Sveitarstjórn Borgarbyggðar

1. Skýrsla sveitarstjóra

Sveitarstjóri flytur skýrslu sveitarstjóra

Sveitarstjóri flytur skýrslu sveitarstjóra.

2. Skjalastefna Borgarbyggðar

Afgreiðsla frá 692. fundi byggðarráðs Borgarbyggðar: "Byggðarráð samþykkir framlagða skjalastefnu og leggur fyrir sveitarstjórn til fullnaðarafgreiðslu. Byggðarráð fagnar þessu mikilvæga skrefi í átt að rafrænum skilum en Borgarbyggð er meðal fyrstu sveitarfélaga sem skilar rafrænum gögnum til Miðstöðvar héraðsskjalasafna um rafræna stjórnsýslu. Samþykkt samhljóða."

Sveitarstjórn samþykkir framlagða skjalastefnu og felur sveitarstjóra að birta stefnuna.



Samþykkt samhljóða

3. Hraunsás - umsókn um deiliskipulag - 204514

Afgreiðsla 71. fundar skipulags- og byggingarnefndar: "
Skipulags- og byggingarnefnd, sem fer með fullnaðarafgreiðsluvald sveitarstjórnar skv. samþykkt um stjórn Borgarbyggðar, samþykkir framlagða tillögu að deiliskipulagi til auglýsingar með þeim fyrivara að sveitarstjórn samþykki aðalskipulagsbreytingu sem liggur deiliskipulaginu til grundvallar til auglýsingar. Lagður var fram uppdráttur og skýringaruppdráttur dags. 15.10.2024 ásamt drögum að eldvarnar- og rýmingarkorti. Málsmeðferð verður samkvæmt 41. gr. skipulagslaga nr. 123/2010. Skipulags- og byggingarnefnd leggur til að málsaðili leggi fram tillögu að áfangaskiptingu framkvæmda í greinagerð deiliskipulagsins. Samþykkt samhljóða."

Lagt fyrir sveitarstjórn sbr. 6. gr. viðauka 1.1. samþykktar um stjórn Borgarbyggðar 1213/2022 m.s.br.

Sveitarstjórn samþykkir framlagða tillögu að deiliskipulagi til auglýsingar. Lagður var fram uppdráttur og skýringaruppdráttur dags. 15.10.2024 ásamt drögum að eldvarnar- og rýmingarkorti. Aðalskipulagsbreyting er gerð samhliða. Málsmeðferð verður samkvæmt 41. gr. skipulagslaga 123/2010. Sveitarstjórn tekur undir bókun skipulags- og byggingarnefndar um að áfangaskipting framkvæmda verði lögð fram í greinagerð deiliskipulags.



Samþykkt samhljóða

4. Vindorkugarður á Hælsheiði_Kynning matsáætlunar

Afgreiðsla 72. fundar skipulags- og byggingarnefndar: "Skipulags- og byggingarnefnd felur skipulagsfulltrúa að fullvinna umsögn um kynningu á matsáætlun vegna vindorkugarðs á Hælsheiði í Flókadal út frá þeim ábendingum og umræðum sem komu fram á fundinum og vísar til endanlegrar afgreiðslu hjá sveitarstjórn.

Samþykkt samhljóða."

Sveitarstjórn staðfestir umsögn skipulags- og byggingarnefndar um kynningu á matsáætlun vegna vindorkugarðs á Hælsheiði í Flókadal.



Samþykkt samhljóða

5. Verkfallslistar 2025

Afgreiðsla byggðarráðs Borgarbyggðar frá fundi nr.692: "Lögð fram skrá yfir störf hjá Borgarbyggð sem sveitarfélagið telur að falli undir 5.-8. tl. 19. gr. laga nr. 94/1986 um kjarasamninga opinberra starfsmanna.



Framlögð skrá yfir störf hjá Borgarbyggð sem undanþegin eru verkfallsheimild. Sveitarstjóra falið að láta birta hana með auglýsingu í B-deild Stjórnartíðinda.

