Sveitarstjórn Borgarbyggðar

Í niðurstöðum fagráðs eftir yfirferð á framkominni skýrslu Húsnæðis- og mannvirkjastofnunar er lögð áhersla á að loftfylling lofthylkja verði endurnýjuð í samræmi við niðurstöðu skýrslu HMS til að bæta loftgæði lofthylkjanna og keypt ný loftpressa. Óskar fagráð eftir að ný loftpressa og aðstaða fyrir hana verði keypt á árinu 2021 og gerður viðauki við fjárhagsáætlun.

Byggðarráð bendir á að endurnýjun loftpressu og aðstöðu til loftfyllinga var ekki á forgangslista slökkviliðs Borgarbyggðar sem byggðarráð óskaði eftir fyrir gerð fjárhagsáætlunar 2021. Fyrst í forgangsröðun var að fá fleiri bil í húsi slökkviliðsins að Sólbakka og er verið að vinna að því að finna nýtt húsnæði fyrir safngeymslu Safnahúss Borgarbyggðar til þess að slökkvilið fái það aukna rými sem þörf er á. Númer tvö í forgangsröðun var að fá herbergi til kennslu og funda, þ.e. herbergið sem Sögufélag Borgarfjarðar hafði til umráða. Slökkviliðið hefur fengið herbergið til umráða og verður herbergið nýtt á sem bestan hátt til að leysa aðstöðuleysi slökkviliðsins tímabundið. Í nýrri samantekt forgangsröðunar í 10 ára uppbyggingaráætlun slökkviliðsins er í fyrsta forgangi að fá allt húsnæðið að Sólbakka 13-15, sem er í vinnslu. Stærra húsnæði er ætlað að leysa nokkur þeirra atriða sem gerðar eru athugsemdir við í úttekt slökkviliðs Borgarbyggðar, svo sem búningaraðstöðu og þvotta- og hreinlætisaðstöðu. Ný loftpressa í öðrum forgangi.

Allar fjárfestingar og rekstur sveitarfélaga þurfa að vera ákvarðaðar í fjárhagsáætlun ársins. Sveitarstjórn getur þó ákveðið að gera viðauka við fjárhagsáætlun þegar upp koma óviðráðanlegar aðstæður eða með samþykki sveitarstjórnar.

Sveitarstjórn Borgarbyggðar hefur unnið að því undanfarin ár að bæta þau atriði sem gerð er athugasemd við í úttektum Húsnæðis- og mannvirkjastofnunar. Sem dæmi má nefna var ráðinn aðstoðar slökkviliðstjóri og eldvarnarfulltrúi m.a. til að bæta eldvarnareftirlit sveitarfélagsins, vinna með slökkviliðsstjóra að ýmsum lögskyldum áætlunum og auka þjálfun og menntun slökkviliðsmanna. Búnaður slökkviliðsmanna hefur verið bættur og keyptur körfubíll og byrjað á endurnýjun bifreiða. Eins og að framan segir hefur slökkviliðið á árinu 2021 fengið herbergi til afnota sem áður var notað af Sögufélagi Borgfirðinga, áætlað er að allt húsnæðið að Sólbakka 13-15 verði nýtt af slökkviliðinu þegar önnur húsnæðismál leysast og verið er að skoða nýtt húsnæði fyrir slökkviliðið og bifreið þess á Bifröst.

Byggðarráð bendir sérstaklega á að rekstrarkostnaður slökkviliðsins hefur á þremur árum meira en tvöfaldast. Á árinu 2018 var kostnaður við slökkviliði tæpar 35 milljónir króna en á árinu 2021 er áætlað að kostnaðurinn verði tæpar 77 milljónir króna. Það gefur því auga leið að miklar breytingar hafa átt sér stað í rekstri slökkviliðsins og eru í farvatninu og unnið sé að því að koma til móts við athugasemdir úttektar Húsnæðis- og mannvirkjastofnun á slökkviliðinu.

Byggðarráð vísar kaupum á loftpressu til fjárhagsáætlun 2022, kostnaðaráætlun verði gerð fyrir kaupin á loftpressu og þeim breytingum sem þarf að gera á húsnæðinu. Byggðarráð leggur til að undirbúningur verði með þeim hætti að hægt sé að ganga frá kaupum í janúar n.k. Önnur þau atriði sem lagt er til að fari á fjárhagsáætlun ársins 2022 skal slökkviliðsstjóri gera ráð fyrir í tillögu sinni að fjárhagsáætlun og í samræmi við framangreinda forgangsröðun í 10 ára uppbyggingaráætlun.

