Jólahús Borgarbyggðar 2024 er Smiðjuholt í Reykholti. Það er niðurstaða jólaleiks sem staðið hefur yfir á heimasíðu Borgarbyggðar síðustu daga. Húsráðandi í Smiðjuholti er Tryggvi Konráðsson en húsið og garðurinn er fagurlega skreytt af miklum metnaði. Þar má finna ljósum prýddan jólasveinasleða, jólajeppa, jólatraktor, rómantískt jólahjarta og jólabarn í jötu og auðvitað jólasveina af ýmsum stærðum og gerðum. Sjón er sögu ríkari og sannarlega þess virði að líta á húsið og garðinn hjá Tryggva.
Við óskum honum innilega til hamingju og færum honum þakkir fyrir að lýsa upp skammdegið og auka jólaandann með ljósum og litaýrð.
Þá var einnig tilnefnd jólalegasta gatan í sveitarfélaginu og þar fékk Kvíaholt í Borgarnesi flest atkvæði. Það er verðskulduð viðurkenning og færum við íbúum við götuna bestu þakkir og hamingjuóskir fyrir smekklegheit, litagleði og metnað ár eftir ár.
Samtals bárust um 70 tilnefningar og þakkar Borgarbyggð íbúum kærlega fyrir þátttökuna en samtals voru 17 jólahús tilnefnd.
Tengdar fréttir
Beactive hreyfivika í Borgarbyggð árið 2025- Finndu þína hreyfingu!
Hugmyndafræði Beactive hreyfivikunnar í Borgarbyggð árið 2025 byggir á samveru fjölskyldunnar og mikilvægi hreyfingar í daglegu lífi. Við viljum skapa vettvang þar sem öll fjölskyldan – börn, foreldrar, ömmur og afar, frænkur og frændur, við öll – getum tekið þátt saman í skemmtilegum og hvetjandi viðburðum sem stuðla að bættri heilsu, vellíðan og tengslum. Dagskráin er fjölbreytt og aðgengileg fyrir …
Endurvinnslukort Borgarbyggðar- Ertu með kortið?
Allir fasteignaeigendur í Borgarbyggð sem greiða gjald vegna reksturs gámasvæðis geta sótt rafræn endurvinnslukort fyrir Gámastöðina í Sólbakka. Kortið virkar þannig að þegar komið er inn á gámasvæðið er kortið skannað, starfsmaður á gámasvæðinu tekur út af kortinu í samræmi við það magn af gjaldskyldum úrgangi sem verið er að losa sig við. Starfsmaður gámasvæðis metur magn og tekur út …