Samþykkt samhljóða."

Sveitarstjórn staðfestir framlagða skrá yfir störf hjá Borgarbyggð sem falla undir 5.-8. tl. 19. gr. laga nr. 94/1986 um kjarasamninga opinberra starfsmanna.



Samþykkt samhljóða

6. Beiðni um umsögn - Beiðni um skipan raflínunefndar vegna Holtavörðuheiðarlínu 1.

Afgreiðsla byggðaráðs Borgarbyggðar frá fundi nr. 692:" Framlagt erindi frá Innviðaráðuneytinu þar sem óskað er eftir umsögn Borgarbyggðar um nýja beiðni Landsnets um skipan í raflínunefnd vegna Holtavörðuheiðarlínu 1.



Byggðarráð Borgarbyggðar tók á fundi nr. 669 dags. 2. maí 2024 fyrir fyrir sams konar beiðni Landsnets. Afstaða byggðarráðs hefur ekki breyst og er því lögð til eftirfarandi nær óbreytt afgreiðsla á beiðninni: Fyrirhuguð Holtavörðuheiðarlína 1 mun liggja um fjögur sveitarfélög. Enginn ágreiningur er uppi um þjóðhagslegt mikilvægi línunnar og mikilvægi hennar til að auka raforkuöryggi í landinu. Fyrir samfélagið í heild er því til mikils að vinna ef hægt er að auka skilvirkni skipulagsferlisins án þess að það bitni á gæðum skipulagsvinnunnar.

Innan sveitarfélaga eru skiptar skoðanir um æskilegt línustæði og ekki loku fyrir það skotið að ágreiningur muni vakna milli sveitarfélaga sömuleiðis. Því er æskilegt að skapaður sé farvegur til að ávarpa og greiða úr slíkum ágreiningi og tryggja sameiginlegan skilning. Fulltrúar sveitarfélaga í nefndinni fylgja enda stefnu sinna sveitarfélaga og gæti hagsmuna þeirra.

Ekki er komin reynsla á skipan raflínunefnda. Það er von byggðarráðs að ef til þess kemur muni nefndin verða til þess að styrkja samtal Landsnets, ráðuneytis og sveitarfélaga sem vega muni fyllilega upp á móti þeim breytta farvegi skipulagsferlisins.

Skipan raflínunefndar felur í sér eftirgjöf skipulagsvalds. Þær breytingar sem gerðar hafa verið á raforkulögum síðustu ár hafa rýrt skipulagsvald sveitarfélaga gagnvart kerfisáætlun Landsnets. Skipan raflínunefndar mun að mati byggðarráðs í framkvæmd hvorki rýra frekar né endurheimta það skipulagsvald sem frá sveitarfélögum hefur verið tekið með áorðnum breytingum á skipulagslögum.

Samþykkt samhljóða."

Ragnhildur Eva Jónsdóttir lagði fram eftirfarandi bókun fyrir hönd sveitarstjórnarfulltrúa Sjálfstæðisflokks (D-lista): Landsnet hefur farið fram á að skipuð verði raflínunefnd vegna fyrirhugaðra framkvæmda við lagningu Holtavörðuheiðarlínu. Beiðnin byggir á 1. mgr. 9. gr. a. Skipulagslaga nr. 123/2010 sem fjallar um raflínunefnd. Meginregla skipulagslaga er að sveitarfélög, hvert á sínu svæði, fari með skipulagsvald og er sú framkvæmd sem hér um ræðir háð framkvæmdarleyfi sveitarfélagsins samanber 13. og 14. gr. skipulagslaga og reglugerðar nr. 772/2012 um framkvæmdarleyfi.

Þrátt fyrir að skipulagsvald sveitarfélaga gangvart raflínum hafi verið skert, eins og kemur fram í bókun Byggðaráðs Borgarbyggðar mun eftir sem áður skipan raflínunefndar leiða til þess að vegið verði að skipulagsvaldi sveitarfélaga og það vald falið nefndinni, þar af leiðandi er um undantekningu að ræða frá meginreglunni.

