Skipulags- og byggingarnefnd Borgarbyggðar

1. Umsókn um breytingu á deiliskipulagi

Breyting á deiliskipulagi verslunar- og þjónustulóðar við Kaldadalsveg hefur verið auglýst samkvæmt 41.gr. skiplagslaga 123/2010. Kynningartími var frá 26.11.2025-12.01.2026 og óskað eftir umsögnum lögbundinna umsagnaraðila. Engar athugasemdir bárust.

Lagður er fram uppdráttur og greinargerð dags. 20.10.2025.

Skipulags- og byggingarnefnd leggur til við sveitarstjórn að samþykkja framlagða deiliskipulagsbreytingu skv. 42. gr. skipulagslaga 123/2010.

Samþykkt samhljóða

2. Br. dsk Flatahverfi - Hrafnaflöt

Lögð er fram tillaga að breytingu á deiliskipulagi Flatahverfis á Hvanneyri. Breytingin varðar lóðir við Hrafnaflöt og húsgerð nr 2. Eftir breytingu verður heimilt að byggja þriggja íbúða raðhús við Hrafnaflöt 2,4 og 6 í stað fjögurra. Raðhús við Hrafnaflöt 1, 3 og 5 verða áfram með þremur íbúðum en byggingarreitur hliðrast. Lóðir við Hrafnaflöt verða tvær í stað sjö en í stað einstakra lóða verða skilgreindir sérafnotareitir. Þeir eru ekki sýndir á skipulagsuppdrætti. Auk þess eru gerðar breytingar á skipulags- og byggingarskilmálum varðandi aðgengi, fjölda íbúða, bílageymslu og sérafnotareiti.

Hönnuður er á lista Skipulagsstofnunar um samþykkta ráðgjafa.

Uppdráttur dags. 03.02.2026.

Skipulags- og byggingarnefnd leggur til við sveitarstjórn að samþykkja framlagða óverulega breytingu á deiliskipulagi skv. 42. gr. skipulagslaga 123/2010. Breytingin á við um svo óveruleg frávik að hagsmunir nágranna skerðast í engu hvað varðar landnotkun, útsýni, skuggavarp eða innsýn.

Málsmeðferð verður skv. 2. mgr. 43. gr. skipulagslaga og 3. mgr. 44. gr. sömu laga.

Samþykkt samhljóða

3. Húsafell 3 - ums?kn um deiliskipulag - L134495

Lögð er fram tillaga að breytingu á deiliskipulagi Stuttárbotna í Húsafelli fyrir lóðina Stórarjóður 6 (L134604). Byggingarreitur er lengdur um nokkra metra til norð-austurs og suð-austurs auk þess sem hann er einnig settur utan um núverandi fylgihús sem er á lóðinni en húsið stendur nær lóðamörkum en 10m.

Skipulags- og byggingarnefnd leggur til við sveitarstjórn að grenndarkynna óverulegra breytingu á deiliskipulagi skv. 2. mgr. 43. gr. og 44. gr. skipulagslaga 123/2010 fyrir eigendum Stórarjóðurs 5, 8 og 9.

Samþykkt samhljóða

4. Umsókn um deiliskipulag

Lögð er fram tillaga að breytingu á deiliskipulagi Stuttárbotna í Húsafelli frá 2025. Breytingin tekur til lóðarinnar Ásendi 1 þar sem lóðin er stækkuð úr 1.250m² í 2.607m². Lóðin stækkar því um 1.357m². Breytingin er ekki í ósamræmi við þá byggð sem fyrir er t.d. hvað varðar notkun, nýtingarhlutfall, útlit og form svæðis. Hönnuður er á lista Skipulagsstofnunar um samþykkta ráðgjafa. Uppdráttur dags. 09.01.2026.

Skipulags- og byggingarnefnd leggur til við sveitarstjórn að grenndarkynna óverulegra breytingu á deiliskipulagi skv. 2. mgr. 43. gr. og 44. gr. skipulagslaga 123/2010 fyrir eigendum Ásenda 2, 3, 4, 8, 9 og 10.

Samþykkt samhljóða

5. selás 11 - umsókn um deiliskipulag - L177900

Lögð er fram fyrirspurn um heimild til breytingar á deiliskipulagi Seláss í landi Ánabrekku fyrir lóðina Selás 11.

Samkvæmt núgildandi deiliskipulagi er heimilt að byggja allt að 165m² sem skiptist á milli þriggja húsagerða. Frístundahús allt að 120m², gistihús allt að 30m² og geymsluhús allt að 15m².

Áformað er að byggja 137,9m² frístundahús og 12,9m² sauna á lóðinni og verður því hámarks byggingarmagn frístundahúss hækkað.

Skipulags- og byggingarnefnd, sem fer með fullnaðarafgreiðsluvald sveitarstjórnar skv. samþykkt um stjórn Borgarbyggðar, heimilar að gerð verði breyting á deiliskipulagi Seláss í samræmi við framlögð gögn.

Samþykkt samhljóða

6. Fyrirspurn um skipulagsmál

Lögð er fram fyrirspurn um leyfi til að setja niður 49m² gestahús á lóð Veiðifélags Flókadalsár (L192673). Lóðin er 3.000m² og á lóðinni er fyrir 99,6m² veiðihús. Í endurskoðuðu aðalskipulagi Borgarbyggðar 2025-2037 er svæðið skilgreint með landnotkun verslun- og þjónusta þar sem frekari uppbygging er heimil með 12 gistirúmum.

Skipulags- og byggingarnefnd sem fer með fullnaðarafgreiðsluvald sveitarstjórnar skv. samþykkt um stjórn Borgarbyggðar, samþykkir að sett verði niður 49m² gestahús á lóð Veiðifélags Flókadalsár að undangengnu samþykki landeiganda. Nefndin fer fram á að gert verði deiliskipulag fyrir lóðina ef frekari uppbygging er áformuð.

Samþykkt samhljóða

7. Snæfellsnesvegur (54) - umsókn um framkvæmdaleyfi

Lögð er fram umsókn Vegagerðarinnar dags. 30.01.2026 um framkvæmdaleyfi vegna endurbyggingar Snæfellsnesvegar milli Brúarhrauns og Hraunsmúla í Borgarbyggð. Fyrirhuguð framkvæmd er á um 6 km kafla og liggur um lönd Brúarhrauns, Ásbrúnar, Flesjustaða, Heiðarbýlis, Syðstu-Garða og Snorrastaða 2. Framkvæmdin felur í sér breikkun og styrkingu vegarins, nýlögn ræsa ásamt nýlögn bundins slitlags. Áætluð verklok eru 15. september 2026.

Umsókn framkvæmdaleyfis tekur ekki til efnistöku til verksins.

Skipulags- og byggingarnefnd, sem fer með fullnaðarafgreiðsluvald sveitarstjórnar skv. samþykkt um stjórn Borgarbyggðar, samþykkir framkvæmdaleyfi fyrir endurbyggingu vegar á 6 km kafla milli Hraunsmúla og Brúarhrauns með vísan til framlagðra gagna þegar undirritað samþykki landeigenda liggur fyrir. Málsmeðferð verður skv. 3. mgr. 44. gr. skipulagslaga 123/2010.

Samþykkt samhljóða

8. Afgreiðslufundur skipulagsfulltrúa - 69

9. Afgreiðslufundur byggingarfulltrúa - 255