Sveitarstjórn Borgarbyggðar

1. Skýrsla sveitarstjóra

Sveitarstjóri flytur skýrslu sveitarstjóra

Sveitarstjóri flytur skýrslu sveitarstjóra

2. Viðauki við fjárhagsáætlun Borgarbyggðar 2026

Á fundi byggðarráðs Borgarbyggðar nr. 732 var samþykkt tillaga um hækkun á rekstraráætlun um 300.000 kr. vegna raflýsingar til Einkunna. Einnig var samþykkt hækkun á framkvæmdaáætlun um 1.200.000 kr. uppsetningar á biðskýli á Hvanneyri.

Á fundi byggðarráðs Borgarbyggðar nr. 734 var samþykkt tillaga að viðauka við fjárfestingaráætlun um hækkun fyrir samtals 96 m.kr. vegna GBF á Kleppjárnsreykjum (40 m.kr.), rennibraut við sundlaugina í Borgarnesi (50 m.kr.) og framkvæmdar við Kveldúlfshöfða/Fjóluklett (6 m.kr.) Vísað til fullnaðarafgreiðslu í sveitarstjórn.

Samtals er því um að ræða hækkun á fjárfestingarramma um 97,2 m.kr. og á rekstrarkostnaði um 300 þúsund kr.

Sveitarstjórn samþykkir að til móts við hækkun á fjárfestingarramma verði rammi vegna uppbyggingar í Brákarey lækkaður úr 150 m.kr. í 50 m.kr. eða um samtals 100 m.kr. Nú er hafin vinna í samstarfi við ráðgjafa frá PwC sem vonandi leiðir til samningsgerðar við bæði fjárfesta og lóðarhafa í Brákarey. Í þeirri vinnu er unnið út frá því að ekki falli beinn kostnaður á sveitarfélagið nema tryggt sé endurgjald til sveitarfélagsins. Það er því ástæða til að lækka ramma vegna hreinnar fjárfestingar sveitarfélagsins í Brákarey sem þessu nemur. Hrein áhrif á fjárfestingarramma 2026 eru því samtals til lækkunar um 2,8 m.kr. en áhrif á rekstur til hækkunar um 300 þúsund krónur.



Samþykkt samhljóða

3. Gjaldskrár 2026

Afgreiðsla frá fundi byggðarráðs nr. 732:"Framlögð tillaga að gjaldskrá fyrir félagsheimili í Borgarbyggð.



Byggðarráð samþykkir að vísa gjaldskrá fyrir félagsheimili í Borgarbyggð til sveitarstjórnar. Gjaldskráin felur í hækkun sem samsvarar 3,2% á milli ára.



Samþykkt samhljóða.





Afgreiðsla frá fundi byggðarráð nr. 734:"Framlögð tillaga að breytingu á gjaldskrá skipulagsfulltrúa en um er að ræða breytingu er snýr að lóðamálum, stofnun eða breytingu á lóðum.



Byggðarráð samþykkir framlagða tillögu að breytingu á gjaldskrá skipulagsfulltrúa. Annars vegar er um að ræða lækkun á umsýslugjaldi og hins vegar hækkun á þinglýsingargjaldi sem kemur til af hækkun gjaldskrár sýslumanns.

Samþykkt samhljóða og vísað til fullnaðarafgreiðslu í sveitarstjórn."

Sveitartjórn staðfestir gjaldskrá fyrir félagsheimili í Borgarbyggð 2026 með áorðnum breytingum. Um er að ræða hækkun um 3.2% á milli ára.



Samþykkt samhljóða



Sveitarstjórn samþykkir gjaldskrá skipulagsfulltrúa 2026 með áorðnum breytingum. Um er að ræða lækkun á umsýslugjaldi og hækkun á þinglýsingargjaldi.



Samþykkt samhljóða

4. Erindi til Innviðaráðuneytisins - staðfesting sameiningar

Lagt fram erindi til Innviðaráðuneytisins vegna sameiningar Borgarbyggðar og Skorrdalshrepps þar sem listuð eru upp helstu verkefni stjórnar til undirbúnings sameiningar sveitarfélaganna.

Sveitarstjórn samþykkir bréf undirbúningsstjórnarinnar og þau verkefni sem þar er listað upp.