Ekki hafa hingað til komið upp ágreiningsmál milli sveitarfélaga um fyrirhugaða framkvæmd og hefur sveitarfélagið Borgarbyggð sýnt mikinn vilja til samstarfs. Æskilegt væri að frekari viðræður ættu sér stað milli Landsnets og sveitarfélaganna.

Áfom Landsnets um línuleið Holtavöruðheiðarlínu byggir á að leggja yfir mikinn fjölda jarða í Borgarbyggð sem mun hafa áhrif á nýtingarmöguleika þeirra jarða sem línunni er ætlað að liggja um. Á þeim fundum sem haldnir hafa verið af hálfu Landsnets og við lestur þeirra athugasemda, sem hafa verið gerðar við matsáætlun Holtavörðuheiðarlínu, hafa komið fram töluverður fjöldi athugasemda frá landeigendum. Þessar athugasemdir varpa ljósi á þá miklu vinnu sem eftir er hjá Landsneti við að ná meiri sátt og samningum um línuleiðina við landeigendur áður en Landsnet getur lagt línuleið Holtavörðuheiðarlínu fyrir sveitarfélögin eða Raflínunefndina, ef niðurstaðan verður að nefndin verði skipuð.

Það ætti að vera mikilvægasta verkefni Landsnets í tengslum við framgang Holtavörðuheiðarlínu að klára samninga við landeigendur. Skipun raflínunefndar á þessum tíma skiptir litlu máli um framgang verkefnisins eins og er.

Í rökstuðningi með beiðni Landsnets eru hagræði helstu rökin fyrir skipan raflínunefndar. Skipulagsmál krefjast þess að unnið sé faglega og að sem flest sjónarmið séu tekin til skoðunar við þá vinnu. Skipan raflínunefndar má ekki koma í veg fyrir samráð við sveitarfélögin og samfélagið um jafn veigamikla framkvæmd og lagning Holtavörðuheiðarlínu mun koma til með að vera. Það er ekkert sem bendir til þess að aðildarsveitarfélög geti ekki unnið rösklega að málinu ásamt því að vanda vel til verka. Því til viðbótar hefur Borgarbyggð ekki borist formleg beiðni um að setja nýja línu á skipulag, þar af leiðandi er hún er ekki í drögum að nýju aðalskipulagi. Beiðni Landsnets um skipun raflínunefndar virðist því fyrst og síðast byggjast á því sjónarmiði Landsnets að það sé mögulegt fyrir Landsnet að stytta sér leið í þeirri vinnu sem liggur ljóst fyrir að Landsnet verði að klára óháð því hvort raflínunefd verði skipuð eða ekki.



Í ljósi þessa þá leggjum við fulltrúar Sjálfstæðisflokksins til að Sveitarstjórn Borgarbyggðar leggi fram eftirfarandi bókun, sem viðauka, við bókun Byggðarráðs frá fundi nr. 692:



Lagt er til að eftirfarandi texta verði bætt við bókunina: Sveitarstjórn Borgarbyggðar vekur athygli á því að línustæði Holtavörðuheiðarlínu hefur ekki endanlega verið ákveðið né staðfest og ekki lokið við samninga við landeigendur, auk þess hefur ekki verið til staðar ágreiningur milli sveitarfélaga, sem fyrirhuguð lína kemur til með að fara í gegnum eða milli sveitarfélaga og Landsnets. Af þeim ástæðum telur Sveitarstjórn Borgarbyggðar ekki tímabært að skipa raflínunefnd að svo stöddu.



Forseti ber upp tillögu sveitarstjórnarfulltrúa REJ. Samþykkt með öllum greiddum atkvæðum.



Forseti leggur fram eftirfarandi uppfærða bókun þar sem búið er að bæta við bókun byggðarráðs.



