Þann 16. maí sl. var haldinn Farsældardagur á Vesturlandi þar sem lykilaðilar frá öllum helstu þjónustustofnunum á Vesturlandi er koma að samþættri þjónustu í þágu farsældar barna hittust. Alls mættu um 120 einstaklingar og fór viðburðurinn fram í Hjálmakletti. Ásmundur Einar Daðason barna- og menntamálaráðherra mætti og flutti ávarp til hópsins og hvatti fólk til dáða. Á farsældardeginum var mikil áhersla lögð á þverfaglegt samtal og verkefnavinnu sem mun m.a. skila sér í áframhaldandi innleiðingu. Samtök sveitarfélaga á Vesturlandi stóð að deginum og kom KPMG að undirbúningi ásamt nokkrum stjórnendum í velferðarþjónustu í Borgarbyggð og á Akranesi. Hvert sveitarfélag fyrir sig sagði frá fyrirmyndar farsældarverkefni sem það hefur komið að. Afar fróðlegt var að heyra hvernig önnur sveitarfélög hafa komið að innleiðingu á farsæld og hvernig þeim hefur tekist að tengja saman þjónustuveitendur í þeim tilgangi að veita bæði börnum og fjölskyldum þeirra samþætta og góða þjónustu. Á þessari mynd má sjá Margréti Gísladóttur, Elísabetu Jónsdóttur og Sigríði Dóru Sigurgeirsdóttur flytja fyrirmyndarverkefni farsældar í Borgarbyggð.
Tengdar fréttir
Borvinna og sprengingar hefjast við Birkiklett og Húsasmiðjuna.
Vegna framkvæmda við Birkiklett og Húsasmiðjuna stendur nú yfir borunvinna. Stefnt er að því að hefja sprengingar mánudaginn 2. nóvember og er áætlað að þær standi yfir í tvær vikur Jarðvinna er unnin af Borgarverki. Við biðjumst velvirðingar á þeim óþægindum sem framkvæmdirnar kunna að valda og þökkum fyrir skilninginn.
Borað eftir heitu vatni á Borg á Mýrum
Borað eftir heitu vatni á Borg á Mýrum Veitur hefja borun á rannsóknarholu á Borg á Mýrum í vetur. Staðsetningin var lögð til af sérfræðingum ÍSOR í samvinnu við auðlindasérfræðinga Orkuveitunnar. Framkvæmdir hefjast í október Undirbúningur borplans hefst í október. Þegar borplanið er tilbúið ásamt tengingum við vatn, rafmagn og frárennsli fyrir borvatnið þá verður hægt að flytja borinn á …