Samþykkt samhljóða

5. Sameiginleg yfirkjörstjórn Borgarbyggðar og Skorradalshrepps fyrir sveitarstjórnarkosningar 2026

Lagt fram til kynningar í samræmi við tillögu stjórnar um undirbúning sameiningar Borgarbyggðar og Skorradalshrepps að sveitarstjórnir sveitarfélaganna skipi sameiginlega kjörstjórn vegna sveitarstjórnarkosninganna sem fram fara 16. maí nk. Stjórnin leggur til að sameiginleg yfirkjörstjórn verði skipuð tveimur fulltrúum frá Borgarbyggð og tveimur til vara og einum fulltrúa frá Skorradalshreppi og einum til vara. Þá er lagt til að skipun undirkjörstjórna og skipting í kjördeildir verði óbreytt í Borgarbyggð en að Skorradalshreppur verði sérstök kjördeild. Kjörstjórn Skorradalshrepps verði undirkjörstjórn í Skorradalskjördeild.

Sveitarstjórn samþykkir tillögu stjórnar til undirbúnings sameiningar Skorradalshrepps og Borgarbyggðar.



Samþykkt samhljóða

6. Kosningar í ráð og nefndir 2022-2026

Í samræmi við tillögu stjórnar um undirbúning sameiningar Skorradalshrepps og Borgarbyggðar er lagt til að skipuð verði sameiginleg yfirkjörstjórn beggja sveitarfélaga og að kjörstjórn Skorradalshrepps verði

falið hlutverk undirkjörstjórnar í Skorradalskjördeild.

Sveitarstjórn staðfestir tillögu stjórnar um undirbúning sameiningar og skipar Sveinbjörn Eyólfsson og Sóleyju B. Sigurþórsdóttur í sameiginlega yfirkjörstjórn vegna sveitarstjórnarkosninga og varamenn þeirra verði Ólafur Pálsson og Ingibjörg Jónasdóttir.



Samþykkt samhljóða

7. Frumvarp til laga um lagareldi

Afgreiðsla byggðarráðs frá fundi nr. 733:"Rædd drög að frumvarpi til laga um lagareldi sem verið hafa í samráðsgátt og lögð fram umsögn sveitarfélagsins.



Framlögð eftirfarand umsögn Borgarbyggðar:



Um Borgarbyggð renna margar af bestu laxveiðiám landsins. Veiðihlunnindi er undirstaða verðmætis fjölmargra jarða og nýting þeirra veitir fjölda fólks atvinnu í sveitarfélaginu. Jarðeigendur hafa varið óhemju tíma og fjármunum til uppbyggingar og markaðssetningar veiðihlunninda. Þá hafa upprekstrarfélög og sveitarfélagið sjálft talsverðar tekjur af veiðirétti. Ímynd svæðisins og sjálfsmynd íbúa er nátengd lax- og silungsveiði.



Íbúar víða í Borgarbyggð hafa miklar áhyggjur af uppbyggingu sjókvíeldis við Ísland. Ef illa fer og villtir stofnar bera skaða af fæli það í sér fjárhagslegt áfall fyrir sveitarfélagið og íbúa þess. Tjónið á lífríkinu væri óbætanlegt. Mjög sterk hreyfing er innan sveitarfélagsins sem telur að stöðva eigi með öllu laxeldi í sjó við Ísland.



Markmið frumvarpsins er að uppbygging laxeldis verði sjálfbær og ábyrg og tryggi vernd villtra nytjastofna. Borgarbyggð óttast hins vegar að frumvarpið tryggi ekki nægjanlega að þessum markmiðum verði fylgt eftir í framkvæmd. Borgarbyggð telur brýnt að löggjöf um lagareldi tryggi að fyllstu varúðar sé gætt og henni fylgt eftir með eftirliti, tryggingum og viðurlögum. Þannig er mikilvægt að frumvarpið tryggi að veiðiréttarhöfum og sveitarfélögum yrði bætt að fullu tjón ef áfall í laxeldi leiðir af sér tjón á lífríki laxveiðiáa, að svo miklu leyti sem það er hægt.



Að mati Borgarbyggðar er ástæða að styrkja frumvarpið hvað varðar vernd lífríkis í ám og tryggja að hagsmunir veiðiréttarhafa séu metnir til jafns við aðra hagsmuni.



