Afgreiðslufundur skipulagsfulltrúa

73. fundur

9. apríl 2026 kl. 10:00 - 10:30

í fundarsal að Digranesgötu 2

Nefndarmenn

Drífa Gústafsdóttir - skipulagsfulltrúi
Ásgerður H Hafsteinsdóttir - verkefnisstjóri
Kara Lau Eyjólfsdóttir - verkefnisstjóri
Pétur Már Sigurðsson - starfsmaður

Starfsmenn

Fundargerð ritaði: Ásgerður Hafsteinsdóttir - Verkefnastjóri

Dagskrá

1. Umsókn um deiliskipulag - Ásendi 1
2601077

Sveitarstjórn Borgarbyggðar samþykkti þann 12. febrúar 2026 að grenndarkynna fyrirhugaða breytingu á deiliskipulagi Stuttárbotna fyrir lóðina Ásenda 1 frá 2025.

Breytingin felst í því að lóðin er stækkuð úr 1.250m² í 2.607m². Lóðin stækkar því um 1.357m². Aðrir skilmálar gildandi deiliskipulags haldast óbreyttir.

Kynnt var frá 17. febrúar - 19. mars fyrir nágrönnum og öðrum hagsmunaaðilum í skipulagsgátt Skipulagsstofnunar. Engar athugasemdir bárust á kynningartíma.

Skipulagsfulltrúi, sem fer með fullnaðarafgreiðsluvald sveitarstjórnar skv. samþykkt um stjórn Borgarbyggðar, samþykkir framlagða óverulega breytingu á deiliskipulagi skv. 42. gr. skipulagslaga 123/2010.

Fylgiskjöl

2. Umsókn um breytingu á deiliskipulagi - Niðurskógur 1
2603175

Lögð er fram tillaga að breytingu á deiliskipulagi fyrir Niðurskóga í landi Húsafells III, er varðar lóðina Niðurskóga 1. Breytingin tekur til stækkunar á byggingarreit sem er nú 15 x 15 m að stærð en verður 15 x 25 m, eða 375 m2. Byggingarreitur stækkar til austurs. Auk þess er aðkoma að lóð færð norðar. Breytingin er ekki í ósamræmi við þá byggð sem fyrir er t.d. hvað varðar notkun, nýtingarhlutfall, útlit og form svæðis. Hönnuður er á lista Skipulagsstofnunar um samþykkta ráðgjafa.

Skipulagsfulltrúi, sem fer með fullnaðarafgreiðsluvald sveitarstjórnar skv. Samþykkt um stjórn Borgarbyggðar, samþykkir að grenndarkynnt verði óveruleg breyting á deiliskipulagi skv. 2. mgr. 43. gr. og 44. gr. skipulagslaga nr. 123/2010 fyrir eigendum aðliggjandi lóða.

Fylgiskjöl

3. Brúartorg 6 - umsókn um framkvæmdarleyfi - L135571
2603111

Lögð er fram umsókn Orkunnar dags. 12.03.2026 um framkvæmdaleyfi fyrir háspennustrengjum frá RARIK sem grafa þarf í jörð. Strengirnir munu liggja í spennistöð á lóðinni Brúartorg 6a (L240609). Lóðin er skilgreind sem iðnaðar- og athafnalóð. Deiliskipulag er á svæðinu. Í aðalskipulagi er svæðið skilgreint sem miðsvæði. Áætlaður verktími er í apríl 2026.

Fyrir liggur samþykki lóðarhafa og Vegagerðarinnar ásamt skilyrðum varðandi lagnaleyfi á vegsvæði.

Skipulagsfulltrúi, sem fer með fullnaðarafgreiðsluvald sveitarstjórnar skv. samþykkt um stjórn Borgarbyggðar, samþykkir útgáfu framkvæmdaleyfis vegna lagningar háspennustrengja í jörð á lóðinni Brúartorg 6 með vísan til framlagðra gagna. Sýnt er að framkvæmdin varðar ekki hagsmuni annarra en sveitarfélagsins og umsækjanda þar sem fyrirliggjandi er samþykki lóðarhafa og Vegagerðarinnar. Málsmeðferð verður skv. 3. mgr. 44. gr. skipulagslaga 123/2010

Fylgiskjöl

4. Jötnagarðsás 38 - umsókn um stofnun lóða - L134966
2508100

Lögð er fram ósk um afmörkun lóðar Jötnagarðsáss 38 (L134966) úr landi Munaðarness (L134915). Ein fasteign er skráð á lóðinni, sumarbústaður F2110001. Deiliskipulag er á svæðinu og samræmist afmörkun lóðarinnar því. Lóðin er 4000 fm að stærð og skilgreind sem sumarbústaðalóð.

Samþykki aðliggjandi lóða liggja fyrir.

Skipulagsfulltrúi, sem fer með fullnaðarafgreiðsluvald sveitarstjórnar skv. samþykkt um stjórn Borgarbyggðar, samþykkir fyrir sitt leyti að afmörkuð verði 4000 fm lóð, Jötnagarðsás 38, úr upprunalandinu Munaðarnes (L134915) þegar merkjalýsandi hefur afmarkað lóðina í landeignaskrá HMS og skilað inn undirrituðum gögnum til sveitarfélagsins. Lóðin fer í notkunarflokkinn sumarbústaðalóð. Stærð og afmörkun lóðarinnar er í samræmi við deiliskipulag svæðisins.


Fundi slitið - kl. 10:30