Sveitarstjórn Borgarbyggðar

Af þeim 12 liðum sem spurt var um í könnuninni mælist aukin ánægja í átta liðum en lækkun í fjórum liðum. Ekki er um stórvægilegar breytingar að ræða milli ára. Heilt yfir er lítils háttar hækkun milli ára í ánægju með sveitarfélagið sem stað til að búa á. Samtals tóku 152 manns þátt í könnuninni. Í samanburði við önnur sveitarfélög mælist áberandi meiri ánægja í Borgarbyggð með þjónustu leikskóla og þjónustu við eldri borgara en áberandi minni ánægja með skipulagsmál og íþróttaaðstöðu í sveitarfélaginu. Það er mat byggðarráðs að könnunin sýni að heilt yfir virðist ánægja íbúa með þjónustu sveitarfélagsins aukast milli ára.Könnunin er gott veganesti fyrir kjörna fulltrúa, stjórnendur og starfsfólk við að leggja mat á þjónustu og stuðla að umbótum. Byggðarráð felur sveitarstjóra að kynna könnunina fyrir forstöðumönnum sveitarfélagsins en helstu niðurstöður eru einnig birtar með fundargerð þessari.

Framlagt.

Framlagt.

Framlagt.

Mati á tilboðum er lokið í samræmi við afgreiðslu 694. fundar byggðarráðs. Niðurstaða matsins er að vísa skuli tilboði Terra hf. frá innkaupaferlinu þar sem það uppfyllir ekki skilmála útboðslýsingar. Byggðarráð felur sveitarstjóra að tilkynna Terra um ákvörðun um að vísa tilboði þeirra frá innkaupaferlinu. Byggðarráð felur sveitarstjóra jafnframt um að tilkynna bjóðendum ákvörðun um val tilboðs Íslenska gámafélagsins ehf. sem var með hagkvæmasta tilboðið samkvæmt valforsendum útboðslýsingar.Samþykkt samhljóða.

Kynntar fyrstu hugmyndir að kynningu og markaðssetningu á nýrri íbúðabyggð í Bjargslandi. Samtals má ætla að framboð á íbúðareiningum á svæðinu verði um 120-150 einingar, bæði í einbýli og fjölbýli. Byggðarráð tekur vel í framlagðar hugmyndir og felur sveitarstjóra að vinna áfram.Samþykkt samhljóða.

Byggðarráð samþykkir að úthluta lóðinni Þrastarflöt 7 á Hvanneyri til Hafsteins Inga Gunnarssonar.Samþykkt samhljóða.

Byggðarráð felur sveitarstjóra að láta fullvinna útboðsgögnin og að niðurrifi á húsnæði gamla gúanósins verði bætt við.Samþykkt samhljóða.

Byggðarráð þakkar erindið. Samkvæmt gjaldskrá íþróttamiðstöðva í Borgarbyggð sem tók gildi í byrjun árs kostar árskort í sund fyrir aldraða og öryrkja kr. 11.645 og kr. 16.535 ef keypt er árskort í sund og þreksal. Það samsvarar 70% afslætti af almennri gjaldskrá fullorðinna. Byggðarráð vonar að sá afsláttur dugi til þess að fastagestir muni ekki neita sér um sundferðir eða aðra líkamsrækt. Almennt hafa gjaldskrár í Borgabyggð hækkað minna en sem nemur þróun verðlags undanfarin ár. Svo var einnig í byrjun þessa árs. Einstaka gjaldskrár hafa hins vegar tekið talsverðum breytingum. Það á t.d. við um gjaldská íþróttamiðstöðva. Ein ástæða þess er að samkvæmt nýjum úrskurði er sveitarfélögum óheimilt að hafa mismundandi gjaldskrá eftir búsetu. Þannig verður sama gjaldskrá að gilda fyrir íbúa sveitarfélagsins og ferðamenn eða aðra gesti. Mikil fjárfesting liggur í íþróttamannvirkjum sem að langstærstu leyti hafa verið greidd með sköttum af íbúum. Að mati byggðarráðs er í íþróttamiðstöðinni í Borgarnesi boðið upp á mikla þjónustu. Innifalið í árskorti er fjöldi námskeiða ásamt því að íþróttafræðingur er starfandi sem veitir gestum fjölbreytta þjónustu án endurgjalds. Byggðarráð telur að Borgarbyggð standi almennt framarlega þegar kemur að þjónustu við eldri borgara og öryrkja. Sú þjónusta sem stendur til boða í íþróttamiðstöðvum er þar á meðal. Sem betur fer, fer sá hópur eldri borgara sífellt stækkandi sem ekki þarf á sérstökum fjárhagslegum stuðningi að halda umfram aðra íbúa. Byggðarráð tekur undir að mikilvægt er að halda vel utan um þá íbúa sem búa við þröngan fjárhagslegan kost. Enginn útgjaldaflokkur hefur hlutfallslega hækkað eins mikið síðustu þrjú ár og félagsþjónusta en þar er t.d. innifalin þjónusta við öryrkja og aldraða. Þau útgjöld hafa farið í að þétta félagslegt net sveitarfélagsins. Mikilvægt er að félagslegur stuðningur beinist til þeirra sem þurfa á honum að halda. Samþykkt samhljóða.

