Umhverfis- og landbúnaðarnefnd

1. Ráðgjöf í sorpmálum

Kynning á úttekt á sorpmálum í Borgarbyggð frá Pure north.



Sigurður Halldórsson frá Pure north komu til fundarins og kynntu skýrslu um úrgangsmál í Borgarbyggð.

Umhverfis- og landbúnaðarnefnd þakkar Sigurði fyrir góða kynningu.

2. Netalagnir við Borgarnes

Skoðaðir samningar um netalagnir sem hafa verið heimilar í sjó við Borgarnes.

Umhverfis- og landbúnaðarnefnd felur starfsmanni að afla fekari gagna.

3. Umsóknir um styrki úr Framkvæmdasjóði ferðamannastaða 2025

Val á hugmyndum að umsóknum í Framkvæmdasjóð ferðamannastaða fyrir árið 2025.

Umhverfis- og landbúnaðarnefnd felur starfsmanni að vinna málið áfram í samræmi við hugmyndir nefndarinnar og senda inn umsóknir.

4. Umhverfisviðurkenningar 2025

Farið yfir tilnefningar til umhverfisviðurkenninga.

Umhverfis- og landbúnaðarnefnd samþykkir að fara í vetvangsferð í seinni hluta septembermánaðar og velja verðlaunahafa.

5. Hreinsunarátök 2025

Rætt um fyrirkomulag söfnunar brotajárns í dreifbýli haustið 2025.

Starfsmanni nefndar falið að senda út verðfyrispurn fyrir söfnun brotajárns í dreifbýli 2025. Stefnt að því að söfnun verði með sama hætti og síðasta ár.

6. Umhverfis- og landbúnaðarmál ágúst 2025

Farið yfir helstu verkefni sem hafa verið á döfinni hjá umhverfisfulltrúa.

7. Hundagerði við Kjartansgötu

Hundagerði hefur verið reist á opnu svæði við enda Kjartansgötu í Borgarnesi.

Umhverfis- og landbúnaðarnefnd ræddi um hundagerði sem reist var án heimildar frá nefndinni. Nefndin vill árétta að ekki hefur farið fram umræða í nefndinni um stefnu varðandi opin svæði og hundagerði. Ekki liggur fyrir stefna í málaflokknum um hvort fjölga eigi hundagerðum eða staðsetningu þeirra.

Umhverfis- og landbúnaðarnefnd ákveður að hundagerðið verði fjarlægt.