Yfirlýsing vegna bilunar í nýju bókhaldskerfi
Þann 20. janúar 2025 var tekið í notkun nýtt bókhaldskerfi hjá Borgarbyggð, í kjölfarið komu upp villur og töf á hinum ýmsu málum tengt bókhaldinu.
Hér fyrir neðan er farið yfir tímalínu verkefnisins, þær fréttir sem voru birtar á heimasíðu sveitarfélagsins og þau áhrif sem breytingin hafði á þjónustu okkar.
Núna er komið að þeim tímapunkti að búið er að leiðrétta allar villur sem upp hafa komið.
Við viljum enn og aftur biðjast afsökunar á þessu og biðja þá sem óska eftir nánari upplýsingum að hafa samband í síma 433-7100 eða á netfangið borgarbyggd@borgarbyggd.is
3. febrúar – Fasteignagjöld
- Vakin var athygli á því að nýtt bókhaldkerfi hafði verið tekið í notkun.
- Upp kom kerfisvilla sem olli því að greiðsluseðlar í banka vegna fasteignagjalda bárust sumum fasteignaeigendum tvisvar sinnum.
4. febrúar – Töf á útsendingu reikninga
- Vegna bilunar í tölvukerfum Borgarbyggðar varð töf á útsendingu reikninga frá sveitarfélaginu.
- Um var að ræða reikninga vegna leikskólagjalda, húsaleigu og annarrar þjónustu.
- Bent var á að eindagi reikninga væri samt sem áður vera 30 dagar.
7. febrúar – Tvöfaldar kröfur vegna fasteignagjalda
- Starfsmenn héldu áfram vinnu að laga bilun í bókhaldkerfi sveitarfélagsins.
- Fasteignaeigendur sem höfðu greitt kröfu vegna fasteignagjalda tvisvar og óskuðu eftir endurgreiðslu voru beðnir um að hafa samband.
- Ef ekki var óskað eftir endurgreiðslu myndi inneign ganga upp í næstu kröfu vegna fasteignagjalda, með gjalddaga þann 15. febrúar og eindaga 17. mars 2025.
13. febrúar – Vandamál með kreditkortagreiðslur fyrir fasteignagjöld
- Til þeirra sem höfðu óskað eftir að fasteignagjöld yrðu skuldfærð af kreditkortum var bent á að því miður hefði ekki tekist að taka janúar-gjalddaga fasteignagjalda af kreditkortum á réttum tíma.
- Þess vegna voru bæði gjalddagarnir í janúar og febrúar skuldfærðir á sama kortatímabili.
- Janúar gjalddaginn var þegar kominn á kortið, en febrúargjalddaginn var færður 17. febrúar.
Tengdar fréttir
Íbúafundir um mótun þjónustustefnu Borgarbyggðar 2027
Íbúafundir um þjónustustefnu Borgarbyggðar 2027 Borgarbyggð býður íbúum til íbúafunda um þjónustustefnu sveitarfélagsins fyrir árið 2027. Þar gefst íbúum tækifæri til að kynna sér stefnuna, ræða áherslur hennar og koma sjónarmiðum sínum á framfæri. Hvað er þjónustustefna? Þjónustustefna er stefna sveitarfélagsins um þá þjónustu sem það hyggst veita í öllum byggðarlögum þess, einkum utan stærstu þéttbýliskjarna. Í henni kemur fram …
Borvinna og sprengingar hefjast við Birkiklett og Húsasmiðjuna.
Vegna framkvæmda við Birkiklett og Húsasmiðjuna stendur nú yfir borunvinna. Stefnt er að því að hefja sprengingar mánudaginn 2. nóvember og er áætlað að þær standi yfir í tvær vikur Jarðvinna er unnin af Borgarverki. Við biðjumst velvirðingar á þeim óþægindum sem framkvæmdirnar kunna að valda og þökkum fyrir skilninginn.