Sveitarstjórn Borgarbyggðar

1. Skýrsla sveitarstjóra

Sveitarstjóri flytur skýrslu sveitarstjóra.

Sveitarstjóri flytur skýrslu sveitarstjóra

2. Viðauki við fjárhagsáætlun 2025

Afgreiðsla frá fundi byggðarráðs nr. 729:"Lagður fram viðauki VI við fjárhagsáætlun 2025.

Framlagður viðauki VI við fjárhagsáætlun og framkvæmdaáætlun 2026. Í honum felst að áætlun um launakostnað grunnskóla er hækkuð um 30 m.kr. sem skiptist þannig að áætlun fyrir Grunnskólann í Borgarnesi hækkar um 17,4 m.kr. og um 12,6 m.kr. fyrir Grunnskóla Borgarfjarðar. Á móti eru óreglulegir liðir færðir niður um 30 m.kr.

Þá er áætlaður kostnaður vegna sameiningarmála að fjárhæð 35 m.kr. Á móti þeim kostnaði eru áætlað framlag frá Jöfnunarsjóði sveitarfélaga um 35 m.kr. Að auki er áætlaður kostnaður vegna kærumála í kjölfar kosninga að fjárhæð 5,3 m.kr. Sveitarfélagið væntir þess að sú fjárhæð fáist endurgreidd frá Jöfnunarsjóði.

Í framkvæmda- og fjárfestingaráætlun er áætluð hækkun að fjárhæð 23,4 m.kr. vegna búnaðarkaupa annars vegar í leikskólann Klettaborg að fjárhæð 5,4 m.kr. og hins vegar GBF á Kleppjárnsreykjum að fjárhæð 18,0 m.kr.

Samanlögð áhrif viðaukans leiða til lækkunar á handbæru fé í sjóðstreymisáætlun að fjárhæð 28,7 m.kr.

Því miður sér ekki fyrir endann á ráðgjafarkostnaði vegna kærumála er varðar fyrirhugaða sameiningu við Skorradalshrepp en málið er enn í farvegi hjá Innviðaráðuneytinu og bíður Borgarbyggð niðurstöðu þess. Þessi kærumeðferð og töf á afgreiðslu ráðuneytisins hefur leitt til þess að vinna við að ljúka við sameiningu sveitarfélaganna hefur ekki náð að hefjast. Byggðarráð harmar að málið sé enn í þessum farvegi, það veldur kostnaði og gerir það að verkum að nýskipuð undirbúningsstjórn um sameiningu sveitarfélaganna getur ekki hafið störf.

Samþykkt samhljóða og vísað til staðfestingar í sveitarstjórn."

Sveitarstjórn staðfestir viðauka VI við fjárhagsáætlun og framkvæmdaáætlun 2025. Í honum felst að áætlun um launakostnað grunnskóla er hækkuð um 30 m.kr. sem skiptist þannig að áætlun fyrir Grunnskólann í Borgarnesi hækkar um 17,4 m.kr. og um 12,6 m.kr. fyrir Grunnskóla Borgarfjarðar. Á móti eru óreglulegir liðir færðir niður um 30 m.kr.

Þá er áætlaður kostnaður vegna sameiningarmála að fjárhæð 35 m.kr. Á móti þeim kostnaði eru áætlað framlag frá Jöfnunarsjóði sveitarfélaga um 35 m.kr. Að auki er áætlaður kostnaður vegna kærumála í kjölfar kosninga að fjárhæð 5,3 m.kr. Sveitarfélagið væntir þess að sú fjárhæð fáist endurgreidd frá Jöfnunarsjóði.

Í framkvæmda- og fjárfestingaráætlun er áætluð hækkun að fjárhæð 23,4 m.kr. vegna búnaðarkaupa annars vegar í leikskólann Klettaborg að fjárhæð 5,4 m.kr. og hins vegar GBF á Kleppjárnsreykjum að fjárhæð 18,0 m.kr.

Samanlögð áhrif viðaukans leiða til lækkunar á handbæru fé í sjóðstreymisáætlun að fjárhæð 28,7 m.kr.



Samþykkt samhljóða

3. Gjaldskrár 2026

Afgreiðsla á fundi byggðarráðs nr. 728: "Framlagðar gjaldskrár fjölskyldsviðs, Hjálmakletts, slökkviliðs, Ljósleiðara og safnahúss. Jafnframt lögð fram tillaga að óbreyttu álagningarhlutfalli fasteignaskatts og lóðarleigu á milli ára. Samþykkt samhljóða og vísað til fullnaðarafgreiðslu í sveitarstjórn."

Afgreiðsla á fundi byggðarráðs nr. 729: "Framlagðar til umræðu í byggðarráði gjaldskrár skipulags- og umhverfissviðs. Byggðarráð samþykkir að vísa tillögum að gjaldskrám til samþykktar í sveitarstjórn að teknu tilliti til breytinga á tillögu að gjaldskrá skipulagsfulltrúa og byggingarfulltrúa sem ákveðnar voru á fundinum. Samþykkt samhljóða."