Byggðarráð fagnar þeim áfanga sem náðist með undirritun viljayfirlýsingar um að hjá Landbúnaðarháskóla Íslands og Háskólanum á Bifröst byggist upp nýsköpunar- og þróunarsetur þar sem lögð verður áhersla á að efla nýsköpun, rannsóknir, fræðslu og frumkvöðlastarf á sviði landbúnaðar, matvælaframleiðslu, sjálfbærni og loftlagsmála.
Borgarbyggð fagnar enn fremur samstarfi háskólanna tveggja í sveitarfélaginu en verðmætasköpun þeirra fyrir sveitarfélagið og landsbyggðanna í heild mun aukast með þeim áherslum sem settar eru fram í nýsköpunar- og þróunarsetrinu.

Fundargerðin lögð fram til kynningar.

Byggðarráð þakkar Guðmundi fyrir yfirferðina.

Byggðarráð fellur frá þátttöku í rammasamningi um Microsoft hugbúnaðarleyfin. En ákveður að taka þátt í rammasamningi um ljósritunarpappír og nýjum rammasamningi um rafrænar undirskriftir.

Fimmtudaginn 12. ágúst sl. undirrituðu Páll Guðmundsson, Sæmundur Ásgeirsson og Borgarbyggð undir þríhliðasamkomulag um lúkningu mála varðandi skipulags- og byggingarmál er varða Húsafell 1 og Bæjargil. Megin inntak samkomulagsins er að breytingar á aðalskipulagi á svæðinu skuli einungis taka til Bæjargils og Húsafells 1 og að unnið verði nýtt deiliskipulag fyrir sama svæði. Aðilar máls voru sammála um að deiliskipulag yrði unnið í samræmi við teikningu sem er fylgiskjal með samkomulaginu. Borgarbyggð greiddi hvorum aðila fyrir sig 5 milljónir króna við undirritun samkomulagsins vegna kostnaðar tengdum skipulags- og byggingarmálum á svæðinu. Aðilar voru sammála því að þeir geri ekki aðrar kröfur hvor á hendur hinum vegna skipulags- og byggingarmála umfram það sem fram kemur í samningnum.

Byggðarráð Borgarbyggðar fagnar þeirri niðurstöðu sem náðist með samkomulaginu og vinnur nú að þeim ákvörðunum sem teknar voru í samstarfi við aðila samkomulagsins. Það var ekki einsýnt að samkomulag næðist milli aðila en allir lögðu sitt að mörkum til þess að sátt myndi nást.

Málið hefur verið í vinnslu í mörg ár og ljóst er að sveitarfélagið gerði mistök sem höfðu áhrif á framgang málsins og biðst byggðarráð fyrir hönd sveitarfélagsins alla málsaðila innilegrar afsökunar á þeim mistökum.

Byggðarráð vísar því til fjárhagsáætlunar 2022 að skólalóðin við Grunnskóla Borgarfarðar á Hvanneyri verði teiknuð upp og kaup á nýju leiktæki á lóðina, þar sem sem Heilbrigðiseftirlit Vesturlands hefur óskað eftir kastali verði fjarlægður vegna öryggis.

Byggðarráð vísar erindinu til umsagnar í fjallskilanefnd Rauðsgilsréttar og afgreiðslu í umhverfis- og landbúnaðarnefnd.

Nemendum í einum bekk við Grunnskólann í Borgarnesi fjölgaði úr 22 í 26 milli ára. Áætlað var að bekkurinn hefði einn umsjónarkennara, en vegna framangreindrar fjölgunar sjá skólastjórnendur ekki annan kost en að ráða inn annan umsjónarkennara í a.m.k. 80% stöðu. Um er að ræða aukningu stöðugilda, en þó stöðugildi sem samsvara minna en 80% stöðu vegna annarra breytinga við stofnunina. Byggðarráð samþykkir beiðnina, en mikilvægt er að starfsmaðurinn hefji störf sem fyrst. Byggðarráð felur sveitarstjóra að leita leiða til að færa milli fjárhagsliða í fjárhagsáætlun til að ekki þurfi að gera viðauka vegna viðbótarinnar. Reynist það ógerlegt felur byggðarráð sveitarstjóra að gera drög að viðauka vegna málsins og leggja fyrir byggðarráð.

