Á síðasta ári áttu sér stað breytingar á barnaverndarlögum nr. 80/2002. Fólust þær m.a. í því að barnaverndarnefndir voru lagðar niður en í þeirra stað tóku til starfa Umdæmisráð. Einnig voru sett inn skilyrði um lágmarksíbúafjölda, þ.e. að hver barnaverndarþjónusta þyrfti að telja 6000 íbúa. Því var lögð rík áhersla á að minni sveitarfélög myndu standa saman að sameiginlegri barnaverndarþjónustu.
Um síðustu áramót fengu Borgarbyggð og Hvalfjarðarsveit undanþágu frá Mennta- og barnamálaráðuneytinu til að starfrækja barnaverndarþjónustu. Síðastliðna mánuði hafa samræður átt sér stað við Byggðasamlag Snæfellinga um stofnun Barnaverndarþjónustu Vesturlands. Liggur nú fyrir að þessi sveitarfélög, þ.e.a.s. Snæfellsbær, Grundafjörður, Stykkishólmur og svo Eyja- og Miklaholtshreppur ásamt Hvalfjarðarsveit ætla að reka sameiginlega barnaverndarþjónustu, undir forystu Borgarbyggðar sem leiðandi sveitarfélag. Því er gert ráð fyrir að Barnaverndarþjónusta Vesturlands muni taka formlega til starfa á þessu ári. Um tímamót er að ræða í þjónustu við börn í Borgarbyggð og þeim sveitarfélögum sem að samstarfinu standi.
Okkar markmið er að verða öflugt leiðandi sveitarfélag í barnaverndarþjónustu.
Tengdar fréttir
Tilkynning frá Veitum vegna framkvæmda í Kvíaholti
Vegna tengingar parhúss við Kvíaholt munu Veitur loka seinni gatnamótum Kvíaholts og Stöðulsholts. Lokunin er fyrirhuguð þriðjudaginn 28. apríl 2026 og áætlað er að gatnamótin opni aftur 30. apríl 2026 (með fyrirvara um breytingar). Við biðjum vegfarendur og íbúa að sýna þolinmæði og aðgát þegar farið er um svæðið meðan á framkvæmdum stendur.
Lagfæringar á stíg við sjávarsíðu í Kveldúlfsgötu
Sigur-garðar munu á næstu dögum fara í lagfæringar á stíg við sjávarsíðu í Kveldúlfsgötu sem hluta af fyrirhuguðum endurbótum á göngustígnum. Í ljósi aðstæðna verður steypumulningur fjarlægður og stígurinn endurskoðaður með tilliti til umhverfis, aðstæðna á svæðinu og upplifunar íbúa, sem og gangandi og hjólandi vegfarenda. Við þökkum kærlega fyrir ábendinguna og góða umræðu.