Skipulags- og byggingarnefnd Borgarbyggðar

1. Breyting á deiliskipulagi - Íþróttasvæðið í Borgarnesi

Lögð er fram ósk skipulagsfulltrúa um heimild til að breyta deiliskipulagi íþróttasvæðis í Borgarnesi frá árinu 2025.

Áformað er að breyta deiliskipulagi til að aðlaga deiliskipulagið að fyrirhugaðri uppbyggingu íþróttamannvirkja.

Skipulags- og byggingarnefnd heimilar skipulagsfulltrúa að láta vinna breytingu á deiliskipulagi íþróttasvæðis í Borgarbyggð.

Samþykkt samhljóða.

2. Umsókn um deiliskipulag

Lögð er fram fyrirspurn um heimild til að breyta deiliskipulagi Niðurskóga í landi Húsafells í Borgarbyggð fyrir lóðina Hraunbrekkur 35 (L195349). Fyrirhugað er stækka frístundahús sem fyrir er á lóðinni um 80m² og byggja 50m² bílskúr. Fyrir á lóðinni er 121,3m² frístundahús auk 11,1m² baðhús. Eftir breytingu verður stærð frístundahúss 201,3m².

Á svæðinu er í gildi deiliskipulag þar sem heimilt er að byggja allt að 150m² frístundahús að meðtalinni geymslu. Ekki er heimilt að byggja bílskúra. Áður hafa verið gerðar breytingar á deiliskipulagi svæðisins þar sem byggingarmagn hefur verið aukið í 230m² á skilgreindum lóðum. Enn er óheimilt að byggja bílskúr.

Skipulags- og byggingarnefnd ítrekar fyrri bókun nefndarinnar varðandi deiliskipulag Niðurskóga frá fundi nr. 56 þann 04.09.2023 þar sem kom fram: "Skipulags- og byggingarnefnd fer þess á leit við landeiganda að ekki verði gerðar frekari breytingar á deiliskipulagi fyrir Niðurskóga í landi Húsafells III, heldur verði deiliskipulagið endurskoðað í heild."

Skipulags- og byggingarnefnd, sem fer með fullnaðarafgreiðsluvald sveitarstjórnar skv. samþykkt um stjórn sveitarstjórnar, heimilar að gerð verði breyting á deiliskipulagi í samræmi við breytingar sem gerðar hafa verið fyrir lóðirnar Hraunbrekkur 33 og 34. Áfram verður ekki heimilað að byggja bílskúr á lóðunum.

Samþykkt samhljóða.

3. Hraunsás - umsókn um deiliskipulag - 204514

Lögð er fram tillaga að nýju deiliskipulagi fyrir Hraunsás III (L204514) í Borgarbyggð. Tillagan tekur til 19ha landsvæðis austur af jörðinni Hraunsás. Áformað er að byggja 25 gistihús ásamt þjónustuhúsi. Gistihúsin verða á fjórum lóðum. Byggingarmagn 1.950m² og lóðirnar eru samtals 56.024m². Framkvæmdum á svæðinu verður skipt í þrjá áfanga.

Í endurskoðuðu aðalskipulagi Borgarbyggðar er svæðið með landnotkun verslun- og þjónusta og samræmist deiliskipulagið því. Stefnt er á að deiliskipulagið muni verða staðfest þegar endurskoðað aðalskipulag Borgarbyggðar 2025-2037 hefur verið staðfest.

Lagður er fram uppdráttur dags. 06.11.2025.

Tillaga deiliskipulagsins var áður auglýst í skipulagsgátt frá 06.03.25-19.04.25 en hefur breyst töluvert frá því ferli og er því auglýst að nýju.

Skipulags- og byggingarnefnd leggur til við sveitarstjórn að samþykkja til auglýsingar tillögu að nýju deiliskipulagi fyrir Hraunsás III í Borgarbyggð. Lagður er fram uppdráttur dags. 06.11.2025. Málsmeðferð verður samkvæmt 41. gr. skipulagslaga nr. 123/2010.

Samþykkt samhljóða.

4. Umsókn um deiliskipulag

Breyting á deiliskipulagi Urriðaár hefur verið auglýst samkvæmt 41.gr. skiplagslaga 123/2010. Kynningartími var frá 13.10.25 - 12.11.25 og óskað eftir umsögnum lögbundinna umsagnaraðila. Athugasemdir bárust frá einum aðila.

Lagður er fram uppfærður uppdráttur og greinargerð dags. 24.11.25 þar sem brugðist hefur verið við þeirri athugasemd sem barst á kynningartíma.