Fyrirhuguð Holtavörðuheiðarlína 1 mun liggja um fjögur sveitarfélög. Enginn ágreiningur er uppi um þjóðhagslegt mikilvægi línunnar og mikilvægi hennar til að auka raforkuöryggi í landinu. Fyrir samfélagið í heild er því til mikils að vinna ef hægt er að auka skilvirkni skipulagsferlisins án þess að það bitni á gæðum skipulagsvinnunnar.

Innan sveitarfélaga eru skiptar skoðanir um æskilegt línustæði og ekki loku fyrir það skotið að ágreiningur muni vakna milli sveitarfélaga sömuleiðis. Því er æskilegt að skapaður sé farvegur til að ávarpa og greiða úr slíkum ágreiningi og tryggja sameiginlegan skilning. Fulltrúar sveitarfélaga í nefndinni fylgja enda stefnu sinna sveitarfélaga og gæti hagsmuna þeirra.

Ekki er komin reynsla á skipan raflínunefnda. Það er von sveitarstjórnar að ef til þess kemur muni nefndin verða til þess að styrkja samtal Landsnets, ráðuneytis og sveitarfélaga sem vega muni fyllilega upp á móti þeim breytta farvegi skipulagsferlisins.

Skipan raflínunefndar felur í sér eftirgjöf skipulagsvalds. Þær breytingar sem gerðar hafa verið á raforkulögum síðustu ár hafa rýrt skipulagsvald sveitarfélaga gagnvart kerfisáætlun Landsnets.

Sveitarstjórn Borgarbyggðar vekur athygli á því að línustæði Holtavörðuheiðarlínu hefur ekki endanlega verið ákveðið né staðfest og ekki lokið við samninga við landeigendur, auk þess hefur ekki verið til staðar ágreiningur milli sveitarfélaga, sem fyrirhuguð lína kemur til með að fara í gegnum eða milli sveitarfélaga og Landsnets. Af þeim ástæðum telur Sveitarstjórn Borgarbyggðar ekki tímabært að skipa raflínunefnd að svo stöddu.





Samþykkt samhljóða





Til máls tóku: REJ og DS

7. Húsnæðisáætlun Borgarbyggðar 2025

Afgreiðsla fundar byggðarráðs Borgarbyggðar frá fundi nr. 693:Lögð fram drög að húsnæðisáætlun Borgarbyggðar 2025.



Framlagt og sveitarstjóra falið að vinna áfram og leggja fram til fyrri umræðu í sveitarstjórn.

Samþykkt samhljóða.

Sveitarstjórn staðfestir framlögð drög að húsnæðisáætlun Borgarbyggðar 2025 og felur sveitarstjóra að fullvinna áætlunina.



Samþykkt samhljóða

8. Eigendafundur Orkuveitu Reykjavíkur í janúar 2025

Afgreiðsla frá fundi byggðarráðs Borgarbyggðar nr. 693: Framlögð dagskrá og fundargögn vegna eigendafundar Orkuveitu Reykjavíkur.



Framlagt og hefur sveitarstjóra verið falið að mæta á fundinn fyrir hönd Borgarbyggðar.

Samþykkt samhljóða."

Dagskrá og fundargögn lögð fram og staðfest að sveitarstjóri mæti á fundinn fyrir hönd Borgarbyggðar.



Samþykkt samhljóða

9. Ársfundur Brákar íbúðafélags hses 15. janúar 2025

Afgreiðsla frá fundi byggðarráðs Borgarbyggðar nr. 693: "Framlagt fundarboð á ársfund Brákar íbúðafélags hses sem fram fer 15. janúar 2025.

"Framlagt og sveitarstjóra falið að mæta á fundinn fyrir hönd Borgarbyggðar.

Samþykkt samhljóða.

Framlagt fundarboð á ársfund Brákar íbúðafélags og staðfest að sveitarstjóri skuli mæta á fundinn fyrir hönd Borgarbyggðar.



