Borgarbyggð óskar eftir að ráða umsjónarmann Hjálmakletts í tímabundið 50% starf. Um er að ræða fjölbreytt starf með sveigjanlegum vinnutíma.
Hjálmaklettur er menningarhús í Borgarnesi sem hýsir Menntaskóla Borgarfjarðar, hljóðver RÚV á Vesturlandi og fleira. Húsið er staðsett að Borgarbraut 54 Borgarnesi.
Við leitum að drífandi og skipulögðum einstaklingi sem á auðvelt með mannleg samskipti og sýnir frumkvæði í verki
- Heldur utan um bókanir á Hjálmakletti
- Umsjón og eftirlit með húsnæði Hjálmakletts og almennum búnaði
- Þjónusta við leigutaka og utanumhald leigusamninga
- Undirbúningur, framkvæmd og frágangur vegna viðburða
- Kallar til þjónustu húsvarða eða verktaka þegar þarf á að halda
- Sér um innheimtu á leigu
- Menntun sem nýtist í starfi
- Góð tölvu- og tækniþekking
- Góðir skipulagshæfileikar
- Frumkvæði og sjálfstæð vinnubrögð
- Rík þjónustulund og færni í mannlegum samskiptum
- Góð íslenslukunnátta
Tengdar fréttir
Kristján Gíslason lætur af störfum hjá Borgarbyggð
Kristján Þormar Gíslason lætur af störfum hjá sveitarfélaginu, en hann hefur starfað hjá Borgarbyggð í 27 ár, eða frá árinu 1998. Kristján hefur gegnt margvíslegum störfum, meðal annars sem skólastjóri við Grunnskólann í Borgarnesi, skjalavörður í Ráðhúsi Borgarbyggðar og nú síðast sem þjónustufulltrúi. Við viljum þakka Kristjáni fyrir ánægjulegt samstarf og óska honum velfarnaðar í framtíðinni. Sömuleiðis láta eftirfarandi starfsmenn …
Breytingar á skipuriti skipulags- og umhverfissviðs
Sveitarstjórn Borgarbyggðar samþykkti í gær breytingu á skipuriti skipulags- og umhverfissviðs Borgarbyggðar. Stofnað hefur verið nýtt embætti umhverfisfulltrúa sem heyra mun beint undir sviðsstjóra, til hliðar við byggingarfulltrúa og skipulagsfulltrúa. Þá mun starfsemi áhaldahúss færast beint undir sviðsstjóra líkt og umsjón eigna. Starf deildarstjóra umhverfis- og landbúnaðarmála hefur verið lagt niður og verkefni færð undir embætti umhverfisfulltrúa, til áhaldahúss og …