Skipulags- og byggingarnefnd Borgarbyggðar

75. fundur

4. apríl 2025 kl. 08:30 - 11:50

í fundarsal að Digranesgötu 2

Nefndarmenn

Davíð Sigurðsson - formaður
Logi Sigurðsson - aðalmaður
Orri Jónsson - aðalmaður
Friðrik Aspelund - aðalmaður
Eva Margrét Jónudóttir - aðalmaður
Ragnhildur Eva Jónsdóttir - áheyrnarfulltrúi

Starfsmenn

Drífa Gústafsdóttir - skipulagsfulltrúi
Guðný Elíasdóttir - Sviðsstjóri
Fundargerð ritaði: Drífa Gústafsdóttir - Skipulagsfulltrúi

Dagskrá

1. Erindi um klettaklifursvæði í Borgarnesi
2503123

Afgreiðsla frá fundi byggðarráðs nr. 701 klettaklifursvæði í Borgarnesi. "Byggðarráð tekur vel í erindið og vísar til umsagnar í skipulags- og byggingarnefnd. Samþykkt samhljóða."

Erindið snýst um leyfi til að setja bolta í klettana með reglulegu millibili til að það sé hægt að tengja klifurlínu í þá og þannig klifra á öruggan máta. Efst í leiðunum er svo tveggja bolta akkeri með keðju á milli boltanna, þannig að hægt sé að síga niður úr leiðinni.

Óskað er eftir leyfi til að bolta ca 4 klifurleiðir í klettinn við Landnámssetrið og jafnvel á fleiri stöðum seinna ef þetta gengur vel.

Skipulags- og byggingarnefnd tekur jákvætt í erindið og felur skipulagsfulltrúa að gefa leyfi fyrir klifurleiðum í klettunum.



Samþykkt samhljóða.


2. 9 brautir fyrir Frisbee golf í Borgarnesi
2308040

Afgreiðsla frá fundi byggðarráðs nr. 701: "Frisbee völlurinn í Borgarnesi hefur fest sig í sessi og laðar að gesti og gangandi. Byggðarráð vísar málinu til umsagnar í skipulags- og byggingarnefnd. Samþykkt samhljóða."

Skipulags- og byggingarnefnd tekur jákvætt í erindið og óskar eftir að nánari útfærsla verði unnin í samráði við skipulagsfulltrúa.



Samþykkt samhljóða.

Fylgiskjöl

3. Umsókn um deiliskipulag
2503334

Lögð er fram lýsing að deiliskipulagi fyrir Baulu - þjónustumiðstöð. Skipulagssvæðið afmarkast af lóðinni Baulu (Borgaland L134873). Lóðin er um 20.000 m2 með aðkomu út frá Vesturlandsvegi og Borgarfjarðarbraut. Sunnarlega á lóðinni

er 406 m2 þjónustubygging með afgirtu leiksvæði. Einnig eru eldsneytisdælur, þvottaplan og spennihús. Fjórar hraðhleðslustöðvar eru til bráðabirgða. Norðaustur hluti lóðarinnar hefur verið ræktað tún en annar gróður farin að taka yfir þar í dag. Markmiðið með deiliskipulaginu er að gera breytingar innan lóðarinnar til að bæta við hraðhleðslustöðvum og möguleika á að stækka þjónustubygginguna. Lagður er fram uppdráttur og greinargerð dags. 27.03.2025. Hönnuður er á lista Skipulagsstofnunar um samþykkta ráðgjafa.

Skipulags- og byggingarnefnd, sem fer með fullnaðarafgreiðsluvald sveitarstjórnar skv. samþykkt um stjórn Borgarbyggðar, samþykkir lýsingu til auglýsingar fyrir Baulu - þjónustumiðstöð skv. 3. mgr. 40. gr. skipulagslaga 123/2010.



Samþykkt samhljóða.


4. Túngata 12 - Umsókn um byggingaráform og byggingarleyfi
2502078

Sótt er um leyfi fyrir stækkun á bílskúr. Núverandi bílskúr er 74,2m² og stækkun 46m². Heildarstærð bílskúrs verður 120,2m² eftir stækkun. Ekkert deiliskipulag er á svæðinu.

Lagðir eru fram aðaluppdrættir dags. 12.02.2025.

Skipulags- og byggingarnefnd leggur til við skipulagsfulltrúa að grenndarkynna byggingarleyfið fyrir hagsmunaaðilum í samræmi við 44. gr. skipulagslaga nr. 123/2010. Kynnt verði í gegnum skipulagsgátt fyrir eigendum túngötu 9, 10, 11, 14, 17 og 21.



Samþykkt samhljóða.


5. Fyrirspurn um skipulagsmál
2504003

Lögð er fram fyrirspurn er varðar breytingu á deiliskipulagi Flatahverfis á Hvanneyri frá árinu 2018.

Óskað er eftir að breyta deiliskipulaginu á þá leið að lóðum Hrafnaflatar 2, 4 og 6 verði skipt upp í 4 lóðir í stað þriggja og nýtingarhlutfall lóðanna hækkað, með vísan í meðfylgjandi gögn.