Borgarbyggð lýsir yfir áhuga á að koma að frekari vinnu við lagasetninguna.



Byggðarráð samþykkir samhljóða framlagða umsögn.

Drög: Sveitarstjórn tekur undir bókun byggðarráðs um drög að frumvarpi til laga um lagareldi.



Samþykkt með 8 atkvæðum (SÓ, GLE, DS, ÞB, BLB, TDH, SG og REJ)

Sat hjá 1: (EMJ)

8. Kæra til Úrskurðanefndar um upplýsingamál

Afgreiðsla frá fundi byggðarráðs nr. 733: "Framlögð tilkynning frá Úrskurðarnefnd um upplýsingamál um kæru sem borist hefur frá IKAN ehf. vegna synjunar um aðgang að gögnum.



Framlagt og sveitarstjóra falið að svara.



Samþykkt samhljóða."



Afgreiðsla fundar byggðaráðs frá fundi nr. 734:"Framlagt svar Borgarbyggðar til Úrskurðarnefndar um upplýsingamál vegna kæru sem nefndinni barst frá IKAN ehf. vegna synjunar um aðgang að gögnum.



Framlagt og samþykkt samhljóða."

Lagt fram og sveitarstjóra falið að svara fyrir hönd Borgarbyggðar





Samþykkt samhljóða

9. Stjórnsýslukæra íbúasamtakanna Sólar til framtíðar

Afgreiðsla frá fundi byggðarráðs nr. 733:"Framlögð stjórnsýslukæra sem Innviðaráðuneytinu hefur borist frá samtökunum Sól til framtíðar þar sem kærð er ákvörðun sveitarstjórnar Borgarbyggðar frá 11. desember 2025 um að hafna beiðni kærenda um að fram fari söfnun undirskrifta vegna samþykktar sveitarfélagsins á aðalskipulagi Borgarbyggðar.



Kæra og drög að greinargerð sveitarfélagsins lögð fram. Byggðarráð samþykkir framlagða greinargerð og felur sveitarstjóra að senda til Innviðaráðuneytisins.



Samþykkt samhljóða."

Sveitarstjórn staðfestir framlagða greinargerð sveitarfélagsins í málinu.



Samþykkt samhljóða

10. Fundargerðir stjórnar um sameiningu Borgarbyggðar og Skorradalshrepps

Lagðar fram fundargerðir frá stjórn um sameiningu Borgarbyggðar og Skorradalshrepps frá fundum 1 - 2.

Lagt fram til kynningar



Samþykkt samhljóða

11. Félagslegt leiguhúsnæði

Afgreiðsla frá fundi byggðarráðs nr. 734:"Í samræmi við bókun fundar byggðarráðs nr. 729 eru lögð fram drög að stefnu Borgarbyggðar um félagslegt leiguhúsnæði. Kynntar hugmyndir að næstu skrefum þróunar á félagslegu leiguhúsnæði Borgarbyggðar.



Drög að stefnu Borgarbyggðar um félagslegt leiguhúsnæði styðja það markmið að sveitarfélagið geti boðið leiguhúsnæði fyrir skjólstæðinga sína í samstarfi við óhagnaðardrifin leigufélög. Hún stuðlar að því að tryggja leigutökum húsnæði sem fellur betur að þörfum þeirra. Markmið með stefnunni er:



Að bjóða upp á viðeigandi félagslegt leiguhúsnæði fyrir íbúa sem uppfylla skilyrði laga og reglna sveitarfélagsins.



Að stuðla að félagslegri blöndun, koma í veg fyrir samþjöppun félagslegs húsnæðis og vinna gegn félagslegri einangrun íbúa.



Að nýta fjármuni sveitarfélagsins á hagkvæman hátt.



Að stuðla að því að framboð félagslegs húsnæðis samræmist þörfum íbúa.



Að tryggja fyrirsjáanleika í kostnaði fyrir bæði sveitarfélagið og leigjendur.



Að draga úr langtímaábyrgð sveitarfélagsins á viðhaldi og rekstri húsnæðis, án þess að skerða þjónustu eða aðgengi.



Drög að framkvæmdaramma 2026-2029 gerir ráð fyrir húsnæðisframlagi af hálfu sveitarfélagsins í verkefni að þessum toga.



Stefnan er í samræmi við umræður og samþykktir velferðarnefnd.