Lagðar fram gjaldskrár fyrir Frístund, Listaskóla, mötuneyti fyrir starfsfólk grunnskóla, íþróttamiðstöðvar, leikskóla, fjölskyldusvið, Hjálmaklett, Safnahús, Slökkvilið Borgarbyggðar, slökkvitækjaþjónustu, söfnun og eyðingu dýraleifa, gámasvæði, tæmingu rotþróa, meðhöndlun úrgangs, hunda- og kattahald í þéttbýli, Vatnsveitu Hraunhrepps, Vatnsveitu Álftaneshrepps, skipulagsfulltrúa og byggingarfulltrúa.

Lagðar fram tillögur að gjaldskrám í Borgarbyggð 2026 sem hafa fengið umfjöllun í viðkomandi nefndum.





Lögð fram tillaga um að álagning fasteignaskatts í Borgarbyggð á árinu 2026 verði:



0,35% af fasteignamati skv a-lið 3. gr laga um tekjustofna sveitarfélaga

Samþykkt samhljóða



1,32% af fasteignamati skv b-lið 3. gr laga um tekjustofna sveitarfélaga

Samþykkt samhljóða



1,39% af fasteignamati skv c-lið 3. gr laga um tekjustofna sveitarfélaga

Samþykkt samhljóða





Lögð fram tillaga um að lóðaleiga í Borgarbyggð árið 2025 verði 1,5% af fasteignamati íbúðarhúsalóða og 2,00% af fasteignamati annarra lóða.



Samþykkt samhljóða





Forseti bar upp beiðni þess að fá að bera upp allar gjaldskrá saman, það var samþykkt samhljóða



Lögð var fram tillaga að gjaldskrá um meðhöndlun úrgangs



Lögð var fram tillaga að gjaldskrá um tæmingu rotþróa



Lögð var fram tillaga að gjaldskrá um söfnun og eyðingu dýraleifa



Lögð var fram tillaga að gjaldskrá byggingarleyfis- og þjónustugjalda byggingarfulltrúa



Lögð var fram tillaga að gjaldskrá Vatnsveitu Hraunhrepps



Lögð var fram tillaga að gjaldskrá Vatnsveitu Álftaneshrepps



Lögð var fram tillaga að gjaldskrá leikskóla



Lögð var fram tillaga að gjaldskrá heimaþjónustu



Lögð var fram tillaga að gjaldskrá frístundastarfs



Lögð var fram tillaga að gjaldskrá Listaskóla



Lögð var fram tillaga að gjaldskrá íþróttamiðstöðva



Lögð var fram tillaga að gjaldskrá Safnahúss



Lögð var fram tillaga að gjaldskrá ljósleiðara



Lögð var fram tillaga að gjaldskrá Slökkviliðs



Lögð var fram tillaga að gjaldskrá slökkvitækjaþjónustu



Lögð var fram tillaga að gjaldskrá fyrir hunda- og kattahald í þéttbýli



Lögð var fram tillaga að gjaldskrá og reglum fyrir gámasvæði



Lögð var fram tillaga að gjaldskrá mötuneyta í grunnskólum



Lögð var fram tillaga að gjaldskrá Hjálmakletts



Lögð var fram tillaga að gjaldskrá fyrir framkvæmdaleyfi og þjónustugjöld skipulagsfulltrúa



Samþykkt samhljóða

4. Fjárhagsáætlun 2026

Fjárhagsáætlun 2026 lögð fram til seinni umræðu.

Drög: Lögð fram til síðari umræðu tillaga að fjárhagsáætlun Borgarbyggðar fyrir árið 2026 ásamt tillögu að fjárheimildum fyrir árin 2027-2029.



Helstu niðurstöður tillögunnar fyrir árið 2026 eru:

Rekstrartekjur A-hluta 7.441 m.kr og rekstrartekjur samstæðu 8.486 m.kr.

Rekstrargjöld A-hluta 6.841 m.kr en rekstrargjöld samstæðu 7.686 m.kr

Rekstrarniðurstaða fyrir afskriftir A-hluta 600 m.kr. og fyrir samstæðu 800 m.kr.

Rekstrarniðurstaða A-hluta 198 m.kr en 148 m.kr fyrir samstæðu.

Veltufé frá rekstri A-hluta 692 m.kr. en 770 m.kr. fyrir samstæðu.

Hreinar fjárfestingar A-hluta eru 2.329 m.kr. og samstæðu 2.431 m.kr.

Heildareignir A-hluta í lok árs 2026 14.844 m.kr. og samstæðu 17.185 m.kr.

Eigið fé A- hluta í lok árs 2026 6.546 m.kr. og samstæðu 6.946 m.kr.



Helstu niðurstöður tilögunnar fyrir samstæðu árin 2027-2029 eru.



Rekstrartekjur eru áætlaðar 8.794 m.kr á árinu 2027, 9.140 m.kr á árinu 2028 og 9.450 m.kr á árinu 2029.

Rekstrarafgangur er áætlaður 139 m.kr á árinu 2027, 147 m.kr á árinu 2028 og 127 m.kr á árinu 2029.

Hreinar fjárfestingarhreyfingar eru áætlaðar 1.001 m.kr á árinu 2027, 1.003 m.kr á árinu 2028 og 183 m.kr á árinu 2029.

