskjördeild mun þjóna íbúum sem búa á svæðinu milli Hítarár og Gljúfurár, ásamt íbúum Hvanneyrar og Andakíls. Kosið verður í Hjálmakletti. Kjörfundur hefst kl. 9:00 og lýkur kl. 22:00.



Þinghamarskjördeild verður fyrir íbúa Stafholtstungna, Norðurárdals, Bifrastar og Þverárhlíðar. Kosið verður í Þinghamri. Kjörfundur hefst kl. 10:00 og lýkur kl. 20:00.



Lindartungukjördeild er ætlað íbúum sem búa á svæðinu milli Hítarár og Haffjarðarár. Kosið verður í félagsheimilinu Lindartungu. Yfirkjörstjórn leggur til að opnunartími Lindartungukjördeildar verði styttur um tvo klukkutíma en kjörfundur mun hefjast kl. 10:00 og ljúka kl. 18.00.



Kleppjárnsreykjakjördeild verður fyrir íbúa Bæjarsveitar, Lundarreykjadals, Flókadals, Reykholtsdals, Hvítársíðu og Hálsasveitar. Kosið verður í Grunnskóla Borgarfjarðar á Kleppjárnsreykjum. Yfirkjörstjórn leggur til að opnunartími Kleppjárnsreykjakjördeildar verði styttur og í takt við opnunartíma í Þinghamarskjördeild eða frá kl. 10.00 og myndi þá ljúka kl. 20.00.



Skorradalskjördeild verður fyrir íbúa Skorradals. Kosið verður í Laugarbúð. Kjörfundur hefst kl. 10:00 og lýkur kl. 18:00.



Málinu vísað til sveitarstjórnar



Samþykkt samhljóða"

Sveitarstjórn samþykkir að staðsetningar og opnunartímar kjörstaða vegna sveitarstjórnarkosninga 2026 verði með eftirfarandi fyrirkomulagi:



Kjörstaðir verða óbreyttir frá því sem áður hefur verið í Borgarbyggð eða samkvæmt gildandi samþykktum sveitarfélagsins. Samþykkt hefur verið að Skorradalur verði ein sérstök kjördeild sbr. mál nr. 2602076 sem tekið var fyrir þann 12. febrúar sl. í sveitarstjórn Borgarbyggðar og mál nr. 2602001 sem var tekið fyrir í Hreppsnefnd Skorradals þann 3. febrúar sl.



Borgarneskjördeild mun þjóna íbúum sem búa á svæðinu milli Hítarár og Gljúfurár, ásamt íbúum Hvanneyrar og Andakíls. Kosið verður í Hjálmakletti. Kjörfundur hefst kl. 9:00 og lýkur kl. 22:00.



Þinghamarskjördeild verður fyrir íbúa Stafholtstungna, Norðurárdals, Bifrastar og Þverárhlíðar. Kosið verður í Þinghamri. Kjörfundur hefst kl. 10:00 og lýkur kl. 20:00.



Lindartungukjördeild er ætlað íbúum sem búa á svæðinu milli Hítarár og Haffjarðarár. Kosið verður í félagsheimilinu Lindartungu. Yfirkjörstjórn leggur til að opnunartími Lindartungukjördeildar verði styttur um tvo klukkutíma en kjörfundur mun hefjast kl. 10:00 og ljúka kl. 18.00.



Kleppjárnsreykjakjördeild verður fyrir íbúa Bæjarsveitar, Lundarreykjadals, Flókadals, Reykholtsdals, Hvítársíðu og Hálsasveitar. Kosið verður í Grunnskóla Borgarfjarðar á Kleppjárnsreykjum. Yfirkjörstjórn leggur til að opnunartími Kleppjárnsreykjakjördeildar verði styttur og í takt við opnunartíma í Þinghamarskjördeild eða frá kl. 10.00 og myndi þá ljúka kl. 20.00.



Skorradalskjördeild verður fyrir íbúa Skorradals. Kosið verður í Laugarbúð. Kjörfundur hefst kl. 10:00 og lýkur kl. 18:00.