Byggðarráð tók jákvætt í að byggingarskilmálum yrði breytt í samræmi við umsókn um lóðirnar á fundi sínum nr. 699 þann 27.02.2025.

Skipulags- og byggingarnefnd leggur til að gerð verði breyting á deiliskipulagi Flatahverfis á Hvanneyri í samráði við skipulagsfulltrúa, fyrir lóðirnar Hrafnaflöt 2, 4 og 6. Einnig verða skilmálar deiliskipulagsins uppfærðir í samræmi við ábendingar sem borist hafa.



Samþykkt samhljóða.


6. Brúartorg 1 - Umsókn um byggingaráform og byggingarleyfi
2503326

Lögð er fram umsókn um heimild til að setja upp LED ljósaskilti á eystri hluta norð-austurhluta byggingar N1 Brúartorgi.

Skjárinn er ca. 3m á hæð og 8m á breidd eða um 24 m².

Skipulags- og byggingarnefnd hafnar uppsetningu á auglýsingaskilti þar sem hún telur að skiltið sé þannig úr garði gert og staðsett þannig við hættuleg gatnamót að það fangi athygli ökumanna og ógni umferðaröryggi þeirra sem aka Hringveginn, sbr. 90. gr. umferðarlaga nr. 77/2019.



Samþykkt samhljóða.


7. Aðalskipulag - Endurskoðun - Vinnslutími
2301075

Lögð fram tillaga að Aðalskipulagi Borgarbyggðar 2025-2037 að lokinni kynningu.

Lagðar eru fram þær ábendingar og umsagnir sem bárust á kynningartíma en frestur til þess að skila inn ábendingum rann út 14. nóvember 2024. Alls bárust 77 athugasemdir og eru þær aðgengilegar í skipulagsgátt Skipulagsstofnunar mál nr. 242/2023. Lögð fram samantekt athugasemda vegna vinnslutillögu aðalskipulags Borgarbyggðar ásamt svörum sveitarfélagsins dags 11.02.2025, en minnisblaðið var áður lagt fyrir skipulagsnefnd 7. mars 2025. Tillagan hefur verið uppfærð miðað við svör sveitarfélagsins en í minnisblaðinu eru breytingar sem eru gerðar á tillögu í kjölfar athugasemda undirstrikaðar í svörum sveitarfélagsins. Aðrar helstu breytingar á tillögu eftir kynningu eru:

-Öll umfjöllun um vindorku yfirfarin þannig að það sé skýrt að Borgarbyggð stefnir ekki á neina nýtingu vindorku en mun taka inn þau svæði sem koma í rammaáætlun. Skýrari umfjöllun um að kortalagning takmarkana er þekkingargrunnur til að byggja ákvarðanir á, en segir ekkert til um hvar nýting vindorku er heimil.

-Almennir skilmálar um landbúnaðarsvæði yfirfarnir og tafla 1 felld út. Landbúnaðarsvæðum fjölgað úr 9 í 13.

-Íbúðabyggð, yfirfarin. Ný svæði eru ÍB14 Brekkukot og ÍB15 Ánastaðir.

-Svæði fyrir frístundabyggð yfirfarin. Ný svæði eru F125 Reyðarfellsskógur og F126 Seleyrarland.

-Ný skógræktarsvæði eru SL67 Lundakirkja, SL68 Jarðlangsstaðir, SL69 Dalsmynni, SL70 Varmalækur og SL71 Fannholt, SL72 Lundur.

-Ný svæði fyrir verslun og þjónustu eru VÞ215 Sveinukot, VÞ13 Efra Nes, VÞ15 Eskiholt, VÞ16 Snorrastaðir.

-Virkjanir í Hvítá og Geitá teknar út.

-Viðbót við tillögu: Reiðleiðir fyrir fjárrekstur RL3 og RL4.

-Ný eða stækkuð efnistökusvæði á Arnarvatnsheiði og með Uxahryggjavegi eru E4 Mávahlíð, E6 Stórugil, E7 Fossmelar, og námur E306 - E328 á Arnarvatnsheiði, Kaldadal o.fl. stöðum, sjá greinargerð.

-Stafræn gögn yfirfarin m.a. settar inn tölur um fjölda íbúða og frístundahúsa, stærð og efnismagn fyrir efnistökusvæði o.fl.

-Umhverfismatsskýrsla yfirfarin miðað við breytingar eftir kynningu vinnslutillögu m.a. kafli 8.4.8. til 8.4.11 og samantekt.

Skipulags- og byggingarnefnd leggur til við sveitarstjórn að tillögu að Aðalskipulagi Borgarbyggðar 2025-2037, með þeim lagfæringum sem gerðar hafa verið í kjölfar kynningar, verði vísað í auglýsingu í samræmi við 31. gr. skipulagslaga, að undangenginni athugun Skipulagsstofnunar sbr. 3. mgr. 30. gr. sömu laga.



Samþykkt samhljóða.


Hrafnhildur Brynjólfsdóttir og Ingibjörg Sveinsdóttir mættu til fundarins undir þessum dagskrárlið.
Fundi slitið - kl. 11:50