Framlagðar fjórar umsóknir um samstarfssamning vegna hátíða 2025. Alls uppfylla þrjár þeirra reglur um samstarfssamninga vegna hátíða og felur byggðarráð sveitarstjóra að gera samning við umsækjendur vegna eftirfarandi hátíða og leggja fyrir byggðarráð: Reykholtshátíð, Brákarhátíð og Hvanneyrardagar. Samþykkt samhljóða.

Byggðarráð leggur til, að teknu tilliti til heildarupphæðar, tímafjölda og kostnaðar sem liggja að baki, umfangs og óvissu um umfang við skipulagsvinnu, að gengið verði að tilboði Landmótunar í skipulagsvinnu fyrir Brákarey. Byggðarráð felur sveitarstjóra að ganga til samninga við ofangreindan skipulagsráðgjafa.Samþykkt samhljóða.

Sveitarstjóri kynnti helstu atriði sem komu fram á fundi Almannavarnanefndar Vesturlands 21. janúar, samskipti við Mílu, Veðurstofu, Veitur og fleiri aðila. Framundan er fundur Almannavarnanefndar með íbúum og sérfræðingum í náttúruvá. Þá er verið að vinna kostnaðarmat við uppsetningu á fjarskiptasendi í Fíflholtum sem næði inn Hítardal og myndi styrkja fjarskiptasamband á svæðinu. Lagt fram minnisblað frá Veitum um möguleg áhrif á innviði félagsins.

Húsnæðisáætlun Borgarbyggðar 2025 framlögð. Byggðarráð felur sveitarstjóra að uppfæra í samræmi við umræðu á fundi og leggja fyrir næsta fund byggðarráðs.Samþykkt samhljóða.

Eiríkur Ólafsson fjármálastjóri og Stefán Broddi Guðjónsson sveitarstjóri kynntu hugmyndir að fyrirkomulagi fjármögnunar vegna fjárfestingaráætlunar sveitarfélagsins. Farið var yfir ýmsa valkosti og tímasetningar ræddar.

Farið yfir rekstur og sjóðstreymi Borgarbyggðar í desember 2024.

Sigurður Guðmundsson fulltrúi Sjálfstæðisflokks lagði fram eftirfarandi spurningar:"Hvernig er staðið að afstemmingu á verklegum framkvæmdum hjá sveitarfélaginu?Hvaða þjálfun fá starfsmenn og hvaða verkfæri fá starfsmenn til afstemmingu verkefna sem þeir sjá um?Hvaða kröfur eru af hálfu sveitarfélagsins um utanumhald verklegraframkvæmda þegar utanumhaldið með verkefnum er aðkeypt?Hvaða verkferlar eru til staðar hjá sveitarfélaginu í tengslum við verklegar framkvæmdir, yfirferð og samþykkt reikninga, afgreiðsla og samþykkt aukaverka, verkfundargerðir og samþykkt þeirra?"Framlagt og sveitarstjóra falið að vinna málið áfram í samræmi við umræðu á fundinum.Samþykkt samhljóða.