20. Fjárhagsáætlun Skorradalshrepps 2026

Afgreiðsla byggðarráðs frá fundi nr. 738: "Framlagður viðauki nr. 1 við fjárhagsáætlun Skorradalshrepps fyrir árið 2026.



Viðauki framlagður. Byggðarráð felur sveitarstjóra að óska eftir samtali við Skorradalshrepp um fyrirkomulag framkvæmda vegna ljósleiðara í Skorradalshreppi.



Samþykkt samhljóða."

Sveitarstjórn Borgarbyggðar samþykkir viðauka nr. 1 við fjárhagsáætlun Skorradalshrepps fyrir árið 2026.



Samþykkt samhljóða

21. Samningur um umhirðu og slátt á opnum svæðum á Hvanneyri

Afgreiðsla frá fundi umhverfis- og landbúnaðarnefndar frá fundi nefndarinnar nr. 72:"Farið yfir drög að samningi við Landbúnaðarháskóla Íslands um umhirðu opina svæða á Hvanneyri. Í drögunum er gert ráð fyrir að skólin haldi ekki utan um vinnuskólan á Hvanneyri eins og verið hefur.



Umhverfis- og landbúnaðarnefnd samþykkir fyrir sitt leiti drög að samningi og sendir þau til sveitastjórnar til staðfestingar."

Sveitarstjórn samþykkir samning við Landbúnaðarháskóla Íslands um umhirðu opinna svæða á Hvanneyri og felur sveitarstjóra að undirrita samkomulagið.



Samþykkt samhljóða

22. Umsagnir - skipulagsmál

Afgreiðsla 85. fundar skipulags- og byggingarnefndar:

"Skipulags- og byggingarnefnd leggur til við sveitarstjórn að gera ekki athugasemd við vinnslutillögu aðalskipulags Húnabyggðar 2025-2037 en óskar eftir að fá skipulagið til umsagnar á síðari stigum.

Samþykkt samhljóða. "

Sveitarstjórn gerir ekki athugasemd við vinnslutillögu aðalskipulags Húnabyggðar 2025-2037 að svo stöddu en óskar eftir að fá skipulagið til umsagnar á síðari stigum.

Sveitarstjórn felur skipulagsfulltrúa að ljúka við umsögn og senda til Skipulagsstofnunar.



Samþykkt samhljóða

23. Húsafell 3 - umsókn um breytingu á deiliskipulagi - Stórarjóður 6 L134495

Afgreiðsla 85. fundar skipulags- og byggingarnefndar: "Skipulags- og byggingarnefnd leggur til við sveitarstjórn að samþykkja óverulega breytingu á deiliskipulagi Stuttárbotna fyrir lóðina Stórarjóður 6. Breytingin er sett fram í greinagerð og á uppdrætti dags. 05.01.2026.

Breytingin felst í því að byggingarreitur er lengdur um nokkra metra til norð-austurs og suð-austurs auk þess sem hann er einnig settur utan um núverandi fylgihús sem er á lóðinni en húsið stendur nær lóðamörkum en 10m. Aðrir skilmálar gildandi deiliskipulags haldast óbreyttir.

Málsmeðferð verður skv. 2. mgr. 43. gr. skipulagslaga 123/2010.

Skipulags- og byggingarnefnd felur skipulagsfulltrúa að svara framkomnum athugasemdum og koma þeim á framfæri við málsaðila.

Samþykkt samhljóða."

Sveitarstjórn samþykkir óverulega breytingu á deiliskipulagi Stuttárbotna fyrir lóðina Stórarjóður 6. Breytingin er sett fram í greinagerð og á uppdrætti dags. 05.01.2026.

Breytingin felst í því að byggingarreitur er lengdur um nokkra metra til norð-austurs og suð-austurs auk þess sem hann er einnig settur utan um núverandi fylgihús sem er á lóðinni en húsið stendur nær lóðamörkum en 10m. Aðrir skilmálar gildandi deiliskipulags haldast óbreyttir.

Málsmeðferð var skv. 2. mgr. 43. gr. skipulagslaga 123/2010.



