Sveitarstjórn Borgarbyggðar samþykkti þann 8. maí 2024 eftirfarandi breytingu samkvæmt 2. mgr. 36. gr. skipulagslaga nr. 123/2010:
Óveruleg breyting á aðalskipulagi – Haffjarðardalsgil náma
Breytingin felst í skilgreiningu á eldra efnistökusvæði í aðalskipulagi sveitarfélagsins. Náman er nr. 17242 við Haffjarðardalsgil og fær skilgreininguna E99 í sveitarfélagsuppdrætti og er 1 ha að stærð.
Efnistökusvæðið sem nú telst frágengin skv. námuvefjsjá Vegagerðarinnar yrði opnuð á nýju vegna vegavinnu við Heydalsveg frá og að Snæfellsnesvegi. Gert er ráð fyrir að taka 4000 rúmmetra efnis úr námunni sem yrði nýtt í malarslitlagsvinnu. Fyrirhuguð efnistaka er í samráði við landeigendur.
Breytingin telst óveruleg. Efnistökusvæðið ber einkenni af fyrra raski, svæðið er gróðursnautt, ekki er að finna þar menningar- eða náttúruminjar og umfang efnistökunnar er lítið. Náman hefur áhrif á fáa og á mjög takmörkuðu svæði en efnið nýtist í almannaþágu við endurbætur á vegum.
Aðalskipulagsbreytingin hefur verið send Skipulagsstofnun sem sér um lokaafgreiðslu erindisins.
Þeir sem óska nánari upplýsinga um tillögunar og niðurstöðu sveitarstjórnar geta snúið sér til umhverfis- og skipulagssviðs Borgarbyggðar, Digranesgötu 2, Borgarnesi.
Vakin er athygli á málskotsrétti samkvæmt 52. gr. skipulagslaga nr. 123/2010 og lögum um úrskurðarnefnd umhverfis- og auðlindamála nr. 130/2011 en þar kemur fram að stjórnvaldsákvarðanir má kæra til úrskurðarnefndar umhverfis- og auðlindamála.
Þeir einir geta kært stjórnvaldsákvarðanir sem eiga lögvarða hagsmuni tengda þeirri ákvörðun sem kæra á. Kærufrestur er einn mánuður frá birtingu skipulagsáætlana í B-deild Stjórnartíðinda.
Tengdar fréttir
Borvinna og sprengingar hefjast við Birkiklett og Húsasmiðjuna.
Vegna framkvæmda við Birkiklett og Húsasmiðjuna stendur nú yfir borunvinna. Stefnt er að því að hefja sprengingar mánudaginn 2. nóvember og er áætlað að þær standi yfir í tvær vikur Jarðvinna er unnin af Borgarverki. Við biðjumst velvirðingar á þeim óþægindum sem framkvæmdirnar kunna að valda og þökkum fyrir skilninginn.
Borað eftir heitu vatni á Borg á Mýrum
Borað eftir heitu vatni á Borg á Mýrum Veitur hefja borun á rannsóknarholu á Borg á Mýrum í vetur. Staðsetningin var lögð til af sérfræðingum ÍSOR í samvinnu við auðlindasérfræðinga Orkuveitunnar. Framkvæmdir hefjast í október Undirbúningur borplans hefst í október. Þegar borplanið er tilbúið ásamt tengingum við vatn, rafmagn og frárennsli fyrir borvatnið þá verður hægt að flytja borinn á …