Í fjárhagsáætlun 2026 og og ramma fyrir fjárheimildir 2027-2029 er gengið út frá því að sveitarfélagið fái endurgreiddan kostnað vegna fjárhagsaðstoðar við útlendinga sem hafa verið á landinu lengur en tvö ár. Ef gerist ekki má áætla að rekstrarniðurstaða verði 110 - 140 m.kr. lakari, að öðru óbreyttu.





Fjárhagsáætlun Borgarbyggðar fyrir árið 2026 ásamt tillögu að fjárheimildum fyrir árin 2027-2029 samþykkt.



Samþykkt samhljóða



Davíð Sigurðsson (B-listi) leggur fram eftirfarandi bókun fyrir hönd sveitarstjórnar: Sveitarstjórn Borgarbyggðar leggur hér fram þróttmikla fjárhagsáætlun fyrir árið 2026 og framkvæmdaáætlun og fjárhagsramma fyrir árin 2026-2029.

Áætlun sem endurspeglar eftir sem áður áframhaldandi vilja til uppbyggingar í sveitarfélaginu og eftirfylgni á þeim markmiðum sem lagt var upp með í upphafi kjörtímabilsins sem senn er á enda. En sú áætlun sem hér er lögð fram er jafnframt síðasta fjárhagsáætlun þessa kjörtímabils.

Áætlun fyrir 2026 gerir ráð fyrir 198 m.kr. afgangi af rekstri A-hluta. Áætlun um hagnað hefur lækkað um 36 m.kr. á milli umræðna sem skýrist að mestu af því að nú er gert ráð fyrir lægri arðgreiðslum frá Orkuveitu Reykjavíkur og hækkun á framlögum til íþrótta- og æskulýðsmála, en nýtt fjölnota íþróttahús ? knatthús verður tekið í notkun næsta sumar og þá er ætlunin að hækka framlag sveitarfélagsins til íþróttafélaga í samræmi við nýja íþróttastefnu og samning við UMSB. Áætlunin felur í sér að hagnaður eykst á milli ára fyrst og fremst vegna sterkari tekjugrunns og hagkvæmni í rekstri og því tekst að verja eða styrkja alla grunnþjónustu sveitarfélagsins á milli ára.

Áætlunin felur í sér að skatttekjur sveitarfélagsins aukast um 15% milli ára og verði um 6,5 ma.kr. en að rekstrarhagnaður án afskrifta hækki um 79%. Miðað er við óbreytt hlutfall útsvars og fasteignaskatta og að hækkun gjaldskráa verði í flestum tilfellum 3,9%. Mikil uppbygging stendur yfir á vegum Borgarbyggðar og af þeim sökum hafa skuldir aukist. Því er er nauðsynlegt að verja tekjustofna sveitarfélagsins.

Áætlað er að veltufé frá rekstri verði 692 m.kr. sem samsvarar 9,3% framlegð. Fjárfestingar ársins 2026 eru áætlaðar 2,3 ma.kr. og að heildareignir í A-hluta verði 14,8 ma.kr. í lok árs 2026. Eiginfjárhlutfall í lok árs 2026 er áætlað 44% og skuldahlutföll vel innan allra skynsamlegra og lögbundinna marka.



Uppbygging íþróttamannvirkja og aðstaða til heilsueflingar hefur verið í umræðunni í sveitarfélaginu í áraraðir, mjög lengi. Vilji bæjarbúa og íbúa sveitarfélagsins hefur staðið til þess að efla þá þætti er lúta að lýðheilsu, viðhaldi og uppbyggingu íþróttamannvirkja og við þvi kalli hefur verið brugðist á þessu kjörtímabili. Samhliða því er mikilvægt að sveitarfélagið styðji vel við íþrótta ? og æskylýðsmál og hafa því framlög til þessa málaflokks verið aukin svo um munar. Árið 2026 verður um 10,2% skatttekna varið til íþrótta- og æskulýðsmála samanborið við 8,4% árið 2022. Það samsvarar hækkun framlaga um samtals 280 m.kr. og þar af 100 m.kr. aukning framlaga bara á næsta ári.

Á árinu 2026 verður því eins og á yfirstandandi ári mikil áhersla lögð á uppbyggingu og viðhald mannvirkja til íþrótta, leikja og útivistar í sveitarfélaginu. Hápunkti verður náð þegar nýtt fjölnota íþróttahús verður tekið í notkun næsta sumar. Sú framkvæmd gengur samkvæmt áætlun og útlit er fyrir að starfsemi verði hafin þegar nýtt skólaár hefst haustið 2026.

Á sama tíma er unnið af kappi að hönnun og skipulagi á nýju parkethúsi og endurnýjun á íþróttamiðstöðinni í Borgarnesi og ánægjulegt að heyra þann samhljóm sem hefur skapast um að framkvæmdir við húsið geti hafist árið 2027 og ljúki á árinu 2028.

Árið 2026 verður mikið framkvæmdaár. Í kringum áramót verður lokið við nýbyggingu Grunnskóla Borgarfjarðar á Kleppjárnsreykjum. Sú uppbygging hefur vakið mikla og jákvæða athygli langt út fyrir þetta sveitarfélag og endurspeglar sóknarhug og ríkan vilja Borgarbyggðar til að laða ungt fólk til uppbyggingar í dreifbýlinu.