Samþykkt samhljóða

24. Skúlagata 14 - Umsókn um lóðaleigusamning

Afgreiðsla 85. fundar skipulags- og byggingarnefndar:

"Skipulags- og byggingarnefnd leggur til við sveitarstjórn að endurnýja lóðarleigusamning fyrir lóðina Skúlagata 14. Auk þess leggur nefndin til við sveitarstjórn að samþykkja afmörkun lóðar þegar merkjalýsandi hefur afmarkað lóðina í landeignaskrá HMS og skilað inn undirrituðum gögnum til sveitarfélagsins.

Samþykkt samhljóða."

Sveitarstjórn samþykkir að endurnýja lóðarleigusamning fyrir lóðina Skúlagata 14. Auk þess samþykkir sveitarstjórn afmörkun lóðar þegar merkjalýsandi hefur afmarkað lóðina í landeignaskrá HMS og skilað inn undirrituðum gögnum til sveitarfélagsins.



Samþykkt samhljóða

25. Hamar - Umsókn um stofnun lóða

Afgreiðsla 85. fundar skipulags- og byggingarnefndar:

"Skipulags- og byggingarnefnd leggur til við sveitarstjórn að samþykkja stofnun 3406,7 m2 lóð, Hamar - Golfsvæði 1 og 796,3 m2 lóð, Hamar - Gamli bær úr landi Hamars (L135401) þegar merkjalýsandi hefur afmarkað lóðina í landeignaskrá HMS og skilað inn undirrituðum gögnum til sveitarfélagsins.

Lóðirnar fara í notkunarflokkinn lóð.

Samþykkt samhljóða."

Sveitarstjórn samþykkir stofnun 3406,7 m2 lóð, Hamar - Golfsvæði og 796,3 m2 lóð, Hamar - Gamli bær úr landi Hamars þegar merkjalýsandi hefur afmarkað lóðina í landeignaskrá HMS og skilað inn undirrituðum gögnum til sveitarfélagsins.



Samþykkt samhljóða

26. Vanaheim - umsókn um breytingu á landnotkun - F2535890

Afgreiðsla 85. fundar skipulags- og byggingarnefndar:

"Skipulags- og byggingarnefnd leggur til við sveitarstjórn að samþykkja skráningu lóðarinnar Vanaheim úr viðskipta- og þjónustulóð í íbúðarhúsalóð. Nefndin bendir á úrskurð örnefnanefndar mál nr. 2-2026 um bæjarheitin Vanaheim og Jötunheim.

Samþykkt samhljóða."

Sveitarstjórn samþykkir skráningu lóðarinnar Vanaheim úr viðskipta- og þjónustulóð í íbúðarhúsalóð. Sveitarstjórn ítrekar jafnframt ábendingu skipulags- og byggingarnefndar um úrskurð örnefnanefnda, mál nr. 2/2026 um bæjarheitin Vanaheim og Jötunheim.



Samþykkt samhljóða

27. Syðstu-Fossar - umsókn um framkvæmdarleyfi - 133909

Afgreiðsla 85. fundar skipulags- og byggingarnefndar:

"Skipulags- og byggingarnefnd leggur til við sveitarstjórn að samþykkja útgáfu framkvæmdaleyfis þar sem grenndarkynning hefur farið fram skv. 44. gr. skipulagslaga 123/2010.

Skipulags- og byggingarnefnd felur skipulagsfulltrúa að svara framkomnum athugasemdum.

Samþykkt samhljóða."

Sveitarstjórn samþykkir útgáfu framkvæmdaleyfis þar sem grenndarkynning hefur farið fram skv. 44. gr. skipulagslaga 123/2010.



Samþykkt samhljóða

28. Framlenging á samningi um söfnun dýraleifa

Afgreiðsla fundar Umhverfis- og landbúnaðarnefndar nr.72:" Skv. samningi um söfnun dýraleifa frá 2024 er heimild til framlengingar á samningi tvisvar (2) sinnum um eitt (1) ár þannig að samningstími geti mest orðið fjögur (4) ár."