Samþykkt samhljóða

10. Tekjumörk vegna afsláttar af fasteignaskatti

Afgreiðsla frá fundi byggðarráðs Borgarbyggðar nr. 693: "Lögð fram tillaga að tekjumörkum vegna afsláttar fasteignaskatts elli- og örorkulífeyrisþega í Borgarbyggð.



Tekjulágir elli- og örorkulífeyrisþegar sem eiga lögheimili í Borgarbyggð eiga rétt á afslætti af fasteignaskatti skv. reglum og ákvörðun sveitarstjórnar hvert ár, sbr. heimild í 5. gr. laga 4/1995 um tekjustofna sveitarfélaga. Hjá hjónum og sambýlisfólki ræður aldur þess er fyrr verður 67 ára. Afsláttur nær einungis til íbúðarhúsnæðis sem viðkomandi býr sjálfur í.

Afsláttur ræðst af tekjum undanfarandi árs. Afslátturinn er reiknaður til bráðabirgða við álagningu út frá öllum skattskyldum tekjum einstaklings eða hjóna/sambúðarfólks, þ.m.t. eigna- og fjármagnstekjum samkvæmt síðasta skattframtali, en þegar staðfest skattframtal liggur fyrir vegna tekna síðasta árs er afsláttur endurskoðaður og leiðréttur.

Tekjumörk eru ákveðin af byggðarráði Borgarbyggðar í desember á hverju ári og eru nú:

Fyrir einstaklinga, (tekjur á árinu 2024):

með tekjur allt að kr. 5.065.000 er veittur 100% afsláttur

með tekjur á bilinu kr. 5.065.001 - 5.864.000 er veittur 75% afsláttur

með tekjur á bilinu kr. 5.864.001 - 6.654.000 er veittur 50% afsláttur

Fyrir hjón (tekjur á árinu 2024):

með tekjur allt að kr. 8.375.000 er veittur 100% afsláttur

með tekjur á bilinu kr. 8.375.001 - 9.364.000 er veittur 75% afsláttur

með tekjur á bilinu kr. 9.364.001 - 10.464.000 er veittur 50% afsláttur

Byggðarráð samþykkir að fyrirkomulag afsláttar á fasteignskatt elli- og örorkulífeyrisþega í Borgarbyggð verði með óbreyttum hætti en hækkun verði 5,6% frá fyrra ári sem er í takt við breytingu á launavísitölu á milli ára og hækkun ellilífeyris hjá Tryggingastofnun ríkisins á milli ára.

Samþykkt samhljóða."

Sveitarstjórn samþykkir eftirfarandi tillögu að tekjumörkum vegna afsláttar fasteignaskatts elli- og örorkulífeyrisþega í Borgarbyggð:



Tekjulágir elli- og örorkulífeyrisþegar sem eiga lögheimili í Borgarbyggð eiga rétt á afslætti af fasteignaskatti skv. reglum og ákvörðun sveitarstjórnar hvert ár, sbr. heimild í 5. gr. laga 4/1995 um tekjustofna sveitarfélaga. Hjá hjónum og sambýlisfólki ræður aldur þess er fyrr verður 67 ára. Afsláttur nær einungis til íbúðarhúsnæðis sem viðkomandi býr sjálfur í.

Afsláttur ræðst af tekjum undanfarandi árs. Afslátturinn er reiknaður til bráðabirgða við álagningu út frá öllum skattskyldum tekjum einstaklings eða hjóna/sambúðarfólks, þ.m.t. eigna- og fjármagnstekjum samkvæmt síðasta skattframtali, en þegar staðfest skattframtal liggur fyrir vegna tekna síðasta árs er afsláttur endurskoðaður og leiðréttur.

