Framundan er viðgerð á Þorsteinsgötu og á hluta af svæði fyrir framan íþróttamiðstöðina í Borgarnesi. Í dag, miðvikudag hefst undirbúningur en vinna mun hefjast að krafti á morgun, fimmtudag við að fræsa og gera við. Á mánudag er síðan áætlað að leggja malbik yfir götuna. Ekki er reiknað með að götunni verði lokað fyrr en kemur að malbikun á mánudag. Framkvæmdinni fylgir rask og eru íbúar, gestir og aðrir vegfarendur beðnir um að sýna þolinmæði og skilning. Framkvæmd og frágangi á að vera að fullu lokið áður en gestir Unglingalandsmóts UMFÍ taka að streyma að í seinni hluta næstu viku. Verkið er unnið af Malbiksstöðinni.
Tengdar fréttir
Fyrsti fundur nýrrar sveitarstjórnar sameinaðs sveitarfélags Borgarbyggðar og Skorradalshrepps
Ný sveitarstjórn sameinaðs sveitarfélags Borgarbyggðar og Skorradalshrepps fundaði í fyrsta skipti í gær á nýju kjörtímabili. Á fundinum var meðal annars kosið í ráð og nefndir sveitarfélagsins og embætti forseta sveitarstjórnar, fyrir komandi kjörtímabil og voru allar framlagðar tillögur samþykktar samhljóða. Kjörnir fulltrúar í sveitarstjórn sameinaðs sveitarfélags Borgarbyggðar og Skorradalshrepps: A-listi Borgarbyggðarlistans Jovana Pavlovic Hermann B. Valsson B-listi Framsóknarflokks Davíð …
Nýr meirihluti og sveitarstjóri í Borgarbyggð
Sjálfstæðisflokkurinn og Borgarbyggðarlistinn hafa undirritað málefnasamning og mynda nýjan meirihluta í sameinuðu sveitarfélagi Borgarbyggðar og Skorradalshrepps. Í nýafstöðnum sveitarstjórnarkosningum fékk Sjálfstæðisflokkurinn 29,3% fylgi og þrjá fulltrúa kjörna í sveitarstjórn. Borgarbyggðarlistinn fékk 23,5% fylgi og tvo fulltrúa kjörna. Saman mynda flokkarnir fimm manna meirihluta í sveitarstjórn. Samkvæmt samkomulagi flokkanna verður Sigurður Guðmundsson, oddviti D-lista formaður byggðaráðs og Jovana Pavlovic, oddviti A-lista …