Sveitarstjórn staðfestir að framlengdur verði samningur um söfnun dýraleifa við HSS verktak ehf. á grundvelli 4. gr. í þjónustusamningi á milli aðila frá árinu 2024.



Samþykkt samhljóða

29. Aðalfundur Sorpurðunar Vesturlands 2026

Afgreiðsla frá fundi byggðarráðs nr. 737:"2603041

Aðalfundur Sorpurðunar Vesturlands fer fram 25. mars.



Fundarboð framlagt. Byggðarráð tilnefnir Finnboga Leifsson og Kristján Ágúst Magnússon sem fulltrúa sveitarfélagsins í stjórn.



Samþykkt samhljóða."

Sveitarstjórn tilnefnir Finnboga Leifsson og Kristján Ágúst Magnússon sem fulltrúa sveitarfélagsins í stjórn Sorpurðunar Vesturlands.



Samþykkt samhljóða

30. Mál í samráðsgátt - Flýting uppbyggingar raforkuinnviða og einföldun regluverks

Afgreiðasla fundar byggðarráðs nr. 737: "Í Samráðsgátt er kynning á áformum umhverfis-, orku- og loftslagsráðherra um lagasetningu um flýtingu uppbyggingar raforkuinnviða og einföldun regluverks.



Byggðarráð tekur undir að tilefni er til að skoða með hvaða hætti gera megi regluverk vegna uppbyggingar orkuinnviða skilvirkara. Uppbygging orkuinnviða er velferðar- og öryggismál fyrir landsmenn alla. Aukin skilvirkni má hins vegar ekki vera á kostnað landeigenda eða sveitarfélaga. Byggðarráð og sveitarstjórn Borgarbyggðar hefur ítrekað bent á að sjónarmið um sanngjarnan hlut landeigenda og nærsamfélaga og uppbyggingu orkuinnviða geta auðveldlega farið saman. Framleiðsla og flutningur á raforku skapar mikil verðmæti fyrir íslenskt samfélag. Það er óviðunandi að sú verðmætasköpun sé á kostnað landeigenda eða samfélaga fjarri þeim stað er orkan er nýtt. Það er sanngirnismál að greitt sé eðlilegt verð fyrir það land sem tekið er undir orkumannvirki. Það verð hlýtur að taka mið af þeim skorðum sem mannvirkin setur á nýtingu landsins og þeim miklu verðmætum sem þeim er ætlað að skapa.



Samþykkt samhljóða."

Sveitarstjórn tekur undir bókun byggðarráðs og ítrekar að endurskoða þurfi regluverk vegna uppbyggingar orkuinnviða með það að markmiði að gera það skilvirkara, auka gagnsæi og gæta að hagsmununum landeigenda og nærsamfélags í ferlinu.



Samþykkt samhljóða

31. Aðalfundarboð Reiðhallarinnar Vindási 2026.

Afgreiðsla fundar byggðarráðs nr. 738:"Framlagt boð á aðalfund Reiðhallarinnar Vindási sem fram fer 9. apríl 2026.



Fundarboð framlagt og felur byggðarráð Davíð Sigurðssyni að mæta á fundinn fyrir hönd sveitarfélagsins."

Sveitarstjórn staðfestir umboð Davíðs Sigurðssonar sem mætti á aðalfund Reiðhallarinnar Vindáss fyrir hönd sveitarfélagsins.



Samþykkt samhljóða

32. Aðalfundur Veiðifélags Langár

Afgreiðsla fundar byggðarráðs nr. 739:"Lagt fram fundarboð á aðalfund Veiðifélags Langár.



Framlagt."

Fundarboð á aðalfund Veiðfélags Langár 2026 lagt fram.

33. Aðalfundur Veiðifélags Hítarár 2026

Afgreiðsla fundar byggðarráðs nr. 740:"Fundarboð á aðalfund veiðifélags Hítarár lagt fram.



Fundarboð framlagt."

Fundarboð á aðalfund Veiðifélags Hítarár 2026 lagt fram.