Framundan er framhaldandi uppbygging stíga, gatnagerð við Kveldúlfshöfða og Bröttugötu og stækkun leikskólans Uglukletts. Forgangsröðun helstu framkvæmda hefur ekki tekið breytingum milli ára og hefur lítið breyst frá upphafi kjörtímabils.

Það er ánægjulegt að geta litið sátt um öxl á að hafa náð þeim meginmarkmiðum sem lagt var upp með á kjörtímabili um stórátak í framboð á íbúða- og atvinnulóðum. Snemma á árinu 2026 er ráðgert að auglýsa fjölda nýrra lóða fyrir íbúðabyggð til úthlutunar við Kveldúlfshöfða. Það bætist við gott framboð lóða á Hvanneyri og fjölda lóða fyrir atvinnustarfsemi á Vallarási þar sem gatnagerð er nú þegar hafin.

Rík áhersla verður lögð á eftirfylgni með kostnaðaráætlunum í tengslum við stórframkvæmdir. Þá er mikilvægt að sveitarfélagið bregðist við og sé reiðubúið að endurskoða áætlanir ef breytingar verða á fjárhagslegum forsendum, kostnaði, vaxtastigi eða öðrum utanaðkomandi þáttum.

Rekstur Borgarbyggðar á yfirstandandi ári og áætlun fyrir árið 2026 endurspeglar að lögð er rík áhersla á að þétta félagslegt net sveitarfélagsins. Þá hefur verulega verið bætt í viðhald húsnæðis og gatna. Fjárfestingaáætlun endurspeglar sterkan vilja til uppbyggingar íþróttamannvirkja og skóla ásamt tækifærum til fjölgunar íbúa með nýjum hverfum.

Þá verður áfram lögð rík áhersla á hagsmunagæslu, ekki síst gagnvart ríkisvaldinu. Mikilvægt er að ríkið sé samstíga sveitarfélaginu í að styrkja þjónustu við íbúa og auka búsetufrelsi.

Sveitarstjórn Borgarbyggðar þakka starfsmönnum sveitarfélagsins fyrir þeirra vinnu og gott samstarf í tengslum við vinnu við fjárhagsáætlun.



Til máls tóku: DS, SG, SÓ og GLE

5. Þjónustustefna Borgarbyggðar 2026

Þjónustustefna Borgarbyggðar 2026 tekin til síðari umræðu.

Þjónustustefna Borgarbyggðar tekin til síðari umræðu



Sveitarstjórn samþykkir þjónustustefnu Borgarbyggðar fyrir árið 2026 og felur sveitarstjóra að birta stefnuna.





Samþykkt samhljóða

6. Tilkynning um kæru nr. 122-2025, íbúðabyggð á Varmalandi

Afgreiðsla byggðarráðs frá fundi nr. 727:"Framlagður úrskurður Úrskurðarnefndar umhverfis- og auðlindamála í máli nr. 122/2025 er varðar ákvörðun sveitarstjórnar Borgarbyggðar frá 8. maí 2025 um að samþykkja breytingu á deiliskipulagi íbúðarbyggðar að Varmalandi.



Framlagður úrskurður Úrskurðarnefndar umhverfis- og auðlindamála í máli nr. 122/2025. Byggðarráð leggur til við skipulags- og byggingarnefnd að auglýsa deiliskipulag fyrir íbúðabyggð á Varmalandi að nýju."

