Opinn íbúafundur vegna skjálftavirkni við Grjótárvatn í Ljósufjallakerfinu verður haldinn miðvikudaginn 20. ágúst nk. kl. 16.30 í Hjálmakletti í Borgarnesi.
Fundurinn er boðaður af Almannavarnanefnd Vesturlands. Tilgangur fundarins er að eiga samtal við íbúa vegna yfirstandandi jarðskjálftavirkni við Grjótárvatn í Ljósufjallakerfinu.
Fyrirlestrar verða frá Veðurstofu Íslands, Náttúruhamfaratryggingu Íslands og Neyðarlínunni en jafnframt verða fulltrúar Ríkislögreglustjóra, Lögreglunnar á Vesturlandi og sveitarfélaga á fundinum til að svara spurningum og taka þátt í umræðum.
Fundurinn verður sendur út í beinu streymi og verður vefslóð á streymið kynnt þegar nær dregur.
Björn Bjarki Þorsteinsson formaður Almannavarnanefndar Vesturlands setur fundinn.
Fundarstjóri verður Stefán Broddi Guðjónsson sveitarstjóri Borgarbyggðar.
Öll velkomin.
Tengdar fréttir
Vinna við kantstein á Sæunnargötu 18.–21. ágúst
Vegna fyrirhugaðra framkvæmda á kantsteinum við Sæunnargötu verður unnið við götuna dagana mánudag 18. ágúst til fimmtudags 21. ágúst. Búast má við tímabundnum umferðartöfum og eru vegfarendur beðnir um að sýna aðgát meðan á framkvæmdum stendur. Við þökkum íbúum og vegfarendum fyrir skilning og samvinnu.