34. Umsagnarmál frá Alþingi 2026

Afgreiðsla fundar byggðarráðs nr. 740:"Framlögð tillaga að umsögn vegna máls nr. 582 - Einföldun regluverks og aukin skilvirkni eftirlits með hollustuháttum og mengunarvörnum (einföldun eftirlits), sbr. afgreiðslu fundar byggðarráðs nr. 739.



Samstarf sveitarfélaga um rekstur Heilbrigðiseftirlits Vesturlands verið farsælt. Um er að ræða mjög mikilvæga þjónustu fyrir íbúa, stofnanir og atvinnulíf þar sem staðbundin þekking getur skipt sköpum. Þetta er starfsemi sem byggir á öflugu starfsfólki með staðgóða þekkingu sem er reiðubúið að bregðast hratt við. Mjög vel ígrunduð rök þurfa að búa að baki því að ráðast í svo stóra kerfibreytingu sem frumvarpið felur í sér. Þau rök hafa ekki komið fram svo sannfærandi sé og mikill vafi leikur á að kerfisbreytingin verði til batnaðar.



Byggðarráð Borgarbyggðar ítrekar því fyrri afstöðu sína til fyrirhugaðra breytinga á lögum um einföldun regluverks og aukna skilvirkni eftirlits með hollustuháttum og mengunarvörnum. Í bókun frá 720. fundar byggðarráðs frá 18. september 2025 segir: ?Ef svo fer sem horfir virðist vera lögð aukin áhersla á miðstýringu eftirlitsstofnana sem getur haft í för með sér að staðbundin þekking geti tapast, þjónustulund minnki, viðbragðstími lengist og kostnaður notenda hækki.?



Byggðarráð telur að þessi sjónarmið séu enn í fullu gildi. Sveitarfélagið tekur undir þær áhyggjur sem fram koma í umsögnum Heilbrigðiseftirlits Vesturlands og Samtaka sveitarfélaga á Vesturlandi. Augljóst er að fyrirhugaðar breytingar fela í sér verulega tilfærslu á verkefnum og ábyrgð frá sveitarfélögum til ríkisins, sem mun hafa áhrif á gæði þjónustu, framkvæmd eftirlits og samstarf stofnana.



Mikil hætta er á að staðbundin þekking og reynsla, sem byggst hefur upp innan heilbrigðiseftirlits sveitarfélaga á löngum tíma, glatist eða veikist. Það mun leiða til minni þjónustulundar, lengri viðbragðstíma og aukins kostnaðar fyrir íbúa og atvinnulíf, auk þess sem hún getur dregið úr sveigjanleika og skilvirkni í framkvæmd eftirlits.



Byggðarráð telur að frumvarpið geri of lítið úr mikilvægi þess að eftirlit með hollustuháttum og mengunarvörnum sé nálægt vettvangi. Nálægð við íbúa og fyrirtæki er lykilforsenda stöðugs árangursríks eftirlits og stuðlar að trausti, skilvirkum samskiptum og betri niðurstöðum.



Byggðarráð telur að ekki hafi verið sýnt fram á að þær breytingar sem lagðar eru til muni í raun leiða til aukinnar skilvirkni eða einföldunar í framkvæmd. Þvert á móti óttast byggðarráð að breytingin hafi neikvæð áhrif á þjónustustig, kostnað og gæði eftirlits.



Að lokum leggur byggðarráð áherslu á að skýrt liggi fyrir hvernig verkaskiptingu og ábyrgð milli ríkis og sveitarfélaga verður háttað. Þennan þátt þarf að skýra mun betur í frumvarpinu.



Samþykkt samhljóða"

Sveitarstjórn tekur undir bókun byggðarráðs og felur sveitarstjóra að koma umsögninni á framfæri.



Samþykkt með 8 akvæðum: DS, GLE, SÓ, EÓT, BLB, TDH, RJE og SG

á móti 1 atkvæði: EMJ

35. Breyting á fundartíma sveitarstjórnar í maí

Reglulegur fundur sveitarstjórnar á að vera þann 14. maí nk. en kemur sá dagur upp á uppstigningardegi og því er lagt til að næsti fundur sveitarstjórnar fari fram 13. maí nk.