Lagt fram til kynningar





Til máls tók: DS

7. Beiðni um undirskriftasöfnun v. aðalskipulags

Afgreiðsla frá fundi byggðarráðs nr. 729: "Byggðarráð hefur móttekið erindi frá Sól til framtíðar, sem sent er í framhaldi af umfjöllun á fundi samtakanna með byggðarráði þann 27. nóvember sl. Var meðal annars rætt á þeim fundi að mögulegt væri að taka út skýringakort sem ber heitið "Takmarkanir vegna vindorku 1 og 2" í því skyni að koma til móts við sjónarmið samtakanna þar sem þau töldu að kortið væri villandi þar sem ekki stæði til að nýta vindorku á skipulagstímanum. Byggðarráð bauðst til þess þar sem kortið er einungs til upplýsinga sbr. kafla 5.1 í forsenda og umhverfismatsskýrslu. Í erindinu sem barst 4. desember frá samtökunum hafna þau boði sveitarfélagsins og árétta þá afstöðu samtakanna að fram fari íbúakosning að undangenginni undirskriftasöfnunar vegna vindorkuumfjöllunar í aðalskipulagi fyrir Borgarbyggð 2025-2037. Byggðarráð telur erindi Sólar til framtíðar afmarka skýrt að gerð er krafa um að fram fari undirskrifasöfnun í þeim tilgangi að umfjöllun um vindorkunýtingu verði tekin út úr greinargerð með aðalskipulagi 2025-2037. Byggðarráð telur vera þann annmarka á erindi Sólar til framtíðar að sveitarfélaginu er skylt á grundvelli 10. gr. skipulagslaga nr. 123/2010 að fjalla í aðalskipulagi um áherslur þingsályktun um landsskipulagsstefnu 2024-2038. Í áherslum C.2 og C.3 í gildandi landsskipulagsstefnu er skýrt kveðið á um að skipulag skuli fela í sér stefnu um nýtingu vindorkuvera í sátt við umhverfi og samfélag. Byggðarráð telur einnig að sjónarmið samtakanna Sólar til framtíðar séu samhljóma þeirri stefnu sem fram kemur í aðalskipulaginu 2025-2037 þar sem engin vindorkuver eru heimiluð á skipulagstímanum. En m.a. kemur fram á bls 14 í forsenda og umhverfismatsskýrslu aðalskipulagsins "Unnin var stefnumótun fyrir vindorku í sveitarfélaginu og er megin niðurstaða hennar að í aðalskipulagi skuli engin svæði afmörkuð fyrir vindorkuver. Sveitarfélagið mun taka ákvarðanir um vindorkuver þegar þau hafa verið sett í nýtingarflokk rammaáætlunar.? Samkvæmt 3. gr. reglugerðar nr. 155/2013 um undirskriftasafnanir vegna almennra atkvæðagreiðslna samkvæmt sveitarstjórnarlögum skal sveitarstjórn meta hvort ákvæði 3. mgr. 108. gr. sveitarstjórnarlaga hamli því að unnt sé að krefjast almennrar atkvæðagreiðslu um málið og tilkynna ábyrgðaraðila um niðurstöðu sína. Í því tilviki sem hér er til umfjöllunar er það álit byggðarráðs að ekki séu forsendur til þess að hefja undirskriftasöfnun í þeim tilgangi að umfjöllun um vindorkunýtingu verði fjarlægð úr samþykktu aðalskipulagi fyrir Borgarbyggð 2025-2037. í ljósi þess leggur byggðarráð til við sveitarstjórn að hafna beiðni Sólar til framtíðar um að safna undirskriftum í því skyni að fá umfjöllun um vindorkunýtingu fellda út úr greinargerð með aðalskipulagi sveitarfélagsins 2025-2037 sbr. 3. mgr. 108 gr. sveitarstjórnarlaga. Unnt er að kæra þá ákvörðun sveitarstjórnar til innviðaráðuneytisins, sbr. 111. gr. sveitarstjórnarlaga. Samþykkt samhljóða."

Sveitarstjórn staðfestir afgreiðslu byggðarráðs og hafnar því að fram fari söfnun undirskrifta í þeim tilgangi að fella út umfjöllun um vindorkunýtingu úr greinargerð með aðalskipulagi fyrir Borgarbyggð 2025-2037 enda samrýmist það ekki 10. gr. skipulagslaga nr. 123/2010 eða landsskipulagsstefnu. Unnt er að kæra ákvörðunina til innviðaráðuneytisins, sbr. 111. gr. sveitarstjórnarlaga nr. 138/2011.



Samþykkt samhljóða





Til máls tók: SG, DS, SG, DS og SG

8. Vatnsrennibraut við sundlaug í Borgarnesi

Afgreiðsla frá fundi byggðarráðs nr. 729: "Þörf er á endurnýjun rennibrauta við sundlaugina í Borgarnesi. Lögð fram tillaga að tveimur valkostum. Byggðarráð leggur til við sveitarstjórn að láta fara fram útboð eða verðfyrirspurn á afhendingu og uppsetningu endurnýjaðrar rennibrautar í sambærilegri mynd og hún er í dag. Samþykkt samhljóða."

Sveitarstjórn samþykkir að fara í útboð sbr. 12. gr. innkaupareglna Borgarbyggðar og laga nr. 120/2016 um opinber innkaup þar sem endurnýjuð verður plastrennibrautin sjálf en núverandi stálvirki haldið en yfirfarið og endurnýjað að hluta. Endurnýjun fer fram í samræmi við minnisblað Eflu og rennibrautin verður í megindráttum sambærileg þeirri sem fyrir er.



Samþykkt samhljóða

9. Ósk um endurskoðun skólaaksturs í Lundarreykjadal og Bæjarsveit

Afgreiðsla frá fundi byggðarráðs nr. 729: "Byggðarráð leggur til við sveitarstjórn að samþykkja framlagða tillögu að breytingu á skólaakstursleiðinni um Lundarreykjadal og Bæjarsveit í tvær leiðir. Breytingin mun stuðla að því að akstursleið barna sem um lengstan veg þurfa að fara mun styttast verulega. Samþykkt samhljóða."

Sveitarstjórn samþykkir framlagða tillögu að breytingu á skólaakstursleiðinni um Lundarreykjadal og Bæjarsveit þannig að henni verði skipt upp í tvær leiðir.





Samþykkt samhljóða

10. Erindi frá ON til ÚUA um álit á leyfisskyldu v styrkingar jarðvegsstíflu við Andakílsárvirkjun

Afgreiðsla frá fundi byggðarráðs nr. 727: "Framlagður úrskurður Úrskurðarnefndar umhverfis- og auðlindamál dags. 10. nóvember sem er beiðni Orku náttúrunnar ohf. og Orkuveitu Reykjavíkur um að úrskurðað verði um hvort tímabundin styrking jarðvegsstíflu við Andakílsárvirkjun sé háð framkvæmdaleyfi eða byggingarleyfi.



Lagt fram til kynningar."

Lagt fram til kynningar

11. UMSB - samstarfssamningur

Afgreiðsla frá fundi byggðarráðs nr. 728: " Drög að samstarfssamningi milli Borgarbyggðar og UMSB lögð fram. Sonja Lind Eyglóardóttir íþrótta- og tómstundafulltrúi kemur til fundarins undir þessum dagskrárlið.



