9. nóvember, 2023
Fréttir

Ný heimasíða Borgarbyggðar er komin í loftið. Það var afmælisbarn dagsins og starfsmaður hjá Borgarbyggð, Guðrún Ásta Völundardóttir og Stefán Broddi Guðjónsson sveitarstjóri sem opnuðu síðuna með formlegum hætti í dag. 

Hönnun og útlit síðunnar er notendavænni og var veftréð endurhannað með þarfir notenda að leiðarljósi með það markmið að gera hana aðgengilegri og einfaldari í notkun. Þess má einnig geta að heimasíðan aðlagar sig að skjástærð og vöfrum sem gerir það að verkum að síðan er aðgengileg óháð því hvort hún sé opnuð í tölvu, spjaldtölvu eða snjallsíma.  

Nýjungar á heimasíðunni eru svo væntanlegar fljótlega sem koma til með að gagnast og auðvelda íbúum og öðrum notendum að koma erindum sínum áleiðs til sveitarfélagsins. Um er að ræða verkefni sem koma til með að bæta þjónustustig sveitarfélagsins til muna. Dæmi um viðbætur er stafrænt sorphirðudagatal, bókunarkerfi, reiknivélar og spjallmenni. Svo má þess einnig geta að nýja heimasíðan mun bjóða upp á enskt og pólskt veftré til að byrja með.

Nýja heimasíðan og allt ofangreint eru liður í stórátaki sveitarfélagsins í stafrænni þróun með það að markmiði að bæta enn frekar þjónustu, vinnulag og skilvirkni með innleiðingu tækninýjunga.   

Vefhönnun var í höndum fyrirtækisins Vettvangur og uppsetning og forritun er unnin af fyrirtækinu Netvöktun. 

Íbúar eru hvattir til þess að vafra um nýju síðuna og senda póst á thjonustuver@borgarbyggd.is ef einhverjar athugasemdir eru. 

Það er von Borgarbyggðar að nýja síðan eigi eftir að koma notendum að góðum notum. 

Tengdar fréttir

18. nóvember, 2026
Fréttir

Framkvæmdir við Kveldúlfsgötu 24–30 að hefjast

Borgarbyggð vekur athygli á því að framkvæmdir eru að hefjast við fjölbýlishús að Kveldúlfsgötu 24–30 og aðliggjandi leiksvæði. Upphaf framkvæmda hefur tafist vegna ábendinga sem bárust við upphaf verksins sem teknar voru til skoðunar. Framkvæmdirnar fela meðal annars í sér úrbætur á umferðaröryggi, stígagerð, uppsetningu girðinga, hellulagnir og frágang á svæðinu. Áætlað er að verkið taki um þrjár vikur, en …

18. nóvember, 2026
Fréttir

Borgarbyggð og Krabbameinsfélag Borgarfjarðar gera samstarfssamning

Borgarbyggð og Krabbameinsfélag Borgarfjarðar hafa skrifað undir samstarfssamning sem felur í sér að þeir íbúar sveitarfélagsins sem eru í krabbameinsmeðferð eða endurhæfingu fái frítt árskort í sundlaugar og íþróttamiðstöðvar Borgarbyggðar. Markmið samstarfsins er að styðja við og efla heilsu, vellíðan og lífsgæði fólks sem glímir við krabbamein og stuðla að auknum möguleikum til hreyfingar og endurhæfingar. Krabbameinsfélag Borgarfjarðar heldur utan …