Samþykkt samhljóða."

Sveitarstjórn staðfestir stefnu Borgarbyggðar um félagslegt leiguhúsnæði 2026.



Samþykkt samhljóða

12. Grunnskóli Borgarfjarðar- Kleppjárnsreykjadeild - framkvæmdir á skólahúsnæði

Afgreiðsla byggðarráðs Borgabyggðar:"Í samræmi við afgreiðslu fundar byggðarráðs nr. 733 er lögð fram frekari samantekt kostnaðar og drög uppgjöri á verkinu í heild.



Framlögð samantekt Eflu á kostnaði og drög að fullnaðaruppgjöri á verkinu. Það sýnir að útlit er fyrir að heildarkostnaður vegna samningsverks við endurbyggingu hluta af húsnæði Grunnskóla Borgarfjarðar, Kleppjárnsreykjum verði 1.279 m.kr. en það samsvarar um 20% hærri fjárhæð en upphaflegt tilboð að teknu tilliti til verðbóta. Hluti fellur inn á árið 2026 og leggur byggðarráð til við sveitarstjórn að hækka fjárfestingarramma vegna nýbyggingar GBF á Kleppjárnsreykjum um 40 m.kr. og hefur verið gert ráð fyrir þeirri hækkun í viðauka I við fjárhagsáætlun 2026.







Samþykkt samhljóða.







Sigurður Guðmundsson byggðarráðsfulltrúi lagði fram eftirfarandi bókun:



"Nú liggur fyrir að umtalsverður auka kostnaður hefur fallið á byggingu grunnskólans á Kleppjárnsreykjum. Það eru mikil vonbrigði að þetta sé niðurstaðan, verst er þó að upplýsingar um raunstöðu verksins hafa ekki borist byggðaráði yfir verktímanum, sem engan veginn er ásættanlegt fyrir kjörnafulltrúa. Þessi skortur á upplýsingargjöf er alfarið á ábyrgð meirihluta framsóknarmanna í sveitarstjórn Borgarbyggðar. Í ljósi þessari stöðu vakna upp spurningar, meðal annars hvort farið hafi verið fram úr fjárheimildum. Fulltrúar Sjálfstæðisflokksins spurðust fyrir um fjárheimildir og stöðu verksins á liðnu hausti og var farið yfir þau mál við gerð viðauka við fjárhagsáætlun í september þar sem fjárþörf vegna byggingar grunnskólans á Kleppjarnsreykjum var skoðuð sérstaklega á milli funda í Byggðaráði. Eftir þá skoðun var ekkert sem benti til annars en að verkið yrði innan áætlana. Niðurstaðan núna sýnir að upplýsingagjöf, til kjörna fulltrúa, um stöðu framkvæmda a vegum sveitarfélagsins er ekki ásættanleg. Við yfirferð á verkfundargerðum nr. 45-48 er ekki fjallað um nein aukaverk þó sér kafli sé í verkfundargerðum þess efnis. Þetta er mjög sérstakt og þarfnast útskýringa.



Í ljósi þessa þá óska ég óska eftir upplýsingum um greiðslustöðu verkefnisins miða við fjárheimildir þ.e. hvort verkefnið hafi á verktímanum verið innan fjárheimilda síðasta árs og að það yfirlit sé með tímalínu sem sýni raun stöðu verksins á hverjum tíma miðað við fjárheimildir. Jafnframt óska ég eftir sundurliðuðu yfirliti yfir aukaverk, þar sem fram koma upplýsingar um umsamda upphæð, endanlega upphæð, ástæðu fyrir aukaverkinu, hvernig og hvenær verkin hafi verið samþykkt. Óskað er eftir að þessi gögn verði lögð fyrir sveitarstjórn á næsta sveitarstjórnarfundi."

Sveitarstjórn staðfestir að hækka skuli fjárfestingarramma vegna nýbyggingar GBF á Kleppjárnsreykjum um 40 m.kr. og hefur verið gert ráð fyrir þeirri hækkun í viðauka I við fjárhagsáætlun 2026.