Sveitarstjórn samþykkir að reglur fundur sveitarstjórnar verði færður til 13. maí nk.



Samþykkt samhljóða

36. Breytingar á barnaverndarlögum og uppbyggingu barnaverndarþjónustu sveitafélaga

Afgreiðsla frá fundi velferðarnefndar nr. 170: " Lagt fram drög að viðauka við samþykktir sveitarfélagsins vegna fullnaðarafgreiðslu mála hjá Barnaverndarþjónustu Vesturlands samkvæmt 3. mgr. 12. gr. barnaverndarlaga nr. 80/2002.



Velferðarnefnd samþykkir samhljóða viðauka við samþykktir sveitarfélagsins og vísar til staðfestingar sveitastjórnar."



Drög að viðauka við samþykkt um stjórn Borgarbyggðar vegna fullnaðarafgreiðslu mála hjá Barnaverndarþjónustu Vesturlands samkvæmt 3. mgr. 12. gr. barnaverndarlaga nr. 80/2002 lagðar fram til fyrri umræðu.

Sveitarstjórn samþykkir framkomna breytingu á samþykktum fyrir sitt leiti, felur sveitarstjóra að fullvinna þær og vísar til síðari umræðu í sveitarstjórn.



Samþykkt samhljóða

37. Opnunartími íþróttamannvirkja í Borgarbyggð 2026

Mál sett á dagskrá að beiðni Evu Margrétar Jónudóttur sveitarstjórnarfulltrúa þar sem lögð er fram eftirfarandi tillaga:



"Undirrituð leggur til að tekið verið saman kostnaðarmat og tillaga að útfærslu á mögulegri lengingu opnunartíma sundlaugarinnar í Borgarnesi um helgar yfir sumartímann. Sérstaklega verði teknar saman eftirfarandi sviðsmyndir.

    a) að laugardagsopnun verði lengd um 4 klukkustundir eða frá 18:00 til kl 22:00.

    b) að opnunartími laugardaga og sunnudaga verði lengdur um 2 klukkustundir, til klukkan 20:00 í stað 18:00.

    c) að opnunartími laugardaga sunnudaga verði lengdur um 4 klst eða frá kl 18:00 til kl 22:00.

Jafnframt legg ég til að kostnaðarmat þetta verði lagt fyrir byggðaráð og að málið komi í framhaldi aftur til afgreiðslu á sveitastjórnarfund í maí. Þannig getur sveitastjórn tekið upplýsta afstöðu til þess hvort rétt sé að lengja opnunartíma sundlaugarinnar í Borgarnesi yfir sumartímann."

Sveitarstjórn samþykkir tilögu Evu Margrétar Jónudóttur.

38. Fundargerðir stjórnar um sameiningu Borgarbyggðar og Skorradalshrepps

Lagðar fram fundargerðir frá fundum stjórnar um sameiningu Borgarbyggðar og Skorradalshrepps.

Fundargerðir stjórnar um sameiningu Borgarbyggðar og Skorradalshrepps frá fundum nr. 3, 4, 5, 6 og 7 lagðar fram.

39. Byggðarráð Borgarbyggðar - 737

Fundargerð framlögð

40. Byggðarráð Borgarbyggðar - 738

Fundargerð framlögð

41. Byggðarráð Borgarbyggðar - 739

Fundargerð framlögð

42. Byggðarráð Borgarbyggðar - 740

Fundargerð framlögð

43. Umhverfis- og landbúnaðarnefnd - 72

Fundargerð framlögð

44. Skipulags- og byggingarnefnd Borgarbyggðar - 85

Fundargerð framlögð

45. Umsjónarnefnd fólkvangsins í Einkunnum - 94

Fundargerð framlögð

46. Fræðslunefnd Borgarbyggðar - 252

Fundargerð framlögð

47. Fræðslunefnd Borgarbyggðar - 253

Fundargerð framlögð

48. Velferðarnefnd Borgarbyggðar - 170

Fundargerð framlögð