Byggðarráð þakkar Guðnýju Jórunni fyrir kynninguna og hennar störf fyrir Borgarbyggð í sumar. Byggðarráð óskar jafnframt eftir því að skýrslan verði kynnt öðrum nefndum og starfsfólki Borgarbyggðar.
Byggðarráð vísar skýrslunni til áframhaldandi vinnu og forgangsröðun í umhverfis- og landbúnaðarnefnd.

Lagt fram til kynningar.

Byggðarráð þakkar Jónu Guðrúnu fyrir kynninguna og hennar störf fyrir Borgarbyggð í sumar. Byggðarráð óskar jafnframt eftir því að skýrslan fari til vinnslu í umhverfis- og framkvæmdadeild og úrbótum forgangsraðað í fjárhagsáætlun.

Lagt fram til kynningar.

Málinu er frestað til afgreiðslu næsta fundar byggðarráðs.

Byggðarráð samþykkir framlagða umsókn Jónasar Guðjónssonar um lóðina að Lóuflöt 4, Hvanneyri.

Sveitarstjóri kynnti stöðu í húsnæðismálum og fyrirliggjandi möguleikum til úrlausna. Byggðarráð felur sveitarstjóra að vinna áfram að málinu í samræmi við umræður á fundinum, varðandi húsnæði fyrir Ölduna, áhaldahús og safngeymslu fyrir Safnahús.

Í áliti samgöngu- og sveitarstjórnarráðuneytisins sem var gefið út 18. ágúst sl. kemur fram að í ljósi þeirra aðgerða sem sveitarfélagið hefur gripið til að tryggja að stjórnsýsla sveitarfélagsins sé í samræmi við lög, þá telji ráðuneytið ekki tilefni til að ljúka álitinu með fyrirmælum til sveitarfélagsins. Sveitarfélagið mun gefa ráðuneytinu upplýsingar í upphafi árs 2022 um stöðu þeirra úrbóta sem sveitarfélagið hefur gripið til og mat sveitarstjórnar á því hvort að til hafi tekist að koma í veg fyrir þá kerfisbundnu annamarka sem voru í skipulags- og byggingarmálum sveitarfélagsins. Mikil umbótavinna hjá sveitarfélaginu, með áherslu á skipulags- og byggingarmál og góða þjónustu, gerð verkferla og breytt vinnubrögð til þess að koma í veg fyrir að þá kerfisbundnu annmarka sem hafa verið á þessum málaflokk haldi áfram.

Byggðarráð felur forseta sveitarstjórnar að vinna áfram að málinu.

Byggðarráð felur sveitarstjóra að vinna að samkomulagi um nýja verkáætlun og þeirra krafna og athugasemda sem verktakar hafa komið á framfæri.

Lagt fram til kynningar.

Byggðarráð felur sveitarstjóra að vinna að lausn málsins til þess að fjármagna úrbætur skv. gildandi fjárfestingar- og fjárhagsáætlun.

Byggðarráð samþykkir framlagðan samning og felur sveitarstjóra að undirrita samninginn fyrir hönd Borgarbyggðar með fyrirvara um samþykkt sveitarstjórnar.

Byggðarráð samþykkir framlagðan samning og felur sveitarstjóra að undirrita samninginn fyrir hönd Borgarbyggðar með fyrirvara um samþykkt sveitarstjórnar.

Byggðarráð felur fjármálastjóra að halda áfram með vinnu við fjárhagsáætlun og fjárfestingaráætlun ársins 2022, skipuleggja vinnufundi með forstöðumönnum og sveitarstjóra falið að skipuleggja vinnufund sveitarstjórnar um fjárhagsáætlun.

Fulltrúar Borgarbyggðar sem eiga sæti á haustþingi SSV eru sem aðalmenn Lilja Björg Ágústsdóttir, Magnús Smári Snorrason, Davíð Sigurðsson, Sigrún Sjöfn Ámundadóttir og Þórdís Sif Sigurðardóttir, en til vara eru Silja Eyrún Steingrímsdóttir, Logi Sigurðsson, Finnbogi Leifsson, Orri Jónsson og Eiríkur Ólafsson.

Lögð fram til kynningar.

Lagt fram til kynningar.

Lagt fram til kynningar.

Byggðarráð felur sveitarstjóri að gera gagntilboð í samræmi við umræður á fundinum, m.a. með skilyrði um framkvæmdum verði lokið fyrir innan 18 mánaða frá afhendingu og afsal fari fram við lokaúttekt.