Samþykkt samhljóða



Sigurður Guðmundsson leggur fram eftirfarandi bókun fyrir hönd fulltrúa sjálfstæðiflokks D.-lista: Í uppgjöri vegna byggingu Grunnskólans á Kleppjárnsreykjum kemur í ljós að aukaverk hækkar byggingakostnað um 15% ofan á verksamninginn, eða um 160 milljónir. Það eru ávallt vonbrigði þegar áætlanir ganga ekki eftir. Við fulltrúar Sjálfstæðisflokksins ætlum ekki að fara í einhvern pólitískan hráskinnaleik en viljum hinsvegar læra af reynslunni til að hægt sé að gera betur. Við grófa yfirferð á aukaverkum þá kemur í ljós að um 40% af aukaverkum má rekja til hönnunar eða vöntunar á hönnun, 20% til þess að breytt var um byggingaraðferð þ.e. að frávikstilboði var tekið og 40% ófyrirséð vegna tenginga við gömul hús og fráveitu og fleira. Þarna kemur berlega í ljós hversu mikilvægt er að rýna hönnun og passa uppá að hönnun mannvirkja sé vönduð og lokið áður en til útboðs kemur, jafnframt sýnir þetta að það er vandasamt og þarf að skoðast mjög vel ef það koma frávikstilboð og nauðsynlegt að leggja gott mat á hvort það tilboð sé hagstætt útfrá hönnunarforsendum. Annað atriði sem við erum óánægð með er hvað upplýsingagjöf um kostnað og þróun hans á verktímanum bárust kjörnum fulltrúum seint og illa. Það er óviðunandi því upplýsingar um það koma yfir allan verktíman ef utanumhald er með góðum hætti.





Davíð Sigurðsson leggur fram eftirfarandi bókun fyrir hönd meirhluta framsóknarflokks B. lista: Það eru vonbrigði að kostnaður vegna aukaverka við nýbyggingu GBF á Kleppjárnsreykjum skildi verða jafn mikill og raun ber vitni. Eftir nánari skoðun er það ljóst að hjá þessum kostnaði var ekki komist. Ekki hafði verið gert með fullnægjandi hætti ráð fyrir ýmsum hlutum framkvæmdarinnar við hönnun og gerð útboðsgagna. Þegar um ræðir verk af þessari stærðargráðu þar sem verið er að skeyta saman eldri og nýrri byggingu er alltaf drjúgur kostnaður ófyrirséður. Fyrst og fremst eru það vonbrigði að upplýsingar um þennan kostnað skuli ekki berast fyrr en nú, þegar verki er svo gott sem lokið. Ég fyrir hönd framsóknar skorast ekki undan ábyrgð og tek á móti þeirri gagnrýni sem sett hefur verið fram af hálfu fulltrúa sjálfstæðisflokksins, og tek henni alvarlega. Það hefur nú þegar verið farið yfir alla verkferla innanhúss hjá sveitarfélaginu gagnvart verkeftirliti og skerpt á þeim til að tryggja að þetta endurtaki sig ekki. Eftir stendur að risinn er nýr og glæsilegur skóli sem börn og starfsfólk er byrjað að nýta og allir íbúar geta verið stoltir af.





Til máls tóku: SG og DS

13. Krafa vegna verklauna

Afgreiðsla frá fundi byggðarráðs nr. 734:"Lögð fram greinargerð Borgarbyggðar í málinu.



Framlagt og samþykkt samhljóða."

Sveitarstjórn staðfestir greinargerð Borgarbyggðar í málinu.







Samþykkt samhljóða

14. Vatnsrennibraut við sundlaug í Borgarnesi

Afgreiðsla frá fundi byggðarráðs nr. 734:"Lögð fram opnunarskýrsla verðfyrirspurnar í endurnýjun vatnsrennibrautar í sundlauginni í Borgarnesi. Til fundarins kemur Hlynur Ólafsson verkefnastjóri á skipulags- og umhverfissviði.



Lögð fram með fyrirvara um reikni- og/eða innsláttarvillur. Sveitarstjóra falið að vinna málið áfram og leggja fyrir sveitarstjórn.



Samþykkt samhljóða."

Samþykkt er að taka tilboði Á. Óskarsson sem var lægstbjóðandi í útboði verksins sbr. opununarskýrslu dags.03.02.2026. Sveitarstjóra falið að skrifa undir samning þegar nauðsynleg samningsgögn, verktrygging og verkáætlun, liggja fyrir.



