Fjallskilanefnd Oddsstaðaréttar

53. fundur

28. maí 2025 kl. 20:30 - 22:30

Hellur, Bæjarsveit

Nefndarmenn

Ragnhildur Eva Jónsdóttir - formaður
Haraldur Sigurðsson - varaformaður
Unnsteinn S. Snorrason - aðalmaður

Starfsmenn

Fundargerð ritaði: Ragnhildur Eva Jónsdóttir - Formaður

Dagskrá

1. Leitir og réttir 2025
2505266

Umræður um leitir og réttir haustið 2025

Fjallskilanefnd Oddsstaðaafréttar óskar eftir heimild til að flýta fyrri leit haustið 2025. Fyrri leit verði þriðjudaginn 2. september og fyrri Oddsstaðarétt miðvikudaginn 3. september. Óskað er eftir staðfestingu sveitarstjórnar og að sveitarstjórn leggi tillöguna fyrir stjórn fjallskilaumdæmis Akraneskaupstaðar, Borgarbyggðar, Hvalfjarðarsveitar og Skorradalshrepps til ákvörðunar.

Ástæður beiðninnar eru einkum þær að fjárhagslega getur verið mun hagstæðara fyrir bændur að fá fé sitt fyrr heim þar sem töluverður munur er á álagsgreiðslum milli vikna í september. Einnig telja bændur allar líkur á því að gróður verði farinn að falla á þeim tíma sem réttir eru samkvæmt skipulagi og þar af leiðandi hætta á stöðnun í vexti lamba. Allir bændur sem reka fé á afrétt eru einhuga um að færa smalamennskur um viku auk þess sem enginn aðili sem þarf að leggja til mannskap í leitir setur sig á móti breytingunum. Seinni leitir og réttir haldist óbreyttar.



Samþykkt samhljóða.


2. Landbótaáætlun
2505267

Rætt um gildandi Landbótaáætlun sem rennur út 31. desember 2025.

Hugað að og rætt um endurnýjun landbótaáætlunar.



Framlagt.


3. Afréttargirðing
2505268

Rætt um girðingar.

Farið verður með afréttargirðingu fyrstu vikuna í júní. Endurnýjunar er þörf á girðingu frá Reyðarlæk að Reyðarvatni. Einnig þarf að endurnýja hliðgrindur við innrekstrargang Oddsstaðaréttar.



Samþykkt samhljóða.


4. Álagning fjallskila 2025
2505269

Rætt um álagningu fjallskila.

Formanni falið að afla gagna hja sveitarfélaginu vegna álagningar fjallskila 2025.



Samþykkt samhljóða.


5. Önnur mál fjallskilanefndar Oddsstaðaréttar
2505270

Rætt um tæknivæðingu í smalamennskum og breytingar í gegnum tíðina.

Framlagt.


Fundi slitið - kl. 22:30