Byggðarráð vísar drögum að samstarfssamningi við UMSB til umsagnar í fræðslunefnd og leggur fyrir sitt leyti til við sveitarstjórn að samþykkja framlögð drög að samningi og felur sveitarstjóra að gera ráð fyrir fjárhagslegum áhrifum samningsins í fjárhagsáætlun 2026-2029.







Samþykkt samhljóða."

Sveitarstjórn leggur til að afgreiðslu málsins verði frestað þar til á næsta fundi sveitarstjórnar sem fram fer í janúar 2026.



Samþykkt samhljóða

12. Samræmd móttaka flóttafólks

Afgreiðsla fundar byggðarráðs nr. 728:"Framlögð drög að III. viðauka við þjónustusamning milli félags- og húsnæðismálaráðuneytis og sveitarfélags um samræmda móttöku flóttafólks. Hlöðver Ingi Gunnarsson sviðsstjóri fjölskyldusviðs kemur til fundarins og Heiðrún Halldórsdóttir verkefnastjóri í málefnum flóttamanna og situr fundinn undir þessum dagskrárlið.



Byggðarráð leggur til við sveitarstjórn að samþykkja III. viðauka við þjónustusamning um samræmda móttöku flóttafólks sem felur í sér lækkun á heildarfjölda samnings úr 180 einstaklingum í 140. Með þessari breytingu er dregið úr líkum á fjölgun flóttafólks umfram getu sveitarfélagsins og tryggt að eins miklu leyti og hægt er að fjármagn fylgi þeim sem kunna að flytjast á eigin vegum í sveitarfélagið.



Það er jafnframt nauðsynlegt að í öllum samskiptum vegna þessa máls sé vakin athygli og leitað lausna á þessari þungu stöðu sem Borgarbyggð er í vegna fjárhagsaðstoðar. Samhliða samþykkt verði óskað eftir frekari aðgerðum af hálfu ráðuneyta og stofnana ríkisins til að leysa málið og leiðrétta fjárhagsleg áhrif sem sveitarfélagið hefur orðið fyrir.



Samþykkt samhljóða."

Sveitarstjórn staðfestir afgreiðslu byggðarráðs og samþykkir III. viðauka við þjónustusamning um samræmda móttöku flóttafólks sem felur í sér lækkun á heildarfjölda samnings úr 180 einstaklingum í 140.



Samþykkt samhljóða

13. Krafa vegna verklauna

Afgreiðsla frá fundi byggðarráðs nr. 729: "Lögð fram stefna frá Primis ehf. vegna verklauna í tengslum við gjaldþrotaskipti Lands og verks ehf.



Framlagt og felur byggarráð LEX lögmannsstofu að gæta hagsmuna sveitarfélagsins í málinu.



Samþykkt samhljóða."

Stefna frá Primis ehf. lögð fram og Arnari Þór Stefánssyni og Fjölni Ólafssyni lögmönnum hjá Lex lögmannsstofu falið að gæta hagsmuna sveitarfélagsins í málinu.



Samþykkt samhljóða

14. Brákarey-Skipulagsmál

Afgreiðsla frá fundi byggðarráðs nr. 729: "Byggðarráð felur sveitarstjóra að ganga til samningaviðræðna við PWC í samræmi við verkefnatillögu og leggja fram samning til staðfestingar í sveitarstjórn enda rúmast verkefnið innan fjárheimilda. Fjárhæðir eru undir viðmiðum sbr. 12. gr. innkaupastefnu Borgarbyggðar. Samþykkt samhljóða."

Sveitarstjórn staðfestir afgreiðslu byggðarráðs og fyrirliggjandi verksamning við PricewaterhouseCoopers ehf. um ráðgjöf vegna uppbyggingar í Brákarey og Sveitarstjóra falið að undirrita samning.



Samþykkt samhljóða

15. Tilnefning frá byggðarráði til heiðurslauna listamanna

Afgreiðsla frá fundi byggðarráðs nr. 729: " Allsherjar- og menntamálanefnd Alþingis hefur auglýst eftir tilnefningum til heiðurslauna listamanna. Byggðarráð Borgarbyggðar hefur sent tilnefningu í sínu nafni.



Byggðarráð Borgarbyggðar tilnefnir Pál Guðmundsson frá Húsafelli til heiðurslauna listamanna.Páll fæddist árið 1959 á Húsafelli. Hann lauk námi frá málaradeild Myndlista- og handíðaskóla Íslands 1981 og nam höggmyndalist við Listaháskólann í Köln 1985-86.



Páll ólst upp að Húsafelli, þar sem sem mætast skógur og hraun, lindár og jökulár, heimur trölla, huldufólks, dýra og manna. Páll flutti heim þegar námi lauk og hefur alla tíð síðan stundað list sína frá Húsafelli. Páll er fjölhæfur listamaður og hefur t.d. fengist við myndlist, höggmyndalist og hljóðfærasmíði.



Í samtals 45 ár hefur Páll hefur haldið fjölda einkasýninga og samsýninga með öðrum listamönnum og hann hefur verið viðfangsefni bóka og heimildarmynda. Liðlega 20 höggmyndir eftir Pál prýða garða og torg víða um heim og auk fjölda höggmynda í náttúrunni við Húsafell og nágrenni.