Samþykkt samhljóða

15. Bjargsland og Kveldúlfshöfði - Gatnagerð og kostnaður

Afgreiðsla fundar byggðarráðs frá fundi nr.734:" Yfirferð á gatnaframkvæmd við Fjóluklett. Framlagðar aukaverkabeiðnir vegna vegslóða til uppbyggingar á mön og einnig lagfæringar á vegslóða samhliða gatnagerð til uppbyggingar á 2.áfanga framkvæmdarinnar. Samtals kostnaður við aukaverkabeiðnir um 5,2 m.kr.



Byggðarráð samþykkir framlagðar aukaverkabeiðnir. Stór hluti kostnaðar við þessi aukaverk mun nýtast við gerð göngustígar sem áformaður er í deiliskipulagi svæðisins.



Samþykkt samhljóða."

Sveitarstjórn samþykkir framlagðar aukaverkbeiðnir að fjárhæð 5,2 m. kr. vegna gatnaframkvæmdar við Fjóluklett. Gert hefur verið ráð fyrir kostnaðarauka í viðauka I.



Samþykkt samhljóða

16. Umsókn um breytingu á deiliskipulagi

Afgreiðsla 83. fundar skipulags- og byggingarnefndar:

"Skipulags- og byggingarnefnd leggur til við sveitarstjórn að samþykkja framlagða deiliskipulagsbreytingu skv. 42. gr. skipulagslaga 123/2010.

Samþykkt samhljóða"

Sveitarstjórn samþykkir framlagða deiliskipulagsbreytingu skv. 42. gr. skipulagslaga nr. 123/2010.



Samþykkt samhljóða

17. Br. dsk Flatahverfi - Hrafnaflöt

Afgreiðsla 83. fundar skipulags- og byggingarnefndar: "Skipulags- og byggingarnefnd leggur til við sveitarstjórn að samþykkja framlagða óverulega breytingu á deiliskipulagi skv. 42. gr. skipulagslaga 123/2010. Breytingin á við um svo óveruleg frávik að hagsmunir nágranna skerðast í engu hvað varðar landnotkun, útsýni, skuggavarp eða innsýn.

Málsmeðferð verður skv. 2. mgr. 43. gr. skipulagslaga og 3. mgr. 44. gr. sömu laga.

Samþykkt samhljóða"

Sveitarstjórn samþykkir framlagða óverulega breytingu á deiliskipulagi skv. 42. gr. skipulagslaga 123/2010. Breytingin á við um svo óveruleg frávik að hagsmunir nágranna skerðast í engu hvað varðar landnotkun, útsýni, skuggavarp eða innsýn.

Málsmeðferð verður skv. 2. mgr. 43. gr. skipulagslaga og 3. mgr. 44. gr. sömu laga.



Samþykkt samhljóða

18. Húsafell 3 - ums?kn um deiliskipulag - L134495

Afgreiðsla 83. fundar skipulags- og byggingarnefndar:

"Skipulags- og byggingarnefnd leggur til við sveitarstjórn að grenndarkynna óverulegra breytingu á deiliskipulagi skv. 2. mgr. 43. gr. og 44. gr. skipulagslaga 123/2010 fyrir eigendum Stórarjóðurs 5, 8 og 9.

Samþykkt samhljóða"

Sveitarstjórn samþykkir að grenndarkynna óverulega breytingu á deiliskipulagi skv. 2. mgr. 43. gr. og 44. gr. skipulagslaga 123/2010 fyrir eigendum Stórarjóðurs 5,8 og 9.



Samþykkt samhljóða

19. Umsókn um deiliskipulag

Afgreiðsla 83. fundar skipulags- og byggingarnefndar:

"Skipulags- og byggingarnefnd leggur til við sveitarstjórn að grenndarkynna óverulegra breytingu á deiliskipulagi skv. 2. mgr. 43. gr. og 44. gr. skipulagslaga 123/2010 fyrir eigendum Ásenda 2, 3, 4, 8, 9 og 10.

Samþykkt samhljóða"

Sveitarstjórn samþykkir að grenndarkynna óverulega breytingu á deiliskipulagi skv. 2. mgr. 43. gr. og 44. gr. skipulagslaga 123/2010 fyrir eigendum Ásenda 2, 3, 4, 8, 9 og 10.