Tekjumörk eru ákveðin af byggðarráði Borgarbyggðar í desember á hverju ári og eru nú:

Fyrir einstaklinga, (tekjur á árinu 2024):

með tekjur allt að kr. 5.065.000 er veittur 100% afsláttur

með tekjur á bilinu kr. 5.065.001 - 5.864.000 er veittur 75% afsláttur

með tekjur á bilinu kr. 5.864.001 - 6.654.000 er veittur 50% afsláttur

Fyrir hjón (tekjur á árinu 2024):

með tekjur allt að kr. 8.375.000 er veittur 100% afsláttur

með tekjur á bilinu kr. 8.375.001 - 9.364.000 er veittur 75% afsláttur

með tekjur á bilinu kr. 9.364.001 - 10.464.000 er veittur 50% afsláttur

Byggðarráð samþykkir að fyrirkomulag afsláttar á fasteignskatt elli- og örorkulífeyrisþega í Borgarbyggð verði með óbreyttum hætti en hækkun verði 5,6% frá fyrra ári sem er í takt við breytingu á launavísitölu á milli ára og hækkun ellilífeyris hjá Tryggingastofnun ríkisins á milli ára.





Samþykkt samhljóða

11. Sorpútboð 2024

Afgreiðsla fundar byggðarráðs Borgarbyggðar frá fundi nr. 692: "Framlögð opnunarskýrsla vegna útboðs fyrir úrgangsþjónustu fyrir Borgarbyggð en opnunarfundur fór fram 18. desember 2024.



Framlögð opnunarskýrsla og sveitarstjóra falið að láta fara fram mat á tilboðum í samstarfi við ráðgjafa.

Samþykkt samhljóða."

Opnunarskýrsla vegna útboðs um úrgangsþjónustu fyrir Borgarbyggð, dags. 18.12.2024 framlögð.



Samþykkt samhljóða

12. Verðfyrirspurn v. tjaldsvæða í Borgarnesi og Varmalandi

Afgreiðsla byggðarráðs Borgarbyggðar frá fundi nr. 693: "Rætt um fyrirkomulag rekstrar tjaldsvæða í Borgarbyggð en samningar um rekstur þeirra eru lausir.



Tjaldsvæðin í Borgarnesi og á Varmalandi eru í eigu sveitarfélagsins. Byggðarráð leggur til, að fenginni umsögn Umhverfis- og landbúnaðarnefndar, að sveitarstjóra verði falið að auglýsa eftir áhugasömum aðilum um að taka við rekstri hvors tjaldsvæðis um sig. Að mati byggðarráðs er vannýtt tækifæri í sveitarfélaginu til að laða að ferðamenn sem kjósa að dvelja á tjaldsvæðum til lengri eða skemmri tíma og að tjaldsvæðin styðji við aðra ferðaþjónustu á svæðinu. Við val á samningsaðilum verði því horft til þátta á borð við beinar leigutekjur sveitarfélagsins, leigutíma, áform rekstraraðila um uppbyggingu, markaðssetningu, sjálfbærni o.s.frv. Einnig hvernig rekstraraðili sjái fyrir sér að starfsemin styðji ferðaþjónustu í sveitarfélaginu almennt og fjárhagslegar forsendur séu til staðar. Byggðarráð óskar eftir því að sveitarstjóri vinni auglýsingu á þeim grunni.

Samþykkt samhljóða."

Sveitarstjórn staðfestir að auglýst verði eftir áhugasömum aðilum um að taka við rekstri tjaldsvæðanna í Borgarnesi og á Varmalandi. Við val á samningsaðilum verði horft til þátta á borð við beinar leigutekjur sveitarfélagsins, leigutíma, áform rekstraraðila um uppbyggingu, markaðssetningu, sjálfbærni o.s.frv. Einnig hvernig rekstraraðili sjái fyrir sér að starfsemin styðji ferðaþjónustu í sveitarfélaginu almennt og fjárhagslegar forsendur séu til staðar.



Samþykkt samhljóða

13. Reglur á fjölskyldusviði

Afgreiðsla velferðarnefndar frá fundi nefndarinnar nr. 155:" KPMG hefur unnið að breytingum á regluverki í velferðarþjónustu Borgarbyggðar. Lagðar eru fram reglur um fjárhagsaðstoð, reglur um sérstakan húsnæðisstuðningi og reglur um félagslegt leiguhúsnæði. Einnig eru lagðar fram nýjar reglur er snúa að akstursþjónustu fyrir bæði aldraða og fatlaða.