Skipulags- og byggingarnefnd leggur til við sveitarstjórn að samþykkja framlagða deiliskipulagsbreytingu skv. 42. gr. skipulagslaga 123/2010 með þeim breytingum sem gerðar voru með tilliti til athugasemdar sem barst á kynningartíma en breyta ekki auglýstri tillögu í grundvallaratriðum.

Skipulags- og byggingarnefnd felur skipulagsfulltrúa að svara framkomnum athugasemdum.

Samþykkt samhljóða.

5. Galtarholt 3 L135043 - Deiliskipulag

Lagt er fram bréf Skipulagsstofnunar dags. 01.11.2025 þar sem stofnunin telur að form- eða efnisgallar séu á deiliskipulagi Galtarholts 3 sem var sent þann 17.10.2025.

Meðfylgjandi er uppfærður uppdráttur og greinargerð dags. 20.12.2025 m.s.br. 26.11.2025 þar sem tekið hefur verið tillit til athugasemda Skipulagsstofnunar.

Skipulags- og byggingarnefnd leggur til við sveitarstjórn að fallast að hluta á athugasemdir Skipulagsstofnunar varðandi deiliskipulag Galtarholts 3. Skipulags- og byggingarnefnd telur að breytingin sé í samræmi við gildandi aðalskipulag Borgarbyggðar en ferli nýs deiliskipulags Galtarholts 3 staðið yfir í langan tíma og hefur verið unnið í samræmi við gildandi aðalskipulag.

Samþykkt samhljóða.

6. Krumshólapartur 2_Umsókn um deiliskipulag

Nýtt deiliskipulag Krumshólaparts 1 og 2 hefur verið auglýst samkvæmt 41.gr. skiplagslaga 123/2010. Kynningartími var frá 15.09.25-31.10.25 og óskað eftir umsögnum lögbundinna umsagnaraðila. Athugasemdir bárust frá 1 aðila og ábendingar frá 3 aðilum sem tekið hefur verið tillit til. Minjastofnun hefur farið yfir fornleifaskráningu svæðisins og gerir ekki athugasemdir við deiliskipulagið. Kafla 1.4 hefur verið breytt til samræmis við niðurstöðu skráningarinnar.

Lagður er fram uppdráttur og greinargerð dags. 25.08.2025 m.s.br 28.11.2025 eftir auglýsingu tillögu.

Skipulags- og byggingarnefnd leggur til við sveitarstjórn að samþykkja framlagt deiliskipulag skv. 42. gr. skipulagslaga 123/2010 með þeim breytingum sem gerðar voru með tilliti til umsagna og athugasemda sem bárust á kynningartíma en breyta ekki auglýstri tillögu í grundvallaratriðum.

Samþykkt samhljóða.

7. Brákarey Deiliskipulag

Lögð er fram lýsing að deiliskipulagi fyrir Brákarey. Deiliskipulagssvæðið er 2,4ha og nær yfir Brákarey í Borgarnesi. Deiliskipulagssvæðið felur í sér heildarendurskoðun á landnotkun innan Brákareyjar og tekur til allra þátta sem lúta að uppbyggingu, umhverfis, samgöngum og tengslum við aðliggjandi svæði. Aðkoma að

svæðinu er í gegnum Brákarbraut sem liggur yfir eyjuna og tengist Borgarbraut landmegin. Markmið deiliskipulagsins er að skapa aðlaðandi og vistvæna blandaða byggð þar sem íbúðir,

þjónusta, verslun, ferðaþjónusta og opin svæði mynda lifandi heild. Brákarey á að verða nýr samkomustaður bæjarbúa, aðdráttarafl fyrir gesti og kennileiti sem eykur ásýnd og ímynd Borgarness. Hönnuður er á lista Skipulagsstofnunar yfir samþykkta ráðgjafa.

Skipulags- og byggingarnefnd, sem fer með fullnaðarafgreiðsluvald sveitarstjórnar skv. samþykkt um stjórn Borgarbyggðar, leggur til við sveitarstjórn að samþykkja lýsingu til auglýsingar fyrir Brákarey skv. 3. mgr. 40. gr. skipulagslaga 123/2010.

Samþykkt samhljóða.

8. Tilkynning um kæru nr. 122-2025, íbúðabyggð á Varmalandi

Afgreiðsla frá fundi byggðarráðs nr. 727: "Framlagður úrskurður Úrskurðarnefndar umhverfis- og auðlindamála í máli nr. 122/2025. Byggðarráð leggur til við skipulags- og byggingarnefnd að auglýsa deiliskipulag fyrir íbúðabyggð á Varmalandi að nýju. Samþykkt samhljóða."

