Síðustu daga hefur verið unnið að því að útbúa skautasvell í Skallagrímsgarði. Veður er hagstætt fyrir slík áform en spáð er miklu frosti næstu daga. Hér er um að ræða tilraunaverkefni sem er liður í því að auka nýtingu á Skallagrímsgarði allt árið. Fyrirhugað er á nýju ári að gera endurbætur á sviðinu í garðinum, bæta lýsingu og áform eru uppi um að kaupa trébása sem gætu nýst í tengslum við ýmsa viðburði allt árið.
Slökkvilið Borgarbyggðar hefur spilað lykilhlutverk í að láta þetta tilraunverkefni verða að veruleika og eiga þau miklar þakkir skildar fyrir afar gott samstarf og mikla vinnu.
Rétt er að minna á að allir eru á eigin ábyrgð á svellinu og mikilvægt að klæða sig vel og nota hjálm. Við hvetjum foreldra til að mæta með börnunum í garðinn, setja kakó á brúsa og njóta samverunnar.
Gert er ráð fyrir að svellið verði tilbúið á morgun 23. desember.
Góða skemmtun og gleðileg jól.
Tengdar fréttir
Framkvæmdir á Hringveginum í gegnum Borgarnes
Sunnudagskvöldið 16. ágúst og mánudagskvöldið 17. ágúst er stefnt á að fræsa Hringveginn í gegnum Borgarnes frá Borgarbraut að brú yfir Borgarfjörð. Veginum er lokað á meðan framkvæmdir standa yfir en merkt verður hjáleið um Borgarfjarðarbraut. Áætlað er að framkvæmdirnar standi frá kl. 21:00 til kl. 07:00 bæði kvöld . Merkingar og upplýsingaskilti verða sett upp skv. viðhengdri merkingaráætlun, sem að má finna hér, Lokunarplan Vegfarendur eru …
Ert þú að bjóða upp á íþrótta- eða tómstundastarf fyrir börn og ungmenni í Borgarbyggð?
Nú er verið að taka saman framboðsbækling fyrir komandi starfsár og viljum við tryggja að sem flestir aðilar eigi þar sinn stað. Ef þú býður upp á námskeið, æfingar, klúbbastarf eða aðra tómstunir fyrir börn og ungmenni, þá hvetjum við þig til að senda okkur upplýsingar á sonjalind@borgarbyggd.is. Frestur til að senda inn upplýsingar er til og með 17. ágúst nk.