KPMG hefur unnið að breytingum á regluverki í velferðarþjónustu Borgarbyggðar. Lagðar eru fram reglur um fjárhagsaðstoð, reglur um sérstakan húsnæðisstuðningi og reglur um félagslegt leiguhúsnæði. Einnig eru lagðar fram nýjar reglur er snúa að akstursþjónustu fyrir bæði aldraða og fatlaða. Velferðarnefnd leggur til við sveitastjórn að samþykkja uppfærðar reglur. Samþykkt samhljóða."

Sveitarstjórn staðfestir reglur um fjárhagsaðstoð

Samþykkt samhljóða



Sveitarstjórn staðfestir reglur um sérstakan húsnæðisstuðning

Samþykkt samhljóða



Sveitarstjórn staðfestir reglur um félagslegt leiguhúsnæði

Samþykkt samhljóða



Sveitarstjórn staðfestir reglur um akstursþjónustu fatlaðs fólks

Samþykkt samhljóða



Sveitarstjórn staðfestir reglur um akstursþjónustu fyrir aldraða

Samþykkt samhljóða

14. Íþróttasvæði Borgarnesi - Deiliskipulag

Afgreiðsla 69. fundar skipulags- og byggingarnefndar: "Skipulags- og byggingarnefnd, sem fer með fullnaðarafgreiðsluvald sveitarstjórnar skv. samþykkt um stjórn Borgarbyggðar, samþykkir framlagða tillögu með þeim fyrirvara að sveitarstjórn samþykki aðalskipulagsbreytingu sem gerð er samhliða, samkvæmt 42. gr. skipulagslaga 123/2010 með þeim breytingum sem gerðar voru með tilliti til umsagna og athugasemda sem bárust á kynningartíma en breyta ekki auglýstri tillögu í grundvallaratriðum. Skipulags- og byggingarnefnd felur skipulagsfulltrúa að svara framkomnum athugasemdum umsagnaraðila. Samþykkt samhljóða".

Lagt fyrir sveitarstjórn sbr. 6. gr. viðauka 1.1. samþykktar um stjórn Borgarbyggðar 1213/2022 m.s.br.

Lagt fram bréf Skipulagsstofnunar dags. 13.12.2024 og svör við athugasemdum stofnunarinnar ásamt uppfærðum gögnum, uppdráttur er dags. 03.10.2024 br. 15.01.2025 og greinagerð dags. október 2024, lagfært í desember 2024 og í janúar 2025.

Í samræmi við 41. og 42. gr. skipulagslaga nr. 123/2010 samþykkir sveitarstjórn framlagt deiliskipulag með þeim breytingum sem gerðar hafa verið á auglýstri deiliskipulagstillögu með tilliti til umsagna og athugasemda sem bárust á kynningartíma og athugasemda Skipulagsstofnunar. Umræddar breytingar breyta ekki auglýstri tillögu í grundvallaratriðum og skal því samþykkt deiliskipulagsins auglýst í B. deild Stjórnartíðinda í samræmi við lokamálslið 1.mgr. 42. gr. skipulagslaga.



Samþykkt samhljóða

15. Tilboð í landskika að Búrfelli

Afgreiðsla frá 692. fundi byggðarráðs: "Lagt er fyrir byggðarráð að taka afstöðu til tilboðs sem barst sveitarfélaginu vorið 2022. Það er óheppilegt að það hafi ekki verið fullafgreitt þá þegar. Byggðarráð leggur til við sveitarstjórn að fallið verði frá þeirri fyrirætlan að selja 50% hlut Borgarbyggðar í landinu Búrfelli. Að mati byggðarráðs mæla ýmis formsatriði gegn sölu að svo komnu máli, svo sem fyrirkomulag eignarhalds, endurnýja þyrfti verðmat og uppmælingu. Framundan er að leggja heildstætt mat á eignir Borgarbyggðar m.a. til þess að móta afstöðu um hvaða eignir megi setja á sölu. Samþykkt samhljóða."

