Nú þegar haustið hefur að fullu hafið innreið sína er gott að horfa um öxl og ilja sér við minningar um sumarið sem leið. Hér er hægt að hlýða á lagið Það er sumar sem 12 hressir krakkar sömdu í tónlistarmiðjunni Taktur og texti sem fór fram í Safnahúsinu í lok sumars. Það voru þau Steinunn Jónsdóttir, Ragga Holm og Hrafnkell Örn Gjónsson sem leiddu smiðjuna og aðstoðuðu krakkana við að semja texta og búa til takt í tölvuforrit, með glæsilegri útkomu. Virkilega skemmtilegt smiðja sem Safnahúsið er stolt að hafa geta boðið upp á. Verkefnið Samvera í Safnahúsi fékk veglegan styrk frá Barnamenningarsjóði Íslands á vordögum sem hefur gefið húsinu tækifæri til að bjóða upp á smiðju sem þessa, ritsmiðju, sirkus, tónlistaræfintýri og fleira, allt þátttakendum að kostnaðarlausu og með því jafnað möguleika barna á svæðinu til að skapa og njóta menningar.