Árið 2021 samþykkti Alþingi nýtt ákvæði inn í sveitarstjórnalög nr. 138/2011. Um er að ræða 130. gr. a og er þar fjallað um skildu til þess að móta heildarstefnu til eins ár og í næstu þrjú ár þar á eftir, um það hvaða þjónustustigi viðkomandi sveitarfélag hyggst halda uppi í byggðum og byggðarlögum fjarri stærstu byggðarkjörnum innan sveitarfélagsins.
Markmið lagabreytinganna er að styðja við svæði þar sem til staðar er viðkvæmari byggð í víðfeðmum sveitarfélögum og að stefna sveitarstjórna um þjónustustig á slíkum svæðum verði skýr og komi til sérstakrar umræðu. Er það á ábyrgð sveitarstjórna að móta heildarstefnu fyrir hvert svæði fyrir sig og gera ráð fyrir ætluðu þjónustustigi vegna einstakra verkefna sem sveitarfélagið hyggst veita á viðkomandi svæðum t.d. skólahald, skólaakstur, opnunartíma sundlauga, félagsheimila o.s.frv.
Borgarbyggð mun bjóða til fundarraðar á næstu dögum í því skyni að eiga samráð við íbúa um mótun fyrstu formlegu þjónustustefnu Borgarbyggðar en stefnan verður afgreidd í sveitarstjórn Borgarbyggðar samhliða fjárhagsáætlun 2025.
Fundirnir munu fara fram á fimm stöðum í sveitarfélaginu á eftirfarandi tímum og vonandi hafa sem flestir tök á því að koma og eiga samtal um þetta mikilvæga málefni.
- 15. október kl. 17:00 Hjálmaklettur
- 15. október kl. 20:00 Þinghamar
- 17. október kl. 20:00 Lindartunga
- 21. október kl. 20:00 Landbúnaðarháskólinn
- 22. október kl. 20:00 Logaland
Tengdar fréttir
Skráningar á sumarnámskeið eru í fullum gangi
Ákveðið hefur verið að opna fyrir skráningar í sumarnámskeið fyrir krakka sem eru að ljúka 4. bekk. Hér fyrir neðan má finna upplýsingar um námskeiðin og skráningarhlekki. Parkour-námskeið Sumarnámskeið í parkour fyrir krakka sem eru að ljúka 4. – 7. bekk. Námskeiðið hentar bæði þeim sem eru byrjendur í íþróttinni og lengra komnum. Á námskeiðinu verður unnið með grunnatriði í …
Kristján Gíslason lætur af störfum hjá Borgarbyggð
Kristján Þormar Gíslason lætur af störfum hjá sveitarfélaginu, en hann hefur starfað hjá Borgarbyggð í 27 ár, eða frá árinu 1998. Kristján hefur gegnt margvíslegum störfum, meðal annars sem skólastjóri við Grunnskólann í Borgarnesi, skjalavörður í Ráðhúsi Borgarbyggðar og nú síðast sem þjónustufulltrúi. Við viljum þakka Kristjáni fyrir ánægjulegt samstarf og óska honum velfarnaðar í framtíðinni. Sömuleiðis láta eftirfarandi starfsmenn …