Sveitarstjórn fellur frá sölu á 50% hlut Borgarbyggðar í landinu Búrfelli Fjalllendi landnúmer 196014 og fastanúmer eignarhluta 233-4680.



Samþykkt samhljóða

16. Kosningar í ráð og nefndir 2022-2026

Hafdís Lára Halldórsdóttir hefur beðist lausnar sem varamaður fyrir Framsóknarflokkinn (B lista) í sveitarstjórn.



Næsti fulltrúi inn sem varamaður í sveitarstjórn er Sonja Lind Eyglóardóttir Estrajher skv. uppröðun á framboðslista Framsóknarflokksins (B lista).

Sveitarstjórn veitir Hafdísi Láru Halldórsdóttur lausn frá störfum sínum sem varamaður í sveitarstjórn og þakkar henni fyrir góð störf í þágu sveitarfélagsins. Sveitarstjórn staðfestir að næsti fullrúi sem kemur inn sem varamaður í sveitarstjórn skv. uppröðun á framboðslista Framsóknarflokksins (B-lista) sé Sonja Lind Eyglóardóttir Estrajher.





Samþykkt samhljóða

17. Borgarbraut 55_Breyting á deiliskipulagi

Afgreiðsla 46. afgreiðslufundar skipulagsfulltrúa: "Skipulagsfulltrúi, sem fer með fullnaðarafgreiðsluvald sveitarstjórnar skv. samþykkt um stjórn Borgarbyggðar, samþykkir framlagða breytingu á deiliskipulagi samkvæmt 42. gr. skipulagslaga 123/2010.".

Breyting á deiliskipulagi fyrir Borgarbraut 55, 57 og 59 er á við um Borgarbraut 55 hefur verið auglýst samkvæmt 41. gr. skiplagslaga 123/2010. Kynningartími var frá 16.10.2024-27.11.2024 og óskað eftir umsögnum lögbundinna umsagnaraðila. Engar athugasemdir bárust frá hagsmunaaðilum á kynningartíma. Lagður er fram uppdráttur og greinargerð dags. 28.8.2024 br. 2.12.2024."

Lagt fyrir sveitarstjórn sbr. 6. gr. viðauka 1.1. samþykktar um stjórn Borgarbyggðar 1213/2022 m.s.br.

Í samræmi við 41. og 42. gr. skipulagslaga nr. 123/2010 samþykkir sveitarstjórn framlagt deiliskipulag með þeim breytingum sem gerðar hafa verið á auglýstri deiliskipulagstillögu með tilliti til umsagna og athugasemda sem bárust á kynningartíma. Umræddar breytingar breyta ekki auglýstri tillögu í grundvallaratriðum og skal því samþykkt deiliskipulagsins auglýst í B. deild Stjórnartíðinda í samræmi við lokamálslið 1.mgr. 42. gr. skipulagslaga.





Samþykkt samhljóða

18. Vatnsveita Hraunhrepps_ fundagerð 9.12.2024

Framlögð fundargerð stjórnar Vatnsveitu Hraunhrepps dags. 9.12.2024.

Fundargerð framlögð.

19. Byggðarráð Borgarbyggðar - 692

Fundargerð framlögð

20. Byggðarráð Borgarbyggðar - 693

Fundargerð framlögð

21. Byggðarráð Borgarbyggðar - 694

Fundargerð framlögð

22. Fræðslunefnd Borgarbyggðar - 239

Fundargerð framlögð

23. Umhverfis- og landbúnaðarnefnd - 73

Fundargerð framlögð

24. Skipulags- og byggingarnefnd Borgarbyggðar - 72

Fundargerð framlögð

25. Velferðarnefnd Borgarbyggðar - 156

Fundargerð framlögð