Framundan eru áframhaldandi endurbætur á Borgarbraut í framhaldi af þeim hluta sem nú hefur verið malbikaður. Á næstu dögum/vikum er áætlað að endurnýja yfirborð á kafla frá gatnamótum Borgarbrautar og Böðvarsgötu og um 75 m.í norðaustur (sjá mynd). Framkvæmdin er í raun tvíþætt, annars vegar verður yfirborð fræst upp og hins vegar verður yfirborð malbikað. Hvor framkvæmd mun taka bróðupart úr degi. Því verður um að ræða tvær lokanir, hvor fyrir sig um 5-7 klst yfir daginn. Á meðan á lokun stendur verður hjáleið um Kjartansgötu/Þorsteinsgötu/Skallagrímsgötu. Eins og staðan er í dag er ekki hægt að segja með vissu hvenær framkvæmdir hefjast þar þar sem veðrátta næstu daga hentar mögulega ekki til malbiksvinnu.
Í liðinni viku var gengið frá kantsteini við Borgarbraut og er undirverktaki nú í startholunum við að byrja hellulögn á gangstéttum
Það eru því heilmiklar gatnaframkvæmdir í neðri bæ Borgarness þessa dagana en framkvæmdir við endurnýjun Sæunnargötu eru sem kunnugt er hafnar.
Borgarbyggð þakkar fyrir skilning og þolinmæði og biður vegfarendur áfram um að sýna tillitsemi og varkárni.
Um er að ræða miklar endurbætur aðalgötu Borgarness og aðkomu inn og út úr eldri bænum og mikil tilhlökkun eftir því að endurbótum verði lokið.
Tengdar fréttir
Framkvæmdir við Kveldúlfsgötu 24-30
Borgarbyggð vekur athygli á framkvæmdum fyrir framan fjölbýlishús við Kveldúlfsgötu 24-30 og við opið leiksvæði barna. Verkið felur meðal annars í sér úrbætur á umferðaröryggi, stígagerð, uppsetningu girðinga, hellulagnir og annan frágang á svæðinu. Áætlað er að framkvæmdum ljúki innan 4 vikna. Á meðan á verkinu stendur geta orðið tímabundnar truflanir á umferð og aðgengi á svæðinu. Íbúar og aðrir …
Umhverfisviðurkenningar Borgarbyggðar 2026
Umhverfis- og landbúnaðarnefnd Borgarbyggðar veitti í morgun árlegar viðurkenningar til einstaklinga og fyrirtækja sem skara fram úr í umhirðu og fegrun umhverfis í sveitarfélaginu. Nefndin veitir árlega viðurkenningar fyrir snyrtilegar og vel hirtar lóðir og jarðir með því markmiði að hvetja íbúa og fyrirtæki til að leggja sitt af mörkum til að fegra umhverfið og stuðla að jákvæðu og samheldnu …