Fimmtudaginn 14. september nk. kl 17:00 verður kynning á verkefni sem nýverið var hleypt af stokkunum á Sundlaugarmenningu á Íslandi. Með því hófst skráning á sundlaugamenningu Íslendingar inná vefnum Lifandi hefðir sem heldur utan um upplýsingar um óáþreifanlegan menningararf.
Í tilefni af því verða viðburðir um allt land tengdir sundhefðinni þar sem unnendum sundsins er boðið að koma og kynna sér skráningarferlið, leggja sína upplifun af sundhefðinni að mörkum og spjalla um sundið við aðra áhugasama. Einnig verður sagt frá bókinni Sund, eftir þjóðfræðingana Katrínu Snorradóttir og Valdimar Tr. Hafstein. Áhugarverð bók sem kemur út núna á haustmánuðum og fjallar um sögu sundsins á Íslandi.
Starfsfólk Safnahússins hvetur áhugasama Borgfirðinga til að koma og kynna sér þetta verkefni og leggja sitt að mörkum. Borgarfjörður á sér merka sögu er varðar sundið og því sérstaklega gaman fyrir aðstandendur verkefnisins að sækja Borgarfjörð heim.
Dagskrá:
- Sundlaugamenning Íslendinga til UNESCO
- Skráning sundhefðarinnar og tilnefningarferlið kynnt. Sigurlaug Dagsdóttir, verkefnastjóri vefsins Lifandi hefðir hjá Stofnun Árna Magnússonar í íslenskum fræðum segir frá verkefninu.
- Saga sundsins á Íslandi á bókarformi, Katrín Snorradóttir segir frá efni bókarinnar og þeim rannsóknum sem að baki henni liggja.
Kaffi og spjall um sundlaugamenninguna.
Hlekkur á heimasíðu verkefnisins: https://lifandihefdir.is/sundmenning-islendinga/
Hlekkur á Facebook-síðu verkefnisins: https://www.facebook.com/profile.php?id=61550895095939
Tengdar fréttir
Reykholtshátíð 25.-27. Júlí nk.
Reykholtshátíð er alþjóðleg tónlistarhátíð sem haldin er ár hvert í Reykholti í Borgarfirði síðustu helgina í júlí. Reykholtshátíð er eftirsóknarverður vettvangur fyrir tónlistarmenn og tónlistarunnendur auk þess að vera mikilvægur hlekkur í menningarstarfsemi á Vesturlandi. Listrænir stjórnendur hátíðarinnar eru þau Þórunn Ósk Marínósdóttir og Sigurður Bjarki Gunnarsson. Þau hafa bæði starfað um árabil við hljóðfæraleik og komið fram með fjölmörgum …
Slökkvistöð rís í iðngörðum á Hvanneyri
Við Melabraut á Hvanneyri er nú að rísa tæplega 1.700 fermetra límtréshús úr yleiningum frá Límtré Vírnet í eigu Melabrautar byggingarfélags ehf. Í húsinu verða iðngarðar auk þess sem að október næst komandi mun Slökkvilið Borgarbyggðar flytja starfsstöð sína á Hvanneyri í hluta hússins. Í liðinni viku var samningur þar að lútandi undirritaður á byggingarsvæðinu á Hvanneyri. Sá hluti sem …