Samþykkt samhljóða

20. Samtal um stöðu og stefnu Háskólans á Bifröst

Háskólinn á Bifröst er hluti af öflugu háskólasamfélagi í Borgarbyggð. Hann á rætur á Bifröst og saga hans er liðlega hundráð ára gömul. Starfsemi og umsvif skólans skipta sveitarfélagið og allt samfélagið í Borgarbyggð miklu máli.

Háskólinn á Bifröst hefur verið burðarás í að mennta fólk til sérfræði- og stjórnunarstarfa í íslensku atvinnulífi. Skólinn hefur verið brautryðjandi í fjarnámi og lagt mikið af mörkum til að styrkja byggðafestu og byggðaþróun á landinu öllu. Starfsemi skólans hefur tekið miklum breytingum á síðustu árum, nemendum fjölgað hratt og fjarnám tekið við af staðnámi. Sveitarstjórn Borgarbyggðar styður heils hugar uppbyggingu og þróun Háskólans á Bifröst og fagnar þeim góða árangri sem náðst hefur. Háskólinn á Bifröst starfrækir nú stærstu viðskiptadeild landsins og stundar öflugar rannsóknir á sviði fjármála, byggðamála, sveitarstjórnamála, mannauðsfræða, öryggismála og fjölda annarra greina. Það hefur verið þungbært að verða vitni að þeim deilum geysað hafa innan skólans. Fráfarandi rektor á þakkir skyldar fyrir metnaðarfulla uppbyggingu á háskólans og gott samstarf við sveitarfélagið á miklum umrótatímum. Það er von sveitarstjórnar Borgarbyggðar nú hafi skapast ró um starfsemi skólans.

Rætur skólans liggja djúpt í Borgarfirði. Skólinn rekur starfsstöð á Hvanneyri og staðlotur fara fram í Borgarbyggð. Það undirstrikar sterk tengsl að sveitarfélagið hefur tilnefnt fulltrúa í háskólastjórn og fulltrúaráð skólans. Sveitarstjórn Borgarbyggðar hvetur stjórnvöld háskólamála eindregið til að efla menntun, kennslu, rannsóknir og nýsköpun á háskólastigi í Borgarbyggð. Mikil tækifæri felast í áframhaldandi uppbyggingu háskólasamfélags á Hvanneyri t.d. með samstarfi háskóla og fleiri stofnana.

Loks er það eindregin von sveitarstjórnar Borgarbyggðar að þorpið á Bifröst, sem að mestu er í eigu Háskólans á Bifröst, fái sem fyrst nýtt hlutverk. Sveitarstjórn ítrekar að sveitarfélagið hefur mikinn vilja til að eiga samstarf við stjórnendur skólans um þróun þorpsins til framtíðar. Núverandi nýting húsnæðis í þorpinu er hvorki félagslega né fjárhagslega sjálfbær. Sýn sveitarfélagsins er á Bifröst festi rætur, á nýjan leik,starfsemi sem tryggir uppbyggingu búsetu og atvinnulífs og endurbætur húsnæðis, sveitarfélaginu og samfélaginu í Borgarbyggð til heilla.



Samþykkt samhljóða

21. Húsnæðisáætlun 2026

Húsnæðisáætlun Borgarbyggðar 2026 lögð fram til síðari umræðu.

Sveitarstjórn staðfestir húsnæðisáætlun Borgarbyggðar og felur sveitarstjóra að birta hana.



Samþykkt samhljóða

22. Samgönguáætlun 2026-2040

Lögð fram samgönguáætlun 2026-2040.

Sveitarstjórn samþykkir framlagða umsögn um samgönguáætlun.



Samþykkt samhljóða

23. Byggðarráð Borgarbyggðar - 732

Fundargerð framlögð

24. Byggðarráð Borgarbyggðar - 733

Fundargerð framlögð

25. Byggðarráð Borgarbyggðar - 734

Fundargerð framlögð

26. Skipulags- og byggingarnefnd Borgarbyggðar - 83

Fundagerð framlögð

27. Umhverfis- og landbúnaðarnefnd - 85

Fundargerð framlögð





Til máls tóku SG um lið 2

SÓ um lið 2

28. Fræðslunefnd Borgarbyggðar - 249

Fundargerð framlögð

29. Fræðslunefnd Borgarbyggðar - 250

Fundargerð framlögð

30. Velferðarnefnd Borgarbyggðar - 168

Fundargerð framlögð