Skipulags- og byggingarnefnd Borgarbyggðar

1. Vindorkugarður á Hælsheiði_Kynning matsáætlunar

Borgarbyggð hefur borist beiðni um umsögn í samræmi við 21. gr. laga um umhverfismat framkvæmda og áætlana nr. 111/2021 frá Skipulagsstofnun vegna kynningar á matsáætlun vegna vindorkugarðs á Hælsheiði í Borgarbyggð L134412. Svæðið á Hælsheiði í Flókadal er í landi Hæls (lnr. 134412) og Steindórsstaða (lnr. 134469). Leitast er eftir því hvort Borgarbyggð hafi athugasemdir við það hvernig framkvæmdaaðili hyggst vinna að umhverfismatinu svo sem út frá skilgreiningu valkosta, gagnaöflunar, úrvinnslu gagna, umhverfismati og á framsetningu umhverfismatsskýrslu. Eru einhver atriði sem Borgarbyggð telur að þurfi að gera frekari skil á eða hafa í huga við umhverfismat framkvæmdarinnar. Einnig hvaða leyfi framkvæmdin sé háð frá sveitarfélaginu.

Framkvæmdaaðili er Zephyr Iceland ehf., dótturfyrirtæki norska vindorkufyrirtækisins Zephyr AS. Hreyfiafl ehf. er hluthafi. Zephyr AS hefur mikla reynslu á sviði vindorku, er með 800 MW af vindafli í rekstir í Noregi og eru nú að virkja 200 MW til viðbótar í Noregi og Svíþjóð í samstarfi við sænska ríkisorkurfyrirtækið Vattenfall. Fyrirhuguð framkvæmd á Hælsheiði gæti gefið allt að 150 MW af orku og mögulega yrði garðurinn reistur í áföngum. Engin mannvirki eru nú á fyrirhuguðu framkvæmdasvæði. Í vefsjá endurskoðunar er landnotkunin annras vegar Landbúnaðarsvæði L9 (Skorradalsháls, Hælsheiði og Augastaðafjall) og hins vegar Óbyggð svæði ÓB4 (Ok, Kaldidalur og Uxahryggir). Landbúnaðarlandið er í flokki 3-4 sem er sæmilegt og lélegt ræktunarland.

Lögð er fram matsáætlun dags. desember 2024 unnin af Cowi.

Skipulags- og byggingarnefnd felur skipulagsfulltrúa að fullvinna umsögn um kynningu á matsáætlun vegna vindorkugarðs á Hælsheiði í Flókadal út frá þeim ábendingum og umræðum sem komu fram á fundinum og vísar til endanlegrar afgreiðslu hjá sveitarstjórn.

Samþykkt samhljóða.

2. Seleyrarland - Fyrirspurn um skipulagsmál

Lögð er fram fyrirspurn fh. landeiganda Seleyrarlands (lnr. 210362) um breytingu á landnotkun úr landbúnaðarlandi í frístundabyggð með heilsárshúsum.

Meðfylgjandi er riss af mögulegu útliti frístundabyggðar, staðsetningu og aðkomu.

Lóðin er með notkunina Annað land og er skráð 17,7 ha að stærð. Í núgildandi aðalskipulagi er landnotkun svæðis landbúnaðarland í flokki 3-4, sæmilegt til lélegt ræktunarland. Ekkert deiliskipulag er af svæðinu.

Innan 4 km fjarlægðar eru 2 óuppbyggð frístundasvæði í Borgarbyggð í landi Grjóteyrar og Árdals. Í innan við 1 km fjarlægðar er frístundasvæði í Hvalfjarðarsveit í landi Hafnar 2. Svæðið sem um ræðir stendur í yfir 5m hæð yfir sjávarmáli og innan þess er náttúrulegur birkiskógur.

Skipulags- og byggingarnefnd telur að meðfylgjandi gögn séu ekki fullnægjandi til að taka afstöðu til málsins og felur skipulagsfulltrúa að leiðbeina málsaðila varðandi mögulega breytingu á landnotkun svæðis.

Samþykkt samhljóða.