Lagt fram til kynningar.

Byggðarráð þakkar Kristjáni Finn Kristjánssyni, fráfarandi umsjónarmanni eigna fyrir yfirferðina. Fjármagn til viðhalds á árinu var skorið niður, en viðhaldsféð var nýtt eins og best verður á kosið til verndar á eignum sveitarfélagsins.

Byggðarráð samþykkir að veita umsækjanda styrk að fjárhæð 25 þúsund krónur í samræmi við reglur um styrk til endurnýjunar rotþróa. Byggðarráð felur umhverfis- og landbúnaðarnefnd að endurskoða framangreindar reglur.

Byggðarráð vísar kaupsamningnum til samþykktar í sveitarstjórn.

Byggðarráð felur sveitarstjóra að semja við fasteignasölu um sölu fasteignarinnar að Borgarbraut 55, ásamt lóðarleigusamnings, til niðurrifs og uppbyggingar í samræmi við gildandi deiliskipulag.

Byggðarráð samþykkir þær breytingar sem lagt er til að gerðar verði á samþykktum Heilbrigðiseftirlits Vesturlands sem fela í sér að Kjósahreppur verði hluti af starfssvæði HEV.

Lögð fram til kynningar.

Umhverfis-og landbúnaðarnefnd leggur til að breytingar verði gerðar á drögum um samþykkt um búfjárhald í samræmi við umsögn Bændasamtaka Íslands. Nefndin hvetur sveitarstjórn til að standa fyrir ítarlegri kynningu á samþykktinni að lokinni gildistöku. Endanlegri afgreiðslu vísað til sveitarstjórnar.

Lagt fram til kynningar.

Umsóknin er í samræmi við staðfest skipulag og uppfyllir skilyrði 18. gr. Jarðalaga nr. 81/2004. Umhverfis- og landbúnaðarnefnd gerir ekki athugasemd við stofnun lögbýlis en telur æskilegt að föst búseta fylgi stofnun lögbýlis. Nefndin veitir jákvæða umsögn um umsóknina og leggur þá ákvörðun fyrir sveitarstjórn til staðfestingar.

Umhverfis- og landbúnaðarnefnd telur að í 8. gr. Laga um meðhöndlun úrgangs nr. 55/2003 m. s.br. komi fram skýr heimild sveitarfélagsins til að mæla fyrir um fyrirkomulag söfnunar á heimilis- og rekstrarúrgangi. Nefndin leggur til að gerðar verði breytingar á samþykkt um meðhöndlun úrgangs í Borgarbyggð þar sem skýrt er kveðið á um fyrirkomulag og gjaldskrá vegna söfnunar og förgunar dýraleifa frá lögbýlum. Að öðru leyti telur nefndin ekki ástæðu til að breyta fyrirkomulagi þjónustunnar. Endanlegri afgreiðslu er vísað til sveitarstjórnar.

Umhverfis og landbúnaðarnefnd telur mikilvægt að vernda leirur í Borgarvogi með friðlýsingu. Of mörgum spurningum sé hins vegar ósvarað varðandi möguleika á framtíðarnýtingu svæðisins fyrir vestan Borgarvog og tengingu þess við núverandi íbúabyggð. Nefndin leggur til að sveitarstjórn fái skýr svör varðandi heimildir til innviðauppbyggingar innan svæðisins áður en tillaga að auglýsingu um friðlýsingu er samþykkt í sveitarstjórn.

Verkefni sem hlutu styrk úr sjóði til að efla hringrásarhagkerfið kynnt. Umhverfis- og landbúnaðarnefnd fagnar stuðningi ráðuneytisins og felur deild umhverfis-og framkvæmdamála að vinna áfram að framgangi þessara verkefna. Nefndin leggur áherslu á að söfnun brotajárns verði kynnt ítarlega fyrir jarðareigendum í sveitarfélaginu.

Umhverfis- og landbúnaðarnefnd hvetur íbúa til að senda inn tilnefningar til umhverfisviðurkenninga. Frestur til að senda inn tilnefningar er til 31. ágúst. Viðurkenningarnar verða veittar á fundi Umhverfis- og landbúnaðarnefndar þann 21. október.

Umhverfis- og landbúnaðarnefnd þakkar góða kynningu. Nefndin mun halda áfram að vinna með skýrsluna og móta tillögur til framtíðar.

Lagt fram til kynningar.

