Samtök sveitarfélaga á Vesturlandi (SSV) boðar til fundar um nýja skýrslu um sjálfbær atvinnusvæði á Vesturlandi. Fundurinn fer fram á Teams mánudaginn 7. október og hefst hann kl. 09:00. Það þarf að skrá sig á fundinn hér neðst á síðunni, þau sem skrá sig fá sent fundaboð á Teams sunnudaginn 6. október.
Á fundinum munu Sævar Kristinsson og Helena W. Ólafsdóttir ráðgjafar hjá KPMG kynna skýrsluna.
SSV fól KPMG að gera greiningu á sjálfbærum atvinnusvæðum á Vesturlandi. Verkefnið tekur til allra sveitarfélaga í landshlutanum og er þeim skipt upp í fjögur svæði. Í upphafi skýrslunnar er farið yfir skilgreiningu á sjálfbæru atvinnusvæði og hvaða skilyrði fyrirtæki þurfi að uppfylla til að geta talist umhverfislega sjálfbær. Skýrslan byggir á viðtölum við aðila á svæðinu auk rýni á ýmsum gögnum. Í lok skýrslunnar eru dregin saman hvar liggja helstu sóknarfæri svæðisins með hliðsjón af sjálfbærni atvinnulífs.
Öll velkomin!
Skýrsla: Sjálfbær atvinnusvæði á Vesturlandi
Skráningu lýkur sunnudaginn 6. október kl. 16:00
SKRÁNING Á FUNDINN
Tengdar fréttir
Söngvakeppni Óðals 2026
Þann 12. Febrúar síðastliðinn hélt Félagsmiðstöðin Óðal sína árlegu söngvakeppni. Það má segja að undirbúningur hennar hafi að nokkru leyti hafist í nóvember því þá var unnið í því að endurnýja og uppfæra allan ljósabúnað ásamt hljóðbúnaði að nokkru leyti. Ljósabúnaðurinn í húsinu var orðinn freka bágborinn eða hreinlega ónýtur. Nú er Félagsmiðstöðin Óðal orðin nokkuð sjálfbær hvað þennan búnað …
Söfnun á rúlluplasti
Söfnun á rúlluplasti fer fram nú í lok vikunnar (12.-20. febrúar) og áfram í byrjun næstu viku. Bændur eru beðnir um að hafa plastið vel til reiðu og aðgengilegt þannig að hægt sé að sækja það fljótt og örugglega. Mikilvægt varðandi söfnun núna Bændur skulu tryggja að plastið sé snyrtilega frá gengið. Aðeins má skila rúlluplasti – ekki öðru plasti, …