Íþrótta- og Ólympíusamband Íslands, í samstarfi við Sundsamband Íslands, kynnir landsátakið Syndum frá 1. til 30. nóvember 2024!
Setning átaksins verður föstudaginn 1. nóvember í Ásvallalaug.
Taktu þátt í landsátaki í sundi og hreyfðu þig fyrir heilsuna!
Markmiðið með Syndum er að hvetja alla landsmenn til að bæta heilsu sína með reglulegri hreyfingu, sérstaklega með sundi. Á síðasta ári syntu þátttakendur rúmlega 26.862 km – komumst lengra í ár og syndum saman í kringum Ísland!
- Hver getur tekið þátt? Allir! Hvatt er til þátttöku skóla, sundfélaga og almennings.
- Hvernig tek ég þátt? Skráðu þig inn á www.syndum.is, fylgstu með heildarsundmetrum þjóðarinnar, og sjáðu hversu marga hringi við getum synt í kringum landið.
Sund er fyrir alla, óháð aldri og líkamlegu ástandi. Það styrkir hjarta- og æðakerfið, eykur þol, og er skemmtileg tómstundaiðja fyrir alla fjölskylduna.
Skráðu þig núna á www.syndum.is og láttu hvern metra telja!
Tengdar fréttir
Jólahús og jólagata Borgarbyggðar 2025
Nú er komið að því – leitin að jólahúsi og jólagötu Borgarbyggðar árið 2025 er hafin! Í fyrra var það Smiðjuholt í Reykholti sem hlaut nafnbótina Jólahús Borgarbyggðar 2025 og Kvíaholt í Borgarnesi var svo valin jólalegasta gatan. Viltu tilnefna jólalegasta húsið og jólalegustu götuna? Ábendingar þurfa að berast fyrir 23. desember. Ábendingar má senda inn hér. Sigurvegarar verða svo …
Ráðstöfun frístundastyrks fyrir börn og ungmenni í Borgarbyggð
Frístundastyrkurinn er 40.000 krónur á ári fyrir börn og ungmenni á aldrinum 6-18 ára og 14.000 krónur á ári fyrir börn á aldrinum 0-5 ára sem hafa lögheimili í Borgarbyggð. Styrkupphæðin ákvarðast við gerð fjárhagsáætlunar og gildir frá 1.janúar til og með 31.desember ár hvert. Styrkinn er svo hægt að nýta til að lækka gjöld í skipulögðu íþrótta-, tómstunda- og …