Páll er einn merkasti listamaður Íslands, einstakur og verk hans auðþekkjanleg. Þau eru órjúfanlega tengd íslenskri náttúru og sögulegri arfleifð. Þau endurspegla mikla virðingu fyrir landinu og djúpa næmni fyrir svipmyndum fólks og náttúru. Verk hans prýða almenningsrými, kirkjur, tónlistarhús og heimili. Verk hans eru hluti af sjálfsmynd þjóðarinnar og vefa saman sögu, nátttúru og mannlíf. Verk Páls eru heimur út af fyrir sig. Þannig er steinharpa Páls sjálfstæður hljóðheimur og dæmi um einstæða sköpunargáfu. Hún er listaverk og hljóðfæri sem getið hefur af sér samstarf við fremsta tónlistarfólk heims.



Þó verk Páls prýði söfn og torg víða um heim og hann sé öðrum íslenskum og alþjóðlegum listamönnum innblástur þá er Páll hógvær sveitamaður og náttúrubarn.



Páll er framúrskarandi frumkvöðull í listsköpun. Hann er fyrirmynd og innblástur sem á rætur sínar í landinu, sögunni og jörðinni.



Páll Guðmundsson á Húsafelli er verðugur heiðurslauna listamanna.

Sveitarstjórn staðfestir afgreiðslu byggðarráðs og tilnefnir Pál Guðmundsson frá Húsafelli til heiðurslauna listamann. Sveitarstjórn tekur undir með byggðarráði að Páll sé sannaralega verðugur fulltrúi til að hljóta heiðurslaunin.





Samþykkt samhljóða

16. Vegir í náttúru Íslands

Afgreiðsla 81. fundar skipulags- og byggingarnefndar: "Skipulags- og byggingarnefnd leggur til við sveitarstjórn að samþykkja tillögu sveitarfélagsins um kortlagningu vega í náttúru Íslands, með fyrirvara um samþykki Náttúruverndarstofnunar.

Samþykkt samhljóða."

Sveitarstjórn staðfestir afgreiðslu skipulag- og byggingarnefndar og samþykkir tillögu sveitarfélagsins um kortlagningu vega í náttúru Íslands.



Samþykkt samhljóða

17. Galtarholt 3 L135043 - Deiliskipulag

Afgreiðsla 81. fundar skipulags- og byggingarnefndar: "Skipulags- og byggingarnefnd leggur til við sveitarstjórn að fallast að hluta á athugasemdir Skipulagsstofnunar varðandi deiliskipulag Galtarholts 3. Skipulags- og byggingarnefnd telur að breytingin sé í samræmi við gildandi aðalskipulag Borgarbyggðar en ferli nýs deiliskipulags Galtarholts 3 staðið yfir í langan tíma og hefur verið unnið í samræmi við gildandi aðalskipulag. Samþykkt samhljóða."

Sveitarstjórn fellst að hluta til á athugasemdir Skipulagsstofnunar varðandi deiliskipulag Galtarholts 3 í Borgarbyggð. Sveitarstjórn fellst ekki á þá athugasemd að bíða skuli með gildistöku deiliskipulagstillögunnar þar til endurskoðað aðalskipulag Borgarbyggðar 2025-2037 hefur tekið gildi af þeirri ástæðu að vinnsla deiliskipulagsins hefur staðið yfir í langan tíma og unnið í samræmi við gildandi aðalskipulag.



Samþykkt samhljóða





Til máls tók: DS

18. Aðalskipulag - Endurskoðun - Vinnslutími

Afgreiðsla 81. fundar skipulags- og byggingarnefndar: "Skipulags- og byggingarnefnd leggur til við sveitarstjórn að samþykkja endurskoðað Aðalskipulag 2025-2037 skv. 32. gr. skipulagslaga nr. 123/2010 til staðfestingar.

Skipulagsfulltrúa er falið að láta uppfæra gögnin í samræmi við umræður á fundi að undangengnu samráði við Skipulagsstofnun og leggja fyrir sveitarstjórn. Samþykkt samhljóða."

Sveitarstjórn samþykkir endurskoðað aðalskipulag Borgarbyggðar 2025-2037 skv. 32. gr. skipulagslaga 123/2010 til staðfestingar með þeim breytingum sem samþykktar voru á fundi skipulags- og byggingarnefndar sem gerðar voru eftir yfirferð Skipulagsstofnunar. Skrá yfir vegi í náttúru Íslands hefur verið samþykkt af sveitarstjórn.



Samþykkt samhljóða

19. Brákarey Deiliskipulag

Afgreiðsla 81. fundar skipulags- og byggingarnefndar: "Skipulags- og byggingarnefnd, sem fer með fullnaðarafgreiðsluvald sveitarstjórnar skv. samþykkt um stjórn Borgarbyggðar, leggur til við sveitarstjórn að samþykkja lýsingu til auglýsingar fyrir Brákarey skv. 3. mgr. 40. gr. skipulagslaga 123/2010.

Samþykkt samhljóða."

Sveitarstjórn samþykkir lýsingu til auglýsingar fyrir Brákarey skv. 3. mgr. 40. gr. skipulagslaga 123/2010.



