Í síðustu viku sendi byggingafulltrúi bréf til fasteignaeigenda í Borgarbyggð þar sem þeim var bent á að yfirfara skráningu á fasteign sinni en um 360 bréf voru send.
Þau atriði sem nefnd eru í bréfinu og fasteignaeigendur eru beðnir að skoða eru:
• Ekki er rétt skráð byggingarstig.
• Ekki er skráð lokaúttekt.
• Byggt er án heimilda.
• Stærð mannvirkis er ekki í samræmi við skráningu.
Fletta má upp skráningu fasteigna á vef Húsnæðis- og mannvirkjastofnunar. Komi í ljós að skráning sé ekki rétt má senda leiðréttingu á netfangið skraning@borgarbyggd.is.
Fasteignaeigendum er jafnframt bent á að fara yfir og uppfæra brunabótamat. Röng eða ófullnægjandi skráning getur haft áhrif á brunabótamat, tryggingamál, fasteignagjöld og viðskipti með fasteignir.
Það er ávallt á ábyrgð fasteignaeigenda að viðkomandi fasteign sé rétt skráð.
Tengdar fréttir
Ragnar Heiðar nýr umsjónarmaður Hjálmakletts
Ragnar Heiðar Sigtryggsson hefur verið ráðinn sem umsjónarmaður Hjálmakletts. Ragnar er með B.cs í viðskiptafræði með áherslu á markaðsfræði og hefur tekið að sér að útbúa kynningarefni fyrir hin ýmsu fyrirtæki. Þá starfaði hann á fjármála- og stjórnýslusviði hjá Ísafjarðarbæ á árunum 2016 – 2019 og hjá Innheimtustofnun sveitarfélaga á árunum 2019-2022. Ragnar hefur töluverða reynslu af viðburðastjórnun og rekstri …
