Úthlutunarnefnd Uppbyggingarsjóðs Vesturlands hefur ákveðið að veita alls 20 m.kr. til áhugaverðra verkefna á Vesturlandi. Viðkomandi verkefni geta verið á hugmyndastigi eða lengra komin. Þau þurfa að hafa skírskotun til svæðisins og nýsköpunar í atvinnulífi og menningu þess.
Tilgangur Uppbyggingarsjóðs er að styrkja annars vegar menningarverkefni og hinsvegar atvinnu- og nýsköpunarverkefni á Vesturlandi. Sjóðurinn úthlutar reglulega styrkjum til nýsköpunar í atvinnulífi og til menningarverkefna. Þetta er hins vegar í þriðja sinn sem sjóðurinn úthlutar öndvegisstyrkjum sem alla jafna eru veglegir styrkir og þeir umsækjendur sem eruð með áhugaverðustu hugmyndirnar fá tækifæri til þess að vinna þær lengra áður en kemur til endanlegrar úthlutunar.
Ráðgjöf og aðstoð við umsóknir veita:
Atvinnu- og nýsköpunarverkefni:
Helga Guðjónsdóttir helga@ssv.is 895-6707
Hrafnhildur Tryggvadóttir hrafnhildur@ssv.is 849-2718
Ólöf Guðmundsdóttir olof@ssv.is 898-0247
Menningarverkefni:
Sigursteinn Sigurðsson sigursteinn@ssv.is 698-8503
- Í fyrstu umferð velur úthlutunarnefnd Uppbyggingarsjóðs Vesturlands allt að 4 verkefni úr umsóknum sem fá 700.000 kr. til að ljúka við gerð viðskiptaáætlunar eða móta verkefnið sitt frekar ef viðskiptaáætlun er þegar til – skilafrestur 27. maí 2024
- Í annari umferð skila valin verkefni viðskiptaáætlun og ákvörðun tekin um styrki – skilafrestur 15. ágúst 2024
- Niðurstöður verða kynntar í september 2024
Tengdar fréttir
Skilafrestur framboðslista er 10. apríl 2026.
Yfirkjörstjórn mun þá taka á móti framboðslistum á skrifstofu Borgarbyggðar að Digranesgötu 2, 1. hæð milli kl. 10.00 og 12.00. Meðmælendalistum skal skilað í gegnum rafrænt meðmælakerfi á www.island.is og/eða á pappír. Yfirkjörstjórn boðar einnig til fundar mánudaginn 13. apríl n.k. kl. 13.00 á skrifstofu Borgarbyggðar, Digranesgötu 4, 3. hæð þar sem hún úrskurðar um framkomna framboðslista að viðstöddum umboðsmönnum listanna. Þegar yfirkjörstjórn hefur …
Jóhanna Skúladóttir kveður starf sitt sem héraðsskjalavörður
Um mánaðarmótin urðu þær breytingar hjá Héraðsskjalasafni Borgarfjarðar að Jóhanna Skúladóttir lét af störfum eftir rúmlega 20 ára farsælt starf fyrir safnið og Þórný Hlynsdóttir tók við starfinu. Jóhanna hefur starfað hjá sveitarfélaginu frá árinu 2002, lengst af sem héraðsskjalavörður eða í yfir 20 ár við góðan orðstýr. Er henni þakkað þakkað fyrir gott og óeigingjarnt starf fyrir safnið og …