Borgarbyggð leitar eftir áhugasömum aðilum til að halda sumarnámskeið fyrir börn og ungmenni í sumar.
Annars vegar er um að ræða námskeið sem geta orðið hluti af Sumarfjöri fyrir börn í 1.–4. bekk, þar sem hægt er að bjóða upp á eins dags eða tveggja daga námskeið.
Hins vegar er leitað eftir aðilum sem vilja halda utan um sumarnámskeið fyrir börn í 5.–7. bekk, sem geta verið viku- eða tveggja vikna námskeið.
Dæmi um námskeið geta verið:
- útivistarnámskeið
- íþróttanámskeið
- listnámskeið
- dansnámskeið
- leikjanámskeið
- lífstíls- og framkomunámskeið
Borgarbyggð greiðir fyrir námskeiðin að hluta eða að fullu, eftir umfangi og eðli verkefnisins. Borgarbyggð er opin fyrir fjölbreyttum hugmyndum og hvetur áhugasama til að hafa samband.
Nánari upplýsingar veitir Sonja Lind Eyglóardóttir, íþrótta- og tómstundarfulltrúi
sonjalind@borgarbyggð.is og í síma 862-8908
Tengdar fréttir
Barnamenningarhátíðin OK 2026
Barnamenningarhátíðin OK hefst formlega í dag. Hátíðin er tileinkuð allri menningu barna, menningu sem börn skapa sjálf, taka þátt í og njóta. Lögð er rík áhersla á að verk og framlag barna og ungmenna fái að njóta sín í sviðsljósinu og verði gestum til sýnis. Skipulag og framkvæmd hátíðarinnar er í höndum Listaskóla Borgarfjarðar í góðu samstarfi við fjölmarga aðila, …
Veituframkvæmdir við Fjölnota íþróttahúsið í Borgarnesi
Veitur eru nú að leggja nýjar inntakslagnir að fjölnota íþróttahúsinu í Borgarnesi. Framkvæmdirnar hafa í för með sér þrengingar á gönguleiðum að og framhjá UMSB-húsinu sem hýsir Frístund, þar á meðal gönguleið grunnskólanemenda sem þverar svæðið. Miðvikudaginn 6. maí hefst tengingarvinna við Skallagrímsgötu og mun hún taka að lágmarki tvær vikur. Þar með lokast allur gegnumakstur í Skallagrímsgötu á þeim …