Byggðarráð Borgarbyggðar

708. fundur

22. maí 2025 kl. 08:15 - 09:15

í fundarsal að Digranesgötu 2

Nefndarmenn

Davíð Sigurðsson - formaður
Guðveig Eyglóardóttir - varaformaður
Thelma Dögg Harðardóttir - áheyrnarfulltrúi
Sigurður Guðmundsson - aðalmaður
Bjarney Lárudóttir Bjarnadóttir - áheyrnarfulltrúi

Starfsmenn

Stefán Broddi Guðjónsson - sveitarstjóri
Lilja Björg Ágústsdóttir - Sviðsstjóri
Fundargerð ritaði: Stefán Broddi Guðjónsson - sveitarstjóri

Dagskrá

1. Umsókn um lóð - Þrastarflöt 6
2505099

Framlögð umsókn um lóðina Þrastarflöt 6 á Hvanneyri.

Byggðarráð samþykkir að úthluta lóðinni Þrastarflöt 6 á Hvanneyri til Guðna Páls Sæmundssonar og Óm íbúða ehf.



Samþykkt samhljóða.


2. Samningsgerð um rekstur tjaldsvæðis í Borgarnesi
2505074

Framlögð drög að samningi um rekstur á tjaldsvæðinu í Borgarnesi.

Framlagt og sveitarstjóra falið að fullvinna og leggja fyrir byggðarráð.



Samþykkt samhljóða.


3. Endurnýjun vegna girðingar með Múlum
2505111

Framlögð beiðni frá fjallskilanefnd Brekku- og Svignaskarðsréttar um 2,5m.kr. fjárheimild til endurnýjunar á girðingu með Múlum. Girðingin er um 1km og nær frá Boladalstjörn að Gufárvatni.

Byggðarráð samþykkir að vísa beiðni fjallskilanefndar Brekku- og Svignaskarðsréttar til gerðar viðauka við fjárhagsáætlun 2025.



Samþykkt samhljóða.


4. Viðauki við fjárhagsáætlun 2025
2502016

Framlagður viðauki við fjárhagsáætlun Borgarbyggðar 2025.

Framlögð drög að viðauka við fjárhagsáætlun 2025.


5. Austurhluti Langavatnsdals - stofnun fasteignar (þjóðlendu)
2505117

Framlögð umsókn um stofnun fasteignar (þjóðlendu).

Framlagt og vísað til skipulags- og byggingarnefndar.



Samþykkt samhljóða.

Fylgiskjöl

6. Opin leiksvæði í Borgarnesi, ástand, eftirlit og aðgerðir
2505104

Farið yfir stöðu leiksvæða í Borgarbyggð og framlagðar eftirlitsskýrslur frá Heilbrigðiseftirliti. Kynnt áform um endurbætur.

Framlagt erindi frá Heilbrigðiseftirliti Vesturlands og eftirlitsskýrslur í framhaldi af vettvangsskoðun á leikvöllum í Borgarbyggð. Þar er vakin athygli á bágbornu ástandi víða og undirstrikað mikilvægi þess að ráðast í úrbætur og viðhaldsvinnu sem fyrst. Sveitarstjóri upplýsti að úrbætur yrðu hafnar sem fyrst i samræmi við mikilvægi ábendinga eins og þær koma fram í erindi HEV. Fram kom að tíðafar hafi haft áhrif á viðhald á liðnu ári og viðhaldsþörf uppsöfnuð. Að svo komnu máli er þó ekki talin þörf að auka sérstaklega fjárheimildir til málaflokksins. Byggðarráð leggur áherslu á að þeir fjármunir sem áætlaðir hafa verið til málaflokksins verði vel nýttir í sumar. Byggðaráð óskar eftir yfirliti um stöðu verkefna og forgangsröðun innan fjögurra vikna.



Samþykkt samhljóða.


7. Aðalfundur Faxaflóahafna, mið. 4. júní kl. 15
2505108

Framlagt boð á aðalfund Faxaflóahafna sem fram fer miðvikudaginn 4. júní 2025.

Framlagt og sveitarstjóra falið að mæta á fundinn fyrir hönd sveitarfélagsins. Sveitarstjóri upplýsti að í undanfara fundarins hefði hann ítrekað gagnvart formanni stjórnar og forstjóra Faxaflóahafnar sjónarmið um að fjármagnsskipan Faxaflóahafna yrði tekin til endurskoðunar með það fyrir augum að beinn ávinningur eigenda yrði meiri, sbr. afgreiðslu byggðarráðs Borgarbyggðar dags. 19. des 2024. Byggðarráð tekur undir ábendingar fjármála- og áhættustýringarsviðs Reykjavíkurborgar í greinargerð B-hluta fyrirtækja í nýjum ársreikningi Reykjavikurborgar en þar segir: „Mikilvægt er að halda áfram rýningu á fjármagnsskipan félagsins með hliðsjón af kröfum eigenda um arðsemi og eiginfjárhlutfalls. Að sama skapi er mikilvægt að félagið hafi á hverjum tíma getu til að greiða eigendum sínum eðlilegan arð af því fé sem bundið er í félaginu.“



Samþykkt samhljóða.

Fylgiskjöl

8. Samband ísl. sveitarfélaga - fundargerðir 2025
2501012

Framlögð fundargerð stjórnar Sambandsins frá 16. maí 2025.

Framlagt. Á fundinum var m.a. lagt fram minnisblað frá Borgarbyggð, dags. 12. maí 2025, um alvarlega þróun í fjárhagsaðstoð. Í bókun stjórnar Sambandins kemur eftirfarandi fram: "Stjórn Sambands íslenskra sveitarfélaga tekur undir áhyggjur Borgarbyggðar af vaxandi kostnaði vegna fjárhagsaðstoðar og leggur áherslu á mikilvægi þess að koma í veg fyrir frekari kostnaðaraukningu. Stjórnin felur framkvæmdastjóra að eiga samtal við fulltrúa Borgarbyggðar og annara sveitarfélaga í svipaðri stöðu um aðkomu Sambandsins að viðræðum við ríkið."

Byggðarráð telur ómetanlegt að njóta liðsinnis Sambands íslenskra sveitarfélaga í málinu og bindur miklar vonir við samtalið framundan.

Fylgiskjöl

9. Kerfisáætlun Landsnets 2025-2034
2504064

Framlögð drög að umsögn.

Byggðarráð samþykkir framlögð drög að umsögn og felur sveitarstjóra að fullvinna og koma á framfæri.



Samþykkt samhljóða.

Fylgiskjöl

Fundi slitið - kl. 09:15