Guðrún Hildur Rosenkjær klæðskeri og sagnfræðingur heldur kynningu á búningum kvenna á 18. og 19. öld sem byggist á rannsóknum hennar síðastliðin 25 ár, í Safnahúsi Borgarfjarðar 9. september kl. 14.00
Fatagerð á heimilum var gríðarlega mikilvæg fyrir Íslendinga öldum saman. Konur áttu stóran þátt í fatagerðinni og verkþekking lærðist milli kynslóða. Hversdagsfatnaður var mikilvægur en eins og sagan sýnir var einnig mikil vinna lögð í betri fatnað þar sem konur fengu tækifæri til að tjá sig á listrænan máta með fjölbreyttum skreytiaðferðum.
Fjallað verður um fatagerðina, tískuna og erlend áhrif en einnig sögu kvennanna sem er skráð í handverki þeirra og búningum.
Allir velkomnir og heitt á könnunni.
Tengdar fréttir
Sólmyrkvagleraugu fyrir börn í Borgarbyggð
Borgarbyggð hefur nú afhent öllum leik- og grunnskólum sveitarfélagsins sérstök sólmyrkvagleraugu í tilefni af almyrkvanum sem verður sjáanlegur á Íslandi þann 12. ágúst 2026. Markmiðið er að tryggja að öll börn í sveitarfélaginu geti fylgst með þessum einstaka náttúruviðburði á öruggan og skemmtilegan hátt. Leik- og grunnskólar Borgarbyggðar dreifa svo gleraugunum til barna á næstu vikum. Almyrkvi á sólu sést …
Framkvæmdir í Bröttugötu
Borgarbyggð í samstarfi við Veitur og Rarik hefja í júní framkvæmdir í Bröttugötu. Þar verða lagnir hitaveitu, vatnsveitu, fráveitu og rafveitu endurnýjaðar ásamt öllu yfirborði á götu og gangstéttum. Áætlað er að vinna hefjist í júní eftir að skóla lýkur og unnið á milli Gunnlaugsgötu og Egilsgötu. Gert er ráð fyrir að vinnu ljúki í október á þessu ári. Hjáleiðir …