Samþykkt samhljóða

20. Krumshólapartur 2_Umsókn um deiliskipulag

Afgreiðsla 81. fundar skipulags- og byggingarnefndar: "Skipulags- og byggingarnefnd leggur til við sveitarstjórn að samþykkja framlagt deiliskipulag skv. 42. gr. skipulagslaga 123/2010 með þeim breytingum sem gerðar voru með tilliti til umsagna og athugasemda sem bárust á kynningartíma en breyta ekki auglýstri tillögu í grundvallaratriðum. Samþykkt samhljóða."

Sveitarstjórn samþykkir framlagt deiliskipulag skv. 42. gr. skipulagslaga 123/2010 með þeim breytingum sem gerðar voru með tilliti til umsagna og athugasemda sem bárust á kynningartíma en breyta ekki auglýstri tillögu í grundvallaratriðum.



Samþykkt samhljóða

21. Urriðaá - breyting á deiliskipulagi

Afgreiðsla 81. fundar skipulags- og byggingarnefndar: "Skipulags- og byggingarnefnd leggur til við sveitarstjórn að samþykkja framlagða deiliskipulagsbreytingu skv. 42. gr. skipulagslaga 123/2010 með þeim breytingum sem gerðar voru með tilliti til athugasemdar sem barst á kynningartíma en breyta

ekki auglýstri tillögu í grundvallaratriðum.

Skipulags- og byggingarnefnd felur skipulagsfulltrúa að svara framkomnum athugasemdum. Samþykkt samhljóða."

Sveitarstjórn samþykkir framlagða deiliskipulagsbreytingu skv. 42. gr. skipulagslaga 123/2010 með þeim breytingum sem gerðar voru með tilliti til umsagna og athugasemda sem bárust á kynningartíma en breyta ekki auglýstri tillögu í grundvallaratriðum.



Samþykkt samhljóða

22. Hraunsás - umsókn um deiliskipulag - 204514

Afgreiðsla 81. fundar skipulags- og byggingarnefndar: "Skipulags- og byggingarnefnd leggur til við sveitarstjórn að samþykkja til auglýsingar tillögu að nýju deiliskipulagi fyrir Hraunsás III í Borgarbyggð. Lagður er fram uppdráttur dags. 06.11.2025. Málsmeðferð verður samkvæmt 41. gr. skipulagslaga nr. 123/2010.

Samþykkt samhljóða."

Sveitarstjórn samþykkir framlagða tillögu að deiliskipulagi til auglýsingar. Lagður er fram uppdráttur dags. 06.11.2025. Málsmeðferð verður samkvæmt 41. gr. skipulagslaga 123/2010.



Samþykkt samhljóða

23. Tímasetning næsta sveitarstjórnarfundar

Lögð fram tillaga um að næsti sveitarstjórnarfundur fari fram 15. janúar 2026.

Sveitarstjórn samþykkir að næsti reglulegi fundur sveitarstjórnar í janúar fari fram 15. janúar nk.





Samþykkt samhljóða

24. Kvörtun vegna stjórnsýslu_ IRN25100088

Afgreiðsla frá fundi byggðarráðs nr. 729:"Framlögð umsögn Borgarbyggðar til innviðaráðuneytisins vegna erindis sem ráðuneytinu barst vegna meintrar ólögmætrar stjórnsýslu. Guðveig Lind Eyglóardóttir og Kristján Rafn Sigurðsson fóru af fundi.



Framlögð drög að umsögn og sveitarstjóra falið að fullvinna og senda til ráðuneytisins."

Sveitarstjórn staðfestir afgreiðslu byggðarráðs og umsögn sem send var til Innviðaráðuneytisins.



Samþykkt með 7 atkvæðum



Til máls tók: SG



GLE og EÓT viku af fundi undir umræðum og afgreiðslu á þessum lið.

25. Byggðarráð Borgarbyggðar - 727

Fundargerð framlögð

26. Byggðarráð Borgarbyggðar - 728

Fundargerð framlögð

27. Byggðarráð Borgarbyggðar - 729

Fundargerð framlögð

28. Fræðslunefnd Borgarbyggðar - 247

Fundargerð framlögð



SÓ tók til máls um lið 7 og 5

EÓ tók til máls undir lið 7

29. Fræðslunefnd Borgarbyggðar - 248

Fundargerð framlögð

30. Skipulags- og byggingarnefnd Borgarbyggðar - 81

Fundargerð framlögð

31. Umhverfis- og landbúnaðarnefnd - 83

Fundargerð framlögð





SG tók til máls undir lið 5

DS tók til máls undir lið 4

SÓ tók til máls undir lið 5 og 4

EÓT tók til máls undir lið 5

SÓ tók til máls undir lið 5

TDH tók til máls undir lið 1

SÓ tók til máls undir lið 1

32. Fjallskilanefnd Oddsstaðaréttar - 55

Fundargerð framlögð

33. Umsjónarnefnd fólkvangsins í Einkunnum - 92

Fundargerð framlögð

34. Fjallskilanefnd Þverárréttar - 76

Fundargerð framlögð





DS tók til máls um lið 1

SÓ tók til máls um lið 1

TDH tók til máls um lið 1

DS tók til máls um lið 1