Skipulags- og byggingarnefnd felur skipulagsfulltrúa að gera breytingar á tillögu deiliskipulags íbúðarbyggðar á Varmalandi í samræmi við niðurstöðu Úrskurðarnefndar umhverfis- og auðlindamála og leggur til við sveitarstjórn að samþykkja framlagða tillögu að breytingu á deiliskipulagi til auglýsingar.

Málsmeðferð verður samkvæmt 41. gr. skipulagslaga nr. 123/2010.

Samþykkt samhljóða.

9. Syðstu-Fossar - umsókn um framkvæmdarleyfi - 133909

Á 77. fundi skipulags- og byggingarnefndar þann 06.06.2025 var samþykkt að grenndarkynna framkvæmdaleyfi frá Cowi fyrir hönd landeiganda að Syðstu-Fossum í Borgarbyggð. Grenndarkynnt var fyrir nágrönnum sem hagsmuna eiga að gæta og öðrum hagsmunaaðilum í gegnum skipulagsgátt. Kynningartíminn var frá 18.07.25-24.08.25. Athugasemdir bárust frá 5 aðilum á kynningartíma.

Skipulags- og byggingarnefnd telur að ekki sé hægt að draga aðra ályktun en að framkomin gögn hafi verið misvísandi eins og fram hefur komið í athugasemdum við grenndarkynningu og fer nefndin því fram á að framkvæmdaraðili sendi inn uppfærð gögn og málið grenndarkynnt að nýju.

Samþykkt samhljóða.

10. Aðalskipulag - Endurskoðun - Vinnslutími

Endurskoðað Aðalskipulag Borgarbyggðar 2025-2037.

Skipulagsstofnun hefur lokið yfirferð sinni á endurskoðun aðalskipulags Borgarbyggðar og hefur sveitarfélaginu borist niðurstaðan.

Lögð fram drög að svörum við yfirferð Skipulagsstofnunar.

Skipulags- og byggingarnefnd leggur til við sveitarstjórn að samþykkja endurskoðað Aðalskipulag 2025-2037 skv. 32. gr. skipulagslaga nr. 123/2010 til staðfestingar.

Skipulagsfulltrúa er falið að láta uppfæra gögnin í samræmi við umræður á fundi að undangengnu samráði við Skipulagsstofnun og leggja fyrir sveitarstjórn.

Samþykkt samhljóða.

11. Vegir í náttúru Íslands

Á fundi sveitarstjórnar 9. október 2025 samþykkti hún endurskoðað aðalskipulag Borgarbyggðar 2025-2037 skv. 32. gr. skipulagslaga 123/2010 til staðfestingar með þeim breytingum sem samþykktar voru á fundi skipulags- og byggingarnefndar. Samhliða vinnu við aðalskipulag Borgarbyggðar var unnin tillaga sveitarfélagsins að skrá í stafrænum kortagrunni um vegi í náttúru Íslands, öðrum en þjóðvegum, þar sem umferð vélknúinna ökutækja er heimil, sbr. 2. mgr. 7. gr. vegalaga, nr. 80/2007. Samhliða staðfestingu aðalskipulags mun sveitarfélagið senda Skipulagsstofnun tillögu sína.

Samþykki Vegagerðarinnar á tengingum við þjóðvegi og á stafrænum gögnum liggur fyrir.

Skipulags- og byggingarnefnd leggur til við sveitarstjórn að samþykkja tillögu sveitarfélagsins um kortlagningu vega í náttúru Íslands, með fyrirvara um samþykki Náttúruverndarstofnunar.

Samþykkt samhljóða.

12. Umsókn um styrk úr skipulagssjóði

Lögð er fram beiðni skipulagsfulltrúi fyrir heimild til að óska eftir styrk í skipulagssjóð fyrir vinnu við endurskoðun aðalskipulags Borgarbyggðar 2025-2037.

Skipulags- og byggingarnefnd felur skipulagsfulltrúa að sækja um styrk í skipulagssjóð og vísar til endanlegrar afgreiðslu hjá sveitarstjórn.

Samþykkt samhljóða.

13. Breyttur fundartími Skipulags- og byggingarnefndar

Skipulags- og byggingarnefnd leggur til að næsti fundur verði þann 9. janúar kl 8:30.

Skipulags- og byggingarnefnd samþykkir breyttan fundartíma næsta fundar nefndarinnar.

Samþykkt samhljóða.

14. Afgreiðslufundur byggingarfulltrúa - 253

15. Afgreiðslufundur skipulagsfulltrúa - 65

16. Afgreiðslufundur skipulagsfulltrúa - 66