Lagt fram til kynningar.

Skipulags- og byggingarnefnd felur skipulagsfulltrúa að skipuleggja kynningar þeirra sex ráðgjafastofa sem haft hefur verið samband við vegna vinnu á endurskoðun aðalskipulags. Nefndin óskar eftir því að Umhverfis- og skipulagsnefnd og fulltrúar sveitarstjórnar verði viðstaddir kynningarnar.

Skipulags- og byggingarnefnd leggur til að sveitarstjórn heimili stofnun lóðarinnar Heiðarbýli, stærð 122 ha úr landinu Hraunsmúli L136060. Landnotkunarflokkurinn verður Annað land.

Skipulags- og byggingarnefnd leggur til að sveitarstjórn heimili stofnun lóðarinnar Litli-Ás, stærð 3ha úr landinu Stóri-Ás L134513. Er þetta á grundvelli nýs deiliskipulags, Byggingarlóð í landi Stóra-Áss dgs. 27.04.2021.

Fulltrúar Umhverfisstofnunar kynntu tillögu að skilmálum friðlýsingar Borgarvogs.

Skipulags- og byggingarnefnd felur skipulags- og byggingardeild að vinna málið áfram með landeigendum og óskað er eftir frekari gögnum.

Skipulags- og byggingarnefnd telur að umræddur rekstur sé í samræmi við þá starfsemi sem nú þegar er á svæðinu. Jafnframt telur nefndin að starfsemin auki á fjölbreytni starfa í sveitarfélaginu og gerir því ekki athugasemdir.

Skipulags- og byggingarnefnd leggur til við sveitarstjórn Borgarbyggðar að samþykkja tillögu að deiliskipulagi fyrir Bjarnastaðir til auglýsingar. Lagður var fram uppdráttur dags. 02.09.2021. Deiliskipulag þetta tekur til 5,5ha svæðis til uppbyggingar á bæjarstæði jarðarinnar. Á skipulagssvæði eru fyrir tvö íbúðarhús ásamt landbúnaðarbyggingum. Fyrirhugað er að bæta þar við íbúðarhúsi á nýrri lóð er nefnist Bjarnastaðir 2. Deiliskipulag þetta samræmist gildandi aðalskipulagi. Málsmeðferð verður samkvæmt 41. grein Skipulagslaga nr. 123/2010. Endanlegri afgreiðslu vísað til sveitarstjórnar.

Skipulags- og byggingarnefnd leggur til við sveitarstjórn Borgarbyggðar að samþykkja tillögu að deiliskipulagi Seláshverfi í landi Ánabrekku til auglýsingar. Lagður var fram uppdráttur dags. 28.11.2018. Breytingin tekur til 12 frístundalóða innan frístundasvæðis F20. Svæðið er stækkað úr 7,88 ha í 8,95 ha, nýr aðkomuvegur er að lóðum 8-12 og aflagður aðkomuvegur að lóðum nr. 2, 4, 6 og 8.
Sameiginlegur vegur verður að lóðum 1-5 og 8. Tillagan samræmist aðalskipulagi Borgarbyggðar 2010-2022. Málsmeðferð verður samkvæmt 41. grein Skipulagslaga nr. 123/2010. Endanlegri afgreiðslu vísað til sveitarstjórnar.

Skipulags- og byggingarnefnd leggur til að sveitarstjórn heimili byggingarfulltrúa að samþykkja byggingaráform, þar sem grenndarkynning hefur farið fram skv. 44. gr. skipulagslaga nr. 123/2010.

Skipulags- og byggingarnefnd leggur til að sveitarstjórn heimili byggingarfulltrúa að samþykkja byggingaráform, þar sem grenndarkynning hefur farið fram skv. 44. gr. skipulagslaga nr. 123/2010.

Skipulags- og byggingarnefnd leggur til að sveitarstjórn heimili byggingarfulltrúa að samþykkja byggingaráform, þar sem grenndarkynning hefur farið fram skv. 44. gr. skipulagslaga nr. 123/2010.

Skipulags- og byggingarnefnd leggur til að sveitarstjórn heimili byggingarfulltrúa að samþykkja byggingaráform, þar sem grenndarkynning hefur farið fram skv. 44. gr. skipulagslaga nr. 123/2010.

Skipulags- og byggingarnefnd leggur til að sveitarstjórn heimili skipulagsfulltrúa að gefa út framkvæmdaleyfi tímabundið fyrir mælimastur, til 12 mánaða, á Grjóthálsi í landi Sigmundastaða.

