Borgarbyggð vinnur nú nýja þjónustustefnu, þar sem öll helstu verkefni sveitarfélaga eru til skoðunar og umræðu þ.e. lögskyld, lögheimil og valkvæð. Komin eru drög að stefnunni sem nálgast má hér og er óskað eftir samráði við íbúa varðandi útfærslu á einstaka þjónustuþáttum.
Til að taka þátt : Mæta á samráðfundi eða fara yfir drög að þjónustustefnunni og koma með athugasemdir varðandi einstaka þjónustuliði eða málaflokka og senda á borgarbyggd@borgarbyggd.is fyrir 1. nóvember.
Hafa í huga:
- Ef þið upplifið eða hafið upplifað þjónustuna öðruvísi en kemur fram í stefnu.
- Ef þið hafið þurft að sækja þjónustuna annað ( þá hvert og hvers vegna).
- Ef þið eruð með útfærslu á þjónustunni sem að ykkar mati gengi betur.
- Annað sem þið viljið koma á framfæri varðandi þjónustu sveitarfélagsis.
Nánari upplýsingar um þjónustustefnuna má nálgast hér
Fundarröð samráðsfunda stendur nú yfir og er síðasti fundurinn í kvöld 22.október kl. 20.00 í Logalandi.
Sveitarstjóri og kjörnir fulltrúar verða til skrafs og ráðagerða.
Vonandi sjáum við sem flesta.
Tengdar fréttir
Breytingar hjá Slökkviliði Borgarbyggðar og Bjarni Kr. fer í ný verkefni í vor
Byggðarráð Borgarbyggðar samþykkti 15. október 2026 tillögu slökkviliðsstjóra og sveitarstjóra um breytt skipurit Slökkviliðs Borgarbyggðar. Markmiðið er að efla eldvarnaeftirlit og forvarnir og nýta stöðugildi slökkviliðsins þar sem þörfin og áhættan er mest. Fastir starfsmenn slökkviliðsins í fullu starfi verða áfram tveir, slökkviliðsstjóri og eldvarnaeftirlitsmaður. Staða aðstoðarslökkviliðsstjóra er lögð niður og í staðinn verður ráðinn eldvarnaeftirlitsmaður í fullt starf. Fjöldi …
Heilahjálp með fræðslu um heilabilun í Borgarnesi
Heilahjálp – samtök um heilabilun (áður Alzheimersamtökin) bjóða til opinnar fræðslu um heilabilun, góð samskipti og stuðning við aðstandendur í hátíðarsal Brákarhlíðar fimmtudaginn 19. nóvember kl. 17:00. Aðgangur er ókeypis og öll áhugasöm velkomin. Á fræðslufundunum verður starf samtakanna kynnt og fjallað um þær áskoranir sem einstaklingar með heilabilun og aðstandendur þeirra standa frammi fyrir. Sérstök áhersla verður lögð á …