Skipulags- og byggingarnefnd Borgarbyggðar

73. fundur

7. febrúar 2025 kl. 08:30 - 10:30

í fundarsal að Digranesgötu 2

Nefndarmenn

Davíð Sigurðsson - formaður

Logi Sigurðsson - aðalmaður

Orri Jónsson boðaði forföll og Guðveig Eyglóardóttir - varamaður sat fundinn í hans stað

Friðrik Aspelund - aðalmaður

Eva Margrét Jónudóttir boðaði forföll og Eðvar Ólafur Traustason - varamaður sat fundinn í hans stað

Ragnhildur Eva Jónsdóttir - áheyrnarfulltrúi

Starfsmenn

Drífa Gústafsdóttir - skipulagsfulltrúi

Guðný Elíasdóttir - Sviðsstjóri

Fundargerð ritaði: Guðný Elíasdóttir - Sviðsstjóri

Dagskrá

1. Hamarsland Hótel_Umsókn um deiliskipulag

2412163

Lögð er fram tillaga að breytingu á deiliskipulaginu Hótellóð, Golfvöllurinn við Borgarnes frá árinu 2005. Breytingin tekur til skilmálabreytinga er varðar byggingarreit b - tækni/aðstöðuhús þar sem heimilt verður að reisa tvö 20fm hús í stað eins. Einnig er bætt inn byggingarreit undir nýtt aðstöðuhús og lóðamörk lagfærð á uppdrætti. Aðrir skilmálar haldast óbreyttir.

Breytingin er ekki í ósamræmi við þá byggð sem fyrir er t.d. hvað varðar notkun, nýtingarhlutfall, útlit og form svæðis. Ekki er talið að breytingin varði hagsmuni annarra en sveitarfélagsins og umsækjanda. Hönnuður er á lista Skipulagsstofnunar um samþykkta ráðgjafa.

Uppdráttur dags. 19.12.2024.

Skipulags- og byggingarnefnd leggur til við sveitarstjórn að samþykkja fyrirliggjandi óverulega breytingu á deiliskipulagi Hótellóð, Golfvöllurinn við Borgarnes frá árinu 2005 m.s.br. Breytingartillagan er sett fram í greinargerð og á uppdrætti dags. 19.12.2024.

Málsmeðferð verður í samræmi við 2. mgr. 43. gr. og 3. mgr. 44. gr. skipulagslaga nr. 123/2010.

Samþykkt samhljóða.

2. Galtarholt 3_Umsókn um deiliskipulag

2412184

Lögð er fram tillaga að nýju deiliskipulagi fyrir hjólhýsabyggð í Galtarholti 3. Deiliskipulagsbreyting varðar færslu á skipulagsmörkum þar sem hjólhýsa- og tjaldsvæði verður fellt niður. Samhliða þessari breytingu er lagt fram nýtt deiliskipulag fyrir hjólhýsabyggðina þar sem tekið er tillit til þeirra krafna sem gerðar eru til slíkra svæða er varðar brunavarnir o.fl. Deiliskipulag þetta samræmist gildandi aðalskipulagi. Lýsing deiliskipulags var kynnt frá 11.05.2023-25.05.2023 og óskað eftir umsögnum lögbundinna umsagnaraðila. Meðfylgjandi eru þær umsagnir og ábendingar sem bárust á kynningartíma.

Fyrri tillaga var tekin fyrir á fundi skipulags- og byggingarnefndar nr. 62 í október 2023 og var niðurstaða send landeiganda og hönnuði þann 5.2.2024 og (hjálagt).

Skipulags- og byggingarnefnd telur skilmála í greinargerð í samræmi við lög og reglugerðir en telur að svæðið sem er nú þegar byggt sé ekki í samræmi við þá skilmála. Nefndin telur að ekki sé hægt að samþykkja deiliskipulag sem ekki er í samræmi við núverandi ástand svæðis. Til að tryggja öryggi er nauðsynlegt að setja fram áætlun um hvernig skal staðið að því að koma svæðinu í það ástand sem sett er fram í skilmálum og setja tímamörk á þá áætlun áður en tillagan er tekin fyrir til afgreiðslu. Skipulags- og byggingarnefnd leggur til við sveitarstjórn að framlögð tillaga verði ekki afgreidd fyrr en úrbætur í samræmi við deiliskipulagstillöguna hafi átt sér stað.

Samþykkt samhljóða

3. Grenndarkynning v. Mávaklettur 10 - beiðni um endurtekningu

2501009

Lögð er fram ósk hagsmunaaðila í grenndarkynningu á byggingarleyfi Mávaklettar 10 um að hefja aftur grenndarkynningarferli með betri og meir upplýsandi gögnum en fyrir lágu í fyrri kynningu. Grenndarkynnt var í 4 lögbundnar vikur í gegnum skipulagsgátt frá 28.11.2024-04.01.2025.