Skipulags- og byggingarnefnd leggur til að sveitarstjórn heimili stofnun lóðarinnar Langás, stærð 26ha úr landi Munaðarnes L134915. Lóðin verður sett í landnotkunarflokkinn sumarbústaðarlóð.

Nefndin þakkar forsvarsmönnum Ljómalindar fyrir komuna á fundinn og fyrir greinagóðar upplýsingar um starfsemi upplýsingamiðstöðvarinnar.
Nefndin leggur til að sveitarstjórn endurnýi samninginn við Ljómalind fyrir árið 2022. Áfram verður skoðað með hvaða hætti upplýsingagjöf til gesta sveitarfélagsins verði háttað til framtíðar.

Nefndin fjallaði um starfs- og fjárhagsáætlun fyrir 2022. Samskiptastjóra falið að vinna áfram með áætlunina og leggja fram á næsta fund.

Álagning fjallskila á fjáreigendur sem eru 13. Tala sauðfjár til fjallskila er 2.602 samkvæmt uppgefnum tölum frá fjáreigendum. Fjallskilagjald á kind ákveðið kr. 650. Heildarálagning 1.691.300.
Dagsverkið metið á kr. 10.000
Dagsetningar leita og rétta hafa verið færðar fram um viku frá ákvæðum fjallskilareglugerðar.
Leitarstjóri í öllum afréttarleitum verður Gísli Guðjónsson. Jón Guðlaugur Guðbrandsson stjórnar leitum á Svarfhólsmúla.
Sigurður Jóhannsson getur ekki tekið að sér réttarstjórn í Hítardalsrétt og eru honum þökkuð störf liðinna ára.
Réttarstjóri í fyrstu rétt verður Sigfús Helgi Guðjónsson, í annarri og þriðju rétt Finnbogi Leifsson.

- Heiðaleit færð frá Reykholti á Giljahlíð
- Heiðaleit færð frá Kópareykjum á Hurðarbak
- Fyrirstaða færð frá Hurðarbaki á Grímsstaði
Geitlandsleit verður miðvikudaginn 29. september.
Húsafellsleit verður fimmtudaginn 16. september.
Lagt er til að bæta við tveimur mönnum sem skilamenn í Þverárrétt og tveimur leitarmönnum í Geitlandsleit.
Það er samþykkt og er lagt á:
- Skilamenn Þverárrétt ? Grímsstaðir og Kópareykir
- Geitlandsleit ? Hægindi og Skáney.

Haldið verður áfram að hækka dagverk um 1000kr. eins og hefur verið gert síðustu ár.
- Jarðargjöld hækka um 3.2%
- Fæði: 4.500kr.
- Fjárgjöld: 500kr.
- Dagsverk: 13.000kr.

Ráða þarf nýjan matráð og trúss fyrir Heiðarleit, og matráð í seinni leit, og eru samningarviðræður við Guðmund og Steinunni á Grímsstöðum fyrir Heiðarleit og Guðrúnu Þórðardóttir fyrir seinni leit.
Rauðsgilsrétt þarfnast viðhalds í ár og verður farið í það þegar nær dregur. Eitthvað af efni er til frá því í fyrra.

Kindur alls 1500, fækkun um 45 kindur. Hver kind er metin á 830 krónur. Dagsverkið metið á 10 þúsund krónur.

Farið yfir drög að fjallskilaseðli og hann samþykktur með áorðnum breytingum.
Ákveðið að ekki verði kaffisala þetta árið í fyrstu Skarðsrétt.
Rætt um smölun í skógræktargirðingu.
Rætt um smölun á Bjarnardal.
Rætt um aukningu á vargfugli við Langavatn.
Rætt um viðhald húsa við Langavatn, m.a. fyrirhugaðar lagfæringar nú í haust.

Upplýsingar um jarðamat fengnar úr Þjóðskrá.
Álagning á kind hækkar úr 450 krónum í 600 krónur.
Álagningarhlutfall á fasteingamat hækkar úr 1,25% í 1,30%
Álögð fjallskil samtals: 3.242.436 kr.
Innheimt í peningum: 1.368.436 kr.
Dagsverkamat í leitum hækkar - Norðurfjall er metið á 39.000 kr., Tunguleit metin á 31.000 og Suðurfjall metið á 29.500 kr.
Gengið frá fjallskilaseðli

Engin önnur mál.