3. Birkilundur 3 - Umsókn um byggingaráform og byggingarleyfi

Á 46. afgreiðslufundi skipulagsfulltrúa var eftirfarandi máli vísað til afgreiðslu í skipulags- og byggingarnefnd.

Lögð er inn umsókn um byggingarleyfi fyrir 54,4fm stækkun á þegar byggðum sumarbústað á lóðinni Birkilundur 3 (lnr. 134547). Sumarbústaður er nú 51,4fm að stærð og verður því 105,8fm eftir stækkun. Deiliskipulag á svæðinu er í vinnslu. Lóðin er skilgreind sumarbústaðalóð í Frístundabyggð Húsafells 2 og 3 (F127).

Skipulags- og byggingarnefnd, sem fer með fullnaðarafgreiðsluvald sveitarstjórnar skv. samþykkt um stjórn Borgarbyggðar, synjar erindinu með vísun í gr. 5.3.2.12 skipulagsreglugerðar 90/2013 þar sem kemur fram að ekki skal byggja nær lóðamörkum en 10 metra. Nefndin bendir einnig á að í vinnslu er deiliskipulag fyrir svæðið.

Samþykkt samhljóða.

4. Umsókn um stofnun lóða - Deildartunga 2

Á afgreiðslufundi skipulagsfulltrúa nr. 47 þann 17. desember 2024 var eftirfarandi máli vísað til skipulags- og byggingarnefndar til afgreiðslu.

Lögð er fram ósk um stofnun nýrrar lóðar Deildartunga 2 spilda úr landi Deildartunga 2 lnr. 134400 í Borgarbyggð. Engin mannvirki eru á lóðinni. Ekkert deiliskipulag er á svæðinu (sjá merkjalýsingu). Lóðin er 21450 fm að stærð og skilgreind sem landbúnaðarland og verslun og þjónusta í aðalskipulagi.

Skipulags- og byggingarnefnd tekur jákvætt í erindið en óskar eftir því að landeigendur skili inn mati ráðunautar þar sem landið flokkast sem mjög gott ræktanlegt land í aðalskipulagi áður en nefndin tekur afstöðu til breyttrar landnotkunar.

Samþykkt samhljóða.

5. Álfabrekka 11, sameinaðar landeignir

Lögð er fram tillaga að breytingu á deiliskipulagi frístundabyggðar í landi Ytri-Skeljabrekku. Breytingin tekur til uppskiptingar á lóð 11 í Álfabrekku þar sem lóðinni er skipt upp í lóðir 5, 6, 7, 9 og 11. Breytingin er í samræmi við þegar stofnaðar lóðir á svæðinu og ekki í ósamræmi við þá byggð sem fyrir er t.d. hvað varðar notkun, nýtingarhlutfall, útlit og form svæðis. Ekki er talið að breytingin varði hagsmuni annarra en sveitarfélagsins og umsækjanda. Hönnuður er á lista Skipulagsstofnunar um samþykkta ráðgjafa.



Uppdráttur dags. 17.12.2024

Skipulags- og byggingarnefnd, sem fer með fullnaðarafgreiðsluvald sveitarstjórnar skv. samþykkt um stjórn Borgarbyggðar, samþykkir framlagða óverulega breytingu á deiliskipulagi skv. 42. gr. skipulagslaga 123/2010. Breytingin á við um svo óveruleg frávik að hagsmunir nágranna skerðast í engu hvað varðar landnotkun, útsýni, skuggavarp eða innsýn.



Málsmeðferð verður skv. 2. mgr. 43. gr. skipulagslaga og 3. mgr. 44. gr. sömu laga.



Samþykkt samhljóða.

6. Afgreiðslufundur skipulagsfulltrúa - 46

Lögð er fram fundargerð afgreiðslufundar 46 þann 10.12.2024.

7. Afgreiðslufundur skipulagsfulltrúa - 47

Lögð er fram fundargerð afgreiðslufundar 76 þann 16.12.2024.

8. Afgreiðslufundur skipulagsfulltrúa - 48

Lögð er fram fundargerð afgreiðslufundar 48 þann 23.12.2024.

9. Afgreiðslur byggingarfulltrúa - 236

Lögð er fram fundargerð byggingarfulltrúa 236 þann 19.12.2024.