Sem liður í áframhaldandi þróun leiðtogafærni og markvissari viðverustjórnun hjá Borgarbyggð taka allir stjórnendur sveitarfélagsins þátt í vinnustofu undir leiðsögn Helenu Jónsdóttur, klínískum sálfræðingi og sérfræðingi hjá Mental ráðgjöf.

Áhersla vinnustofunnar er meðal annars á samræmdan stjórnendatakt, innleiða regluleg innlit, viðverustjórnun og eftirfylgni. Helena fjallar um hvernig styðja megi starfsfólk við farsæla endurkomu til starfa eftir langvarandi fjarveru og hvernig stjórnendur geta tekist á við krefjandi aðstæður. Markmið vinnustofunnar er að skapa sameiginlegan grunn og sameiginlegan nálgun í stjórnun innan sveitarfélagsins.

Með vinnustofunni vill Borgarbyggð styrkja stjórnendur í því að bregðast tímanlega og faglega við áskorunum, efla forvarnir og skapa góðan vettvang fyrir markvissa eftirfylgni og stuðning við starfsfólk.

Borgarbyggð færir Helenu Jónsdóttur bestu þakkir fyrir fræðandi og gagnlega vinnustofur og stjórnendum fyrir virka þátttöku og góðar umræður.