Á grundvelli verðfyrirspurnar hefur verið samið við málmendurvinnslufyrirtækið Furu ehf. um söfnun nokkurra úrgangsflokka haustið 2023.
Gaman er að segja frá því að í tilboði frá Furu ehf. fóru þeir fram á að af hverju söfnuðu tonni myndu þeir gefa 1000kr. til góðgerðamála sem umhverfis- og landbúnaðarnefnd myndi velja. Verkefnið „Samhugur í Borgarbyggð“ varð fyrir valinu. En það felur í sér sjálfboðaliðar, íbúar í Borgarbyggð, hafa tekið höndum saman um að safna fyrir þá sem þurfa auka stuðning fyrir jólin í sveitarfélaginu. Þetta verkefni hefur verið framkvæmt síðustu 3 ár og gengið vel.
Söfnun brotajárns og fleiri úrgangsflokka verður sambærilegt því sem hefur verið í gert síðustu ár. Íbúar geta óskað eftir hirðingu heim á hlað á eftirfarandi úrgangsflokkum:
- Bílflök og annað almennt brotajárn.
- Ryðfrítt stál og ál
- Rafgeymar
- Rafmótorar
- Hjólbarðar
Íbúar safna efninu saman á einn stað þar sem það er sótt. Við skráningu þurfa eftirfarandi upplýsingar að koma fram:
- Nafn þess sem óskar eftir þjónustunni, símanúmer og netfang
- Nákvæm staðsetning (bær og svæði)
- Hvers konar úrgangi er áætlað að skila
- Áætlað magn
Pantanir þurfa að hafa borist í síðasta lagi 13. nóvember 2023
Frekari upplýsingar veitir Gunnar Þór í síma 894 4238 hjá Furu ehf.
Tengdar fréttir
Jólagjöf til starfsfólks Borgarbyggðar
Borgarbyggð auglýsir eftir verslunar- og þjónustuaðilum í sveitarfélaginu sem hafa áhuga á að taka á móti gjafabréfum sem eru jólagjöf til starfsmanna sveitarfélagsins. Fyrirkomulagið verður þannig háttað að starfsmenn fá gjafabréf að andvirði 15.000 kr. ásamt upptalningu á fyrirtækjum sem skrá sig í verkefnið. Gjafabréfin virka sem greiðsla á eða upp í kaup á vöru og þjónustu í Borgarbyggð. Viðkomandi …
Söfnun á rúlluplasti 9. – 13. nóvember
Söfnun á rúlluplasti verður vikuna 9.–13. nóvember Mikilvægt um söfnun á þessum dögum Halda þarf öllum litum aðskildum. Plast skal vera vel hreinsað og snyrtilega frá gengið. Ekki má skila plasti í pokum. Aðeins er tekið á móti rúlluplasti. Ekki er sótt plast sem er í lausu eða í gámum. Borgarbyggð hvetur bændur til að fylgja þessum reglum svo söfnunin …