Afgreiðslufundur skipulagsfulltrúa

66. fundur

25. nóvember 2025 kl. 11:30 - 12:00

í fundarsal að Digranesgötu 2

Nefndarmenn

Drífa Gústafsdóttir - skipulagsfulltrúi
Ásgerður H Hafsteinsdóttir - verkefnisstjóri
Pétur Már Sigurðsson - starfsmaður

Starfsmenn

Fundargerð ritaði: Ásgerður Hafsteinsdóttir - Verkefnastjóri

Dagskrá

1. Fjóluklettur - Umsókn um framkvæmdaleyfi
2511150

Lögð er fram umsókn Borgarbyggðar dags. 19.11.2025 um framkvæmdaleyfi vegna fyrihugaðra framkvæmda við Fjóluklett í Borgarnesi.

Framkvæmdin felur í sér gerð nýrrar götu og tveggja botnlanga við Fjóluklett í Borgarnesi.

Framkvæmdin er gerð á grundvelli deiliskipulags og felur í sér framhald á núverandi götu við Fjóluklett sem tengist Sóleyjarkletti.

Götustæðum verður jarðvegsskipt og lagt styrktarlag og burðarlag.

Götur og gangstéttar verða malbikaðar og kantsteinar steyptir.

Lagnir: fráveita, vatnsveita, hitaveita, fjarskiptalagnir.

Ljósastaurar verða reistir í samræmi við hönnun.

Verktaki mun losa laus jarðlög/mold að heild 6000m3 og mynda mön annarsvegar fyrir ofan plan við Egilsholt 2 og hinsvegar sunnan megin við Fjóluklett 22 og meðfram komandi vegi við Fjóluklett 24.

Verktaki mun fylla í svæði ofan við mön upp að klöpp til að koma í veg fyrir vatnssöfnun.

Verklok eru áætluð 30. október 2026.

Í aðalskipulagi er svæðið í notkunarflokki íbúðarbyggð. Deiliskipulag er á svæðinu og samræmist framkvæmdin því.

DRÖG.. Skipulagsfulltrúi, sem fer með fullnaðarafgreiðsluvald sveitarstjórnar skv. samþykkt um stjórn Borgarbyggðar, samþykkir útgáfu framkvæmdaleyfis vegna gatnagerðar við Fjóluklett með vísan til framlagðra gagna og gildandi deiliskipulags. Leiðbeiningar og skilyrði varðandi þær framkvæmdir sem sótt er um og eru á valdi skipulagsfulltrúa munu koma fram í framkvæmdaleyfi. Sýnt er að framkvæmdin varðar ekki hagsmuni annarra en sveitarfélagsins. Málsmeðferð verður skv. 3. mgr. 44. gr. skipulagslaga 123/2010.


2. Hamar 135401 - ums?kn um framkv?mdarleyfi - 135401
2511018

Lögð er fram umsókn Golfklúbbs Borgarness dags. 05.11.2025 um framkvæmdaleyfi vegna uppbyggingar og breytinga á Hamarsvelli. (L135401). Fyrirhugað er að gera nýjar golfbrautir sem kæmu í stað þeirra sem eru innan veghelgunarsvæðis Vegagerðarinnar ef þær þurfa að víkja. Fyrirhugað framkvæmdasvæði er 12-15ha. Taka rúmmetra sem settur yrði á svæðið er aðeins breytilegt en búast má við að hækkun gæti orðið allt frá 50cm til 3-6m til að móta landslag fyrir golfbrautirnar.

Uppbygging tekur 4-6 ár og reiknað er með að byrja sem fyrst og framkvæmd ljúki 2030-2032.

Í endurskoðuðu aðalskipulagi Borgarbyggðar er svæði fyrir golfvöll stækkað og verður framkvæmdasvæðið innan skilgreinds íþróttasvæðis. Ekkert deiliskipulag er á svæðinu.

Skipulagsfulltrúi, sem fer með fullnaðarafgreiðsluvald sveitarstjórnar skv. samþykkt um stjórn Borgarbyggðar, samþykkir að taka til afgreiðslu framkvæmdaleyfi vegna uppbyggingar og breytinga á Hamarsvelli með vísan til framlagðra gagna að undangenginni grenndarkynningu í samræmi við 44. gr. skipulagslaga 123/2010. Kynnt verður fyrir landeigendum Einarsness og Bjargs og leitað umsagna lögbundinna umsagnaraðila í gegnum skipulagsgátt.





Fylgiskjöl

3. Fannholt - umsokn um framkvæmdarleyfi - 235601
2511124

Lögð er fram endurnýjun á umsókn um framkvæmdaleyfi fyrir skógrækt í landi Fannholts í Borgarbyggð (L235601).

Fyrirhuguð er skógrækt á 24,3ha svæði innan 45,1ha verkefnasvæðis. Framkvæmdaleyfi var áður gefið út dags. 9. september 2024 en framkvæmdirnar hafa ekki hafist innan gildistíma þess leyfis.

Athugasemdum umsagnaraðila var svarað eftir að grenndarkynning fór fram í fyrra ferli máls. Fornleifaskráning hefur verið framkvæmd á svæðinu og fannst einn minjastaður sem settur hefur verið inn á kort.

Skipulagsfulltrúi, sem fer með fullnaðarafgreiðsluvald sveitarstjórnar skv. samþykkt um stjórn Borgarbyggðar, samþykkir útgáfu framkvæmdaleyfis vegna skógræktar í landi Fannholts (L235601) með vísan til framlagðra gagna þegar gögnum sem tilgreind eru í leiðbeiningum sveitarfélagsins varðandi framkvæmdarleyfi til skógræktar hefur verið skilað inn.

Sýnt er að framkvæmdin hefur ekki breyst frá fyrra ferli og því ekki þörf á að grenndarkynna framkvæmdina.

Málsmeðferð verður skv. 3. mgr. 44. gr. skipulagslaga 123/2010.



Fylgiskjöl

Fundi slitið - kl. 12:00