Verktaki hefur farið þess á leit við Borgarbyggð að frestun verði á áætluðum verklokum við endurbyggingu hluta húsnæðis GBF á Kleppjárnsreykjum. Unnið er í samstarfi við verktaka og skólastjórnendur að því að hluti byggingarinnar verði þó tekinn í notkun á tilsettum tíma fyrir skólasetningu haustið 2025. Ástæða seinkunar er að hluta til rakin til tafa á hönnun. Í lok febrúar er áætlað að uppfærð verkáætlun verði lögð fram. Það eru vonbrigði að áætlanir um verklok muni ekki standast. Nokkuð góður tími er til stefnu að útfæra breyttar forsendur m.t.t. skólastarfs. Byggðarráð bindur vonir við farsæla útfærslu í góðu samstarfi verktaka, umsjónaraðila og stjórnenda skólans.Byggðarráð felur sveitarstjóra að upplýsa nemendur, foreldra og starfsfólk. Þá felur byggðarráð sveitarstjóra að láta vinna mat á fjárhagslegum áhrifum ofangreindra breytinga.Samþykkt samhljóða.

Lagður fram tölvupóstur frá verktakafyrirtækinu VBT þar sem fyrirtækið segir sig frá verkinu. Byggðarráð leggur áherslu á að verkinu verði fundinn nýr farvegur og felur sveitarstjóra að vinna áfram.Samþykkt samhljóða.Hlynur Ólafsson fór af fundi.

Byggðarráð samþykkir tillögu fræðslunefndar um að framlengja samninga um skólaakstur í Borgarbyggð um eitt ár og vísar til fullnaðarafgreiðslu í sveitarstjórnar. Byggðarráð leggur til að hafinn verði undirbúningur útboðs á skólaakstri sem fer fram vorið 2026.Samþykkt samhljóða.

Byggðarráð samþykkir að vísa til viðauka í fjárfestingaráætlun 2025 að hækka ramma vegna endurnýjunar á miðrými Grunnskólans í Borgarnesi um 16,2 m.kr. vegna kaupa á innanstokksbúnaði.Samþykkt samhljóða.Hlöðver Ingi Gunnarsson fór af fundi.

Byggðarráð samþykkir að úthluta lóðinni Vallarás 16E til Kristins Óskars Sigmundssonar og M172 ehf. í samræmi við framlagða umsókn.Samþykkt samhljóða.

Sveitarstjóra falið að fullvinna í samræmi við umræðu á fundi og leggja fyrir næsta fund byggðarráðs.Samþykkt samhljóða.

Byggðarráð felur sveitarstjóra að auglýsa eftir áhugasömum aðilum til stjórnarsetu fyrir hönd sveitarfélagsins.Samþykkt samhljóða.

Byggðarráð samþykkir að gerður verði viðauki við framkvæmdaáætlun 2025 að fjárhæð 5,0 m.kr. en í honum felst að endurnýja fjárheimild til Fjallskilanefndar Þverárréttar sem veitt var árið 2024, en ekki var notuð, til endurnýjunar á Haukagilsgirðingu á um 1,6 km. kafla.Samþykkt samhljóða.

Farið yfir stöðuna á samningaviðræðum. Sveitarstjóra falið að vinna málið áfram í samræmi við umræður á fundi. Samþykkt samhljóða

Fundargerð framlögð

Fundargerð framlögð

Fundargerð framlögð

Byggðarráð samþykkir framkomin útboðsgögn vegna niðurrifs í Brákarey en áskilur sér rétt til að hafna öllum tilboðum. Sveitarstjóra falið að vinna málið áfram.Samþykkt með tveimur atkvæðum (DS og GLE)Einn situr hjá (REJ)

Byggðarráð tekur vel í þá nálgun að gerð verði úttekt og í framhaldinu mörkuð stefna um upplýsingatæknimál hjá sveitarfélaginu. Að í forgrunni verði höfð öryggismál, persónuvernd, hagkvæmni og góð notendaþjónusta. Sveitarstjóra falið að vinna málið áfram.Samþykkt samhljóða

Byggðarráð samþykkir fyrir sitt leiti Húsnæðisáætlun Borgarbyggðar fyrir 2025 og vísar til sveitarstjórnar til fullnaðarafgreiðsluSamþykkt samhljóða

Áskorun frá Kvenfélagi Hvítársíðu framlögð og tekur byggðarráð undir þær áhyggjur sem fram koma í erindinu. Mikilvægt er að gætt sé að umferðaröryggi, viðhaldi sinnt og að merkingar séu lagi á vegum í sveitarfélaginu.Samþykkt samhljóða

Byggðarráð upplýst um framkomna bótakröfu og sveitarstjóra falið að vinna málið áfram. Samþykkt samhljóða

Byggðarráð þakkar Orra Jónsyni og Fannari Þór Þorfinnssyni fyrir góða yfirferð yfir stöðu verklegra framkvæmda við Grunnskólann í Borgarnesi. Ljóst er að einhver seinkun er á verkinu vegna dráttar á afhendingu glugga og glerveggja. Þó verður mögulegt að opna á milli bygginga í gegnum rýmið á tilsettum tíma og verður það útfært í samráði við skólastjórnendur.Samþykkt samhljóða

Hvítárvallarvegur er mikilvæg tenging yfir Hvítá fyrir samgöngur í Borgarbyggð. Það er mikilvægt fyrir íbúa í Borgarbyggð að endurbygging sýkisbrúarinnar hefjist tafarlaust til að samgöngur á þessu svæði komist í samt lag á sem skemmstum tíma. Byggðarráð skorar á Innviðaráðherra að tryggja fjármagn til endurbyggingar brúarinnar og á Vegagerðina að hefja endurbyggingu brúarinnar sem allra fyrst. Sveitarstjóra falið að senda áskorunina á þingmenn kjördæmisins, Innviðaráðherra og Vegagerðina. Samþykkt samhljóða

Byggðarráð samþykkir að færa fund byggðarráðs sem ætti venju samkvæmt að fara fram fimmtudaginn 20. feb, til miðvikudagsins 19. feb. kl 8:15.Samþykkt samhljóða

Óheimilt er að birta afgreiðslu nefndarinnar og starfsmanna opinberlega og því eru afgreiðslur skráðar með formlegum hætti í trúnaðarbók. Það er skýr reglurammi sem nefndin og starfsmenn félagsþjónustu starfa eftir. Reglurnar má finna á heimasíðu sveitarfélagsins.

Lagt fram til kynningar. Áhyggjuefni er að sjá hversu mikill munur er á milli kynjanna og eru vísbendingar þess efnis að oftar sé tilkynnt vegna drengja. Velferðarnefnd leggur áherslu á reglulega fræðslu til barna og ungmenna, og þeirra sem starfa í þágu barna.

Velferðarnefnd fagnar því hversu vel heilsueflingin hefur gengið í Borgarbyggð.

Velferðarnefnd fagnar því að verið sé að leggja að drög að notendaráði í málefnum fatlaðs fólks. Nefndin leggur vonir til að á næstkomandi fundi verði komnar tilnefningar.

Skipulags- og byggingarnefnd leggur til við sveitarstjórn að samþykkja fyrirliggjandi óverulega breytingu á deiliskipulagi Hótellóð, Golfvöllurinn við Borgarnes frá árinu 2005 m.s.br. Breytingartillagan er sett fram í greinargerð og á uppdrætti dags. 19.12.2024.Málsmeðferð verður í samræmi við 2. mgr. 43. gr. og 3. mgr. 44. gr. skipulagslaga nr. 123/2010.Samþykkt samhljóða.

Lögð er fram fundargerð afgreiðslufundar skipulagsfulltrúa nr. 49 þann 14. janúar 2024.

Lögð er fram fundargerð afgreiðslufundar byggingarfulltrúa nr. 237 þann 16. janúar 2024.

Lögð er fram fundargerð afgreiðslufundar byggingarfulltrúa nr. 238 þann 30. janúar 2024.

Skipulags- og byggingarnefnd telur skilmála í greinargerð í samræmi við lög og reglugerðir en telur að svæðið sem er nú þegar byggt sé ekki í samræmi við þá skilmála. Nefndin telur að ekki sé hægt að samþykkja deiliskipulag sem ekki er í samræmi við núverandi ástand svæðis. Til að tryggja öryggi er nauðsynlegt að setja fram áætlun um hvernig skal staðið að því að koma svæðinu í það ástand sem sett er fram í skilmálum og setja tímamörk á þá áætlun áður en tillagan er tekin fyrir til afgreiðslu. Skipulags- og byggingarnefnd leggur til við sveitarstjórn að framlögð tillaga verði ekki afgreidd fyrr en úrbætur í samræmi við deiliskipulagstillöguna hafi átt sér stað.Samþykkt samhljóða

Skipulags- og byggingarnefnd telur að fullnægjandi gögn hafi legið fyrir í grenndarkynningarferlinu og telur því ekki ástæðu til að endurtaka ferlið, þar sem allar upplýsingar hafi legið fyrir hagsmunaaðilum og grenndarkynningartímabilið hafi verið lengra en krafist er samkvæmt 44.gr. skipulagslaga.Samþykkt samhljóða.

Skipulags- og byggingarnefnd leggur til við sveitarstjórn að heimila byggingarfulltrúa að taka til afgreiðslu byggingaráform þar sem grenndarkynning hefur farið fram skv. 44. gr. skipulagslaga 123/2010. Skipulags- og byggingarnefnd felur skipulagsfulltrúa að svara framkominni athugasemd.Samþykkt samhljóða.

Skipulags- og byggingarnefnd leggur til við sveitarstjórn að samþykkja framlagða tillögu að breytingu á deiliskipulagi til auglýsingar. Lagður var fram uppdráttur dags. 6.2.2025. Málsmeðferð verður samkvæmt 41. gr. skipulagslaga nr. 123/2010.Samþykkt samhljóða.

Skipulags- og byggingarnefnd leggur til við sveitarstjórn að samþykkja tillögu að deiliskipulagi Langárbyrgis í landi Jarðlangsstaða samkvæmt 42.gr. skipulagslaga 123/2010, sem auglýst hefur verið samkvæmt 41. gr skipulagslaga 123/2010. Nefndin felur skipulagsfulltrúa að afla fullnægjandi gagna.Samþykkt samhljóða.

Skipulags- og byggingarnefnd tekur jákvætt í erindið og vísar til afgreiðslu hjá skipulagsfulltrúa. Einnig óskar nefndin eftir því að skipulagsfulltrúi afli gagna frá umsækjanda samkvæmt umræðum á fundinum.Í vinnslutillögu endurskoðunar aðalskipulags Borgarbyggðar er farið fram á að svæði sem þessi séu skilgreind sem skógræktar- og landgræðslusvæði. Fer nefndin fram á að slíkt sé gert fyrir þetta svæði.Samþykkt samhljóða.

Skipulags- og byggingarnefnd felur skipulagsfulltrúa að afla fullnægjandi gagna og leggja málið fyrir sveitarstjórn.Samþykkt samhljóða.

Skipulags- og byggingarnefnd leggur til við sveitarstjórn að samþykkja að grenndarkynnt verði áætluð uppbygging og breytt nýting lóðar. Skipulagsfulltrúa er jafnframt falið að hefja vinnu við deiliskipulag á svæðinu. Málsmeðferð verður samkvæmt 44. gr skipulagslaga nr. 123/2010.Samþykkt samhljóða.

Umhverfis- og landbúnaðarnefnd fór yfir útboðsgögn varðandi snjómokstur í dreifbýli. Nefndin felur starfsmanni að vinna málið áfram í samræmi við umræður á fundinum.Samþykkt samhljóða.

Umhverfis- og landbúnaðarnefnd felur starfsmanni nefndar að fullvinna reglur um snjómokstur í dreifbýli í samræmi við umræður á fundinum og verða staðfestar á næsta fundi nefndarinnar.Samþykkt samhljóða.

Umhverfis- og landbúnaðarnefnd felur starfsmanni nefndar að fullvinna samninga við refa- og minkaveiðimenn í samræmi við umræður á fundinum og leggja fyrir næsta fund.Samþykkt samhljóða.

Sviðsstjóri fjölskyldusviðs fer yfir stöðuna á framkvæmdum í Grunnskóla Borgarfjarðar og Grunnskólanum í Borgarnesi. Eftirfarandi bókun var gerð á 696. fundi Byggðarráðs:,, Verktaki hefur farið þess á leit við Borgarbyggð að frestun verði á áætluðum verklokum við endurbyggingu hluta húsnæðis GBF á Kleppjárnsreykjum. Unnið er í samstarfi við verktaka og skólastjórnendur að því að hluti byggingarinnar verði þó tekinn í notkun á tilsettum tíma fyrir skólasetningu haustið 2025. Ástæða seinkunar er að hluta til rakin til tafa á hönnun. Í lok febrúar er áætlað að uppfærð verkáætlun verði lögð fram. Það eru vonbrigði að áætlanir um verklok muni ekki standast. Nokkuð góður tími er til stefnu að útfæra breyttar forsendur m.t.t. skólastarfs. Byggðarráð bindur vonir við farsæla útfærslu í góðu samstarfi verktaka, umsjónaraðila og stjórnendur skólans. Byggðarráð felur sveitarstjóra að upplýsa nemendur, foreldra og starfsfólk. Þá felur byggðarráð sveitarstjóra að láta vinna mat á fjárhagslegum áhrifum ofangreindra breytinga. Því er ljóst að framkvæmdir munu frestast við Grunnskóla Borgarfjarðar á Kleppjárnsreykjum en eins og kemur fram þá er unnið að því að hægt verði að opna hluta af byggingunni áður en skólahald hefst á haustönn 2025. Varðandi framkvæmdir á Grunnskólanum í Borgarnesi þá var eftirfarandi bókun samþykkt á 670.fundi Byggðarráðs. ,, Byggðarráð þakkar Orra Jónsyni og Fannari Þór Þorfinnssyni fyrir góða yfirferð yfir stöðu verklegra framkvæmda við Grunnskólann í Borgarnesi. Ljóst er að einhver seinkun er á verkinu vegna dráttar á afhendingu glugga og glerveggja. Þó verður mögulegt að opna á milli bygginga í gegnum rýmið á tilsettum tíma og verður það útfært í samráði við skólastjórnendur. Fræðslunefnd tekur undir með Byggðarráði að það séu vonbrigði að það verklok séu ekki að standast í báðum þessum framkvæmdum. En fræðslunefnd fagnar því að það horfir til enda að á framkvæmdum við skólann í Borgarnesi. Það sé mikilvægt að gott samtal sé við skólastjórnendur á báðum stöðum um hvernig eigi að vinna úr stöðunni, þannig að röskun fyrir skólastarf sé lágmörkuð. Samþykkt samhljóða.

Íþrótta og tómstundafulltrúi kemur til fundarins og fer yfir þá vinnu sem átt hefur sér stað á milli Borgarbyggðar og UMSB. Farið hefur verið yfir áhersluatriði í aðgerðaráætlun um áframhaldandi samtal. Ákveðið hefur verið að vinna að stefnumótun í íþróttamálum Borgarbyggðar. Það liggur fyrir að haldnir verða fundir með aðildafélögum og íbúum í byrjun mars.

Fræðslunefnd Borgarbyggðar tekur heilshugar undir bókun FÍÆT sem lýsir yfir þungum áhyggjum um sölu áfengis á íþróttaleikjum. Fræðslunefnd bendir á að sala áfengis er nú þegar bönnuð í íþróttamannvirkjum Borgarbyggðar. Það ætti að vera regla á öllum íþróttaviðburðum að áfengissala sé bönnuð þar sem börn eru viðstödd. Samþykkt samhljóða.

Íþrótta og tómstundafulltrúi og forstöðumaður frístundar koma til fundarsins og fara yfir starfsemi sumarfjörs fyrir næsta sumar.

Sviðsstjóri fjölskyldusviðs fer yfir fund sem átt hefur sér stað á milli sveitarfélaga á Vesturlandi og Heilbrigðisstofnun Vesturlands um öryggismál í mötuneytum. Vilji er til þess að efla endurmenntun og koma upp sameiginlegu verklagi mötuneyta. Það geti verið stykur og hagræðing í því fyrir sveitarfélögin að sameinast um einn endurmenntunar dag á ári og er vilji hjá sveitarfélögunum að kanna hvort það sé ekki raunhæft. Heilbrigðisstofnun Vesturland hefur sýnt vilja til þess að vera þátttakandi í þannig degi. Fræðslunefnd fagnar því að samtal sé á milli sveitarfélagana.