Meðfyljandi er bréf hagsmunaaðila dags. 27.12.2024.

Skipulags- og byggingarnefnd telur að fullnægjandi gögn hafi legið fyrir í grenndarkynningarferlinu og telur því ekki ástæðu til að endurtaka ferlið, þar sem allar upplýsingar hafi legið fyrir hagsmunaaðilum og grenndarkynningartímabilið hafi verið lengra en krafist er samkvæmt 44.gr. skipulagslaga.

Samþykkt samhljóða.

4. Umsókn um byggingaráform og byggingarleyfi Mávaklettur 10

2407099

Á 45. afgreiðslufundi skipulagsfulltrúa þann 20. nóvember 2024 var samþykkt að grenndarkynna fyrirhugað byggingarleyfi á 22,5 fm bílskýli við íbúðarhús á lóðinni Mávaklettur 10 (lnr. 232652). Grenndarkynnt var fyrir nágrönnum sem hagsmuna eiga að gæta og óskað eftir umsögnum í gegnum skipulagsgátt. Kynningartíminn var frá 28. nóvember 2024 til og með 4. janúar 2025.

Ein athugasemd barst á kynningartíma.

Skipulags- og byggingarnefnd leggur til við sveitarstjórn að heimila byggingarfulltrúa að taka til afgreiðslu byggingaráform þar sem grenndarkynning hefur farið fram skv. 44. gr. skipulagslaga 123/2010.

Skipulags- og byggingarnefnd felur skipulagsfulltrúa að svara framkominni athugasemd.

Samþykkt samhljóða.

5. Deiliskipulag íbúðabyggðar að Varmalandi - Breyting á deiliskipulagi

2203146

Lögð er fram tillaga að breytingu á deiliskipulagi íbúðarbyggðar að Varmalandi frá árinu 2006 m.s.br. Breytingin tekur til skipulags- og byggingarskilmála og skipulagsuppdráttar. Markmiðið er að skapa ramma utan um heildstæða fjölbreytta íbúðabyggð, að byggingar falli vel inn í umhverfið og að lóðir séu hagstæðar í uppbyggingu. Gildandi greinagerð og skipulagsuppdráttur er varðar íbúðabyggðina mun falla úr gildi með gildistöku þessarar breytingar á deiliskipulaginu. Lóðamörk og lega vegar eru færð til, íbúðum fjölgað og íbúðarsvæði aðalskipulagsins nýtt til fullnustu. Tillagan samræmist gildandi aðalskipulagi. Hönnuður er á lista Skipulagsstofnunar um samþykkta ráðgjafa.

Skipulags- og byggingarnefnd leggur til við sveitarstjórn að samþykkja framlagða tillögu að breytingu á deiliskipulagi til auglýsingar. Lagður var fram uppdráttur dags. 6.2.2025. Málsmeðferð verður samkvæmt 41. gr. skipulagslaga nr. 123/2010.

Samþykkt samhljóða.

6. Jarðlangsstaðaland - Langárbyrgi L177317 - Nýtt deiliskipulag

2402234

Lögð er fram tillaga að nýju deiliskipulag, Langárbyrgi í Borgarbyggð, Veiðihús við Langá. Tillagan tekur til lóðarinnar Langárbyrgi, veiðihús (L177317) við Langá í Borgarbyggð og nánasta umhverfi lóðarinnar. Stærð lóðar er 1,37 ha og var hún stofnuð úr jörðinni Jarðlangsstöðum. Á lóðinni er veiðihús á einni hæð sem byggt var 1998 og stækkað 2001 og er gert ráð fyrir stækkun á því. Deiliskipulag þetta samræmist gildandi aðalskipulagi.

Lagður er fram uppdráttur og greinargerð dags. 21.01.2024.

Skipulags- og byggingarnefnd leggur til við sveitarstjórn að samþykkja tillögu að deiliskipulagi Langárbyrgis í landi Jarðlangsstaða samkvæmt 42.gr. skipulagslaga 123/2010, sem auglýst hefur verið samkvæmt 41. gr skipulagslaga 123/2010.

Nefndin felur skipulagsfulltrúa að afla fullnægjandi gagna.

Samþykkt samhljóða.

7. Lundur 3 (lnr. 179729) - Umsókn um framkvæmdarleyfi

2501199

Umsókn um framkvæmdaleyfi fyrir skógrækt í landi Lunda 3 (lnr. 179729) er lagt fyrir til umræðu í skipulags- og byggingarnefnd. Svæðið er í hlíð Lundarháls sem snýr á móti suðvestri og afmarkast að sunnan af þjóðvegi og austan

af girðingu og lóð (L222995), frá landamerkjum Lundar 3 og Lundar 1. Landið liggur upp undir brúnir Lundarháls í norðri. Í vestri afmarkast svæðið af landamerkjum Arnþórsholt og Lundar 3 ásamt fjallsgirðingu.

Fyrirhugað er að planta 350.000 plöntum í 140 ha landbúnaðarsvæði sem er í nær allt í flokki 4 fyrir lélegt ræktunarland. Eiginleg ræktunaráæltun fyrir svæðið er ekki unnin fyrr en öll tilskilin leyfi fyrir skógrækt eru fengin.

Þær tegundir sem mest áhersla verður lögð á eru birki, stafafura, sitkagreni, ösp og elri. Almennt er miðað við 2.500 plöntur á hektara þéttleika nýgróðursett.

Gera má ráð fyrir að gróðursetning taki um 5 ár og verði lokið árið 2030 eða 2031, eftir því hvenær gróðursetning hefst. Til að auðvelda vinnu við gróðursetningu og gera svæðið aðgengilegra, er nauðsynlegt að útbúa slóða sem hægt er að keyra á traktorum/vel útbúnum jeppa yfir sumartíman.

Skipulags- og byggingarnefnd tekur jákvætt í erindið og vísar til afgreiðslu hjá skipulagsfulltrúa. Einnig óskar nefndin eftir því að skipulagsfulltrúi afli gagna frá umsækjanda samkvæmt umræðum á fundinum.

Í vinnslutillögu endurskoðunar aðalskipulags Borgarbyggðar er farið fram á að svæði sem þessi séu skilgreind sem skógræktar- og landgræðslusvæði. Fer nefndin fram á að slíkt sé gert fyrir þetta svæði.

Samþykkt samhljóða.

8. Sigmundarstaðir - Mælimastur á Grjóthálsi - umsókn um deiliskipulag - L134748

2402195

Lögð er fram tillaga að nýju deiliskipulagi, Mælimastur á Grjóthálsi, tímabundið mælimastur í landi Sigmundarstaða í Borgarbyggð. Deiliskipulag þetta tekur til uppsetningar á tímabundnu mælimastri til vindrannsókna. Tillagan samræmist gildandi aðalskipulagi.

Tillagan var áður auglýst frá 20.06.2024-18.08.2024 og óskað eftir umsögnum lögbundinna umsagnaraðila. Umsagnir bárust frá 34 aðilum. Tillagan var samþykkt í sveitarstjórn þann 9.10.2024 og send til Skipulagsstofnunar til varðveislu og yfirferðar í gegnum skipulagsgátt. Málið var tekið til yfirferðar af stofnuninni og bréf stofnunarinnar barst 20.12.2024 og er hjálagt.

Skipulags- og byggingarnefnd felur skipulagsfulltrúa að afla fullnægjandi gagna og leggja málið fyrir sveitarstjórn.

Samþykkt samhljóða.

9. Borgarbraut 47_Fyrirspurn um skipulagsmál

2406009

Lögð er fram að nýju fyrirspurn um skipulag á lóðinni Borgarbraut 47 lnr. 135492 í Borgarnesi. Á lóðinni er þegar 70,2fm einbýlishús frá árinu 2016.

Málið var áður tekið fyrir á fundi skipulags- og byggingarnefndar þann 7. júní 2024 þar sem nefndin tók jákvætt í erindið og fól skipulagsfulltrúa að halda áfram með málið.

Skipulagsfulltrúa hefur nú borist álit Minjastofnunar varðandi mat á ástandi og verðmæti hússins á lóðinni, sérstaklega í menningarlegu tilliti.

Meðfylgjandi er tillaga að skipulagi lóðarinnar Borgarbraut 47, þrívíddarmyndir af fyrirhuguðum byggingum og umsögn Minjastofnunar varðandi hús á lóðinni.

Skipulags- og byggingarnefnd leggur til við sveitarstjórn að samþykkja að grenndarkynnt verði áætluð uppbygging og breytt nýting lóðar. Skipulagsfulltrúa er jafnframt falið að hefja vinnu við deiliskipulag á svæðinu. Málsmeðferð verður samkvæmt 44. gr skipulagslaga nr. 123/2010.

Samþykkt samhljóða.

10. Afgreiðslufundur skipulagsfulltrúa - 49

2501011F

Lagt fram til kynningar.

Lögð er fram fundargerð afgreiðslufundar skipulagsfulltrúa nr. 49 þann 14. janúar 2024.