Í samræmi við 1. mgr. 36. gr. skipulagslaga nr. 123/2010 eru hér með auglýstar tillögur að breytingu á aðalskipulagi og nýju deiliskipulagi í Borgarbyggð.

Sveitarstjórn Borgarbyggðar samþykkti þann 9. nóvember 2023 að auglýsa tillögu að breytingu á aðalskipulagi fyrir stækkun á íbúðarsvæði Í12 og færslu á Hringvegi um Borgarnes.

• Aðalskipulagsbreyting – greinagerð
• Aðalskipulagsbreyting – uppdráttur
• Aðalskipulagsbreyting – skýringaruppdráttur

Tilgangur breytingar er að stækka núverandi íbúðasvæði (Í12) þar sem hægt verði að koma fyrir allt að 75 íbúðum til viðbótar við núverandi svæði. Um leið er gerð breyting á Hringvegi sem liggur utanvert við Borgarnes til þess að skapa meira rými fyrir stækkun á íbúðarsvæðinu og færa veginn fjær byggðinni til þess að tryggja góð loftgæði og hljóðvist við íbúðarbyggðina. Breytingin felur í sér færslu á um 1,5 km kafla en að öðru leyti er haldið í leiðarval sem liggur í gildandi aðalskipulagi. Í gildandi aðalskipulag er gert ráð fyrir að vegurinn um Borgarnes liggi nánast þvert í gegnum fyrirhugaða íbúabyggð.

Ofangreind skipulagsáætlun er auglýst í skipulagsgátt Skipulagsstofnunar (www.skipulagsgatt.is) frá 27. desember 2023 til og með 14. febrúar 2024 og er hverjum þeim aðila sem telur sig eiga hagsmuna að gæta gefinn kostur á að gera athugasemd við tillöguna á kynningartíma. Auglýsing mun birtast í Bændablaðinu 11. janúar 2024.  Athugasemdum skal skilað í skipulagsgáttina eða senda skriflega til þjónustuvers Borgarbyggðar, Digranesgötu 2, 310 Borganesi, b.t. skipulagsfulltrúa. Ef óskað er nánari kynningu á tillögunni þarf að panta tíma hjá skipulagsfulltrúa.

Vakin er athygli á að athugasemdir teljast til opinberra gagna í allri skipulagsmeðferð og geta meðal annars nöfn íbúa birst í fundargerðum skipulags- og byggingarnefndar.

---