Samkvæmt samkomulagi sem gert hefur verið milli félags- og vinnumarkaðsráðuneytisins ot Bjarkarhlíðar þá stendur til að bjóða þolendum ofbeldis sem búsettir eru á Vesturlandi upp á þjónustu Bjarkarhlíðar. Bjarkarhlíð er miðstöð fyrir þolendur ofbeldis. Markmið er að veita stuðning, ráðgjöf og fræðslu um eðli og afleiðingar ofbeldis og er byggt á áfallamiðaðri nálgun.
Í janúar á næsta ári stendur íbúum í Borgarbyggð til boða að sækja viðtöl hjá ráðgjafa Bjarkahlíðar. Viðtölin fara fram í Borgarnesi. Þjónustan stendur þolendum ofbeldis af öllum kynjum til boða sem eru 18 ára og eldri.
Nánari upplýsingar má finna á heimasíðu þeirra, https://bjarkarhlid.is/.
Frekari upplýsingar veitir einnig Erla Björg Kristjánsdóttir, félagsmálastjóri, netfang erlabjorg@borgarbyggd.is, eða í síma 433-7100 og Jenný Kristín Valberg, teymisstjóri Bjarkarhlíðar, netfang: jenny@bjarkarhlid.is eða í síma 553-3000
Tengdar fréttir
Vilt þú halda sumarnámskeið fyrir börn og ungmenni?
Borgarbyggð leitar eftir áhugasömum aðilum til að halda sumarnámskeið fyrir börn og ungmenni í sumar. Annars vegar er um að ræða námskeið sem geta orðið hluti af Sumarfjöri fyrir börn í 1.–4. bekk, þar sem hægt er að bjóða upp á eins dags eða tveggja daga námskeið. Hins vegar er leitað eftir aðilum sem vilja halda utan um sumarnámskeið fyrir …
Ungt fólk mótar framtíðarsýn í Borgarbyggð
Þann 10. mars síðastliðinn fór fram sveitarstjórnarfundur unga fólksins í Borgarbyggð. Fundurinn er haldinn með svipuðu sniði og hefðbundinn sveitarstjórnarfundur þar sem fulltrúar í Ungmennaráði Borgarbyggðar taka þátt ásamt kjörnum sveitarstjórnarfulltrúum. Á fundinum kynntu ungmennin helstu áherslumál ungmennaráðs og ræddu þau við sveitarstjórn. Erindi fulltrúa ungmennaráðs voru fjölbreytt og snertu meðal annars forvarnir, íþrótta- og tómstundamál